ગ્રુપ-Lમાં સામેલ ક્રોએશિયા અને ઘાનાની ટીમ આમને-સામને થશે. બંને ટીમ વચ્ચે આ ઇન્ટરનેશનલમાં પ્રથમ ટક્કર હશે. નોકઆઉટના દૃષ્ટિકોણથી બંને માટે આ મેચ જીતવી જરૂરી છે.

ક્રોએશિયા 2 મેચમાં 3 પોઇન્ટ્સ સાથે ત્રીજા સ્થાને છે. જ્યારે ઘાના 2 મેચમાં 4 પોઈન્ટ્સ સાથે બીજા સ્થાને છે. આ મેચ જીતનારી ટીમ સુપર-32 માટે ક્વોલિફાય કરી જશે.

ક્રોએશિયાને દિગ્ગજ કેપ્ટન લુકા મોડ્રિચની મિડફિલ્ડ પર પૂરો ભરોસો હશે. બીજી તરફ ઘાના ફોરવર્ડ મોહમ્મદ કુદુસના દમ પર ઉલટફેર કરવાનો પ્રયાસ કરશે.

બંને ટીમની સંભવિત સ્ટાર્ટિંગ-11:

ક્રોએશિયા: લિવાકોવિચ, સ્તાનિસિચ, સુતાલો, પોંગ્રાસિચ, ગ્વાર્ડિઓલ, મોડ્રિચ, કોવાસિચ, પાસાલિચ, માયેર, બુડિમિર, ક્રામરિચ.

ઘાના: અતિ-ઝિગી, સેદુ, ઝિચુ, સાલિસુ, મેન્સા, સમદ, પાર્ટી, નુઆમાહ, કુદુસ, સુલેમાના, ઇનાકી વિલિયમ્સ.

મેચ-69: કોલંબિયા અને પોર્ટુગલ વચ્ચે કાંટાની ટક્કર

ગ્રુપ-Kમાં સામેલ પોર્ટુગલના 2 મેચમાં 4 પોઈન્ટ્સ છે. તે ગ્રુપમાં બીજા સ્થાને છે. જ્યારે કોલંબિયા 2 મેચમાં 6 પોઈન્ટ્સ સાથે પહેલાથી જ આગલા રાઉન્ડ માટે ક્વોલિફાય કરી ચૂક્યું છે. આ મેચ જીતનારી ટીમ ગ્રુપમાં ટોચ પર રહેશે.

આ પહેલા બંને ટીમ વચ્ચે માત્ર 1 મુકાબલો રમાયો છે. 2014માં રમાયેલી આ ફ્રેન્ડલી મેચ 0-0 થી ડ્રો રહ્યો હતો.

કોલંબિયાને કેપ્ટન જેમ્સ રોડ્રિગ્ઝ અને આક્રમક વિંગર લુઈસ ડિયાઝ પાસેથી ગોલની અપેક્ષા રહેશે. જ્યારે રોનાલ્ડો અને બ્રુનો ફર્નાન્ડિઝ શાનદાર રમતની મદદથી પોર્ટુગલને આગલા રાઉન્ડમાં પહોંચાડવા મેદાનમાં ઉતરશે.

બંને ટીમની સંભવિત સ્ટાર્ટિંગ-11:

કોલંબિયા: વર્ગીસ, મુનોઝ, ડી સાંચેઝ, લુકુમી, મોજિકા, લેર્મા, રિયોસ, જે એરિયાસ, જેમ્સ રોડ્રિગ્ઝ, લુઈસ ડિયાઝ, કોર્ડોબા.

પોર્ટુગલ: ડી કોસ્ટા, ડાલોટ, આર ડિયાસ, ઇન્સિયો, મેન્ડેસ, વિટિન્હા, જે નેવેસ, બી સિલ્વા, બ્રુનો ફર્નાન્ડિઝ, જોઆઓ ફેલિક્સ, ક્રિસ્ટિયાનો રોનાલ્ડો.

મેચ-70: ઉઝબેકિસ્તાનને પ્રથમ જીતની શોધ, કોંગો ડીઆર સામે મુકાબલો

ગ્રુપ-Kમાં કોંગો ડીઆર અને ઉઝબેકિસ્તાનની ટીમ ટકરાશે. કોંગો ડીઆર મેચમાં 1 પોઇન્ટ ધરાવે છે, જ્યારે ઉઝબેકિસ્તાને બંને મેચ ગુમાવી છે. નોકઆઉટ માટે દાવેદારી રજૂ કરવાની બંને પાસે આ છેલ્લી તક છે.

બંને દેશોની સિનિયર ટીમ વચ્ચે કોઈપણ સ્તરે અત્યાર સુધી કોઈ મેચ રમાઈ નથી.

કોંગો ડીઆરને તેના ફોરવર્ડ યોઆને વિસા પાસેથી શાનદાર પ્રદર્શનની અપેક્ષા હશે. જ્યારે ઉઝબેકિસ્તાન સ્ટ્રાઈકર એલ્ડર શોમુરુદોવના નેતૃત્વમાં વર્લ્ડ કપમાં પ્રથમ જીત નોંધાવવા મેદાનમાં ઉતરશે.

બંને ટીમની સંભવિત સ્ટાર્ટિંગ-11:

કોંગો ડીઆર: મ્પાસી, કલુલુ, મ્બેમ્બા, બતુબેન્સિકા, માસુઆકુ, પિકેલ, મોઉસામી, બોંગોન્ડા, કાકુતા, વિસા, બમ્બુ.

ઉઝબેકિસ્તાન: યુસુપોવ, અલીકુલોવ, અશુરમાતોવ, ખુશાનોવ, સૈફીવ, હમરોબેકોવ, શુકુરોવ, ઉરુનોવ, તશમિરજાયેવ, મશાદીપોવ, શોમુરુદોવ.

મેચ-71: અલ્જીરિયા અને ઓસ્ટ્રિયા માટે જીત જરૂરી

ગ્રુપ-Jમાં અલ્જીરિયા અને ઓસ્ટ્રિયા વચ્ચે ટક્કર થશે. બંનેના 2 મેચમાં 3-3 પોઈન્ટ્સ છે. ગોલ ડિફરન્સના આધારે ઓસ્ટ્રિયા બીજા અને અલ્જીરિયા ત્રીજા નંબર પર છે. આ મેચ જીતનારી ટીમ સુપર 32 માટે ક્વોલિફાય કરી જશે.

બંને વચ્ચે અત્યાર સુધી માત્ર 1 વાર 1982 વર્લ્ડ કપમાં ટક્કર થઈ હતી. ગ્રુપ સ્ટેજના આ મુકાબલામાં ઓસ્ટ્રિયાએ અલ્જીરિયાને 2-0 થી હરાવ્યું હતું.

અલ્જીરિયાને તેના અનુભવી વિંગર રિયાદ મહેરેઝ પાસેથી જાદુઈ રમતની અપેક્ષા હશે. જ્યારે ઓસ્ટ્રિયાની ટીમ મિડફિલ્ડર માર્સેલ સબિત્ઝરના નેતૃત્વમાં મેદાન પર ઉતરશે.

બંને ટીમની સંભવિત સ્ટાર્ટિંગ-11:

અલ્જીરિયા: માંડ્રિયા, અટલ, માંડી, ટૌગાઈ, બેન્સબેની, અઉઆર, બેન્તાલેબ, ફેઘૌલી, મહેરેઝ, બૌનેદ્જાહ, ચાઈબી.

ઑસ્ટ્રિયા: પેન્ટ્ઝ, પોશ, લિન્હાર્ટ, વોબર, મ્વેને, લામર, સિવાલ્ડ, વિમર, સબિત્ઝર, બૌમગાર્ટનર, ગ્રેગોરિટ્ચ.

મેચ-72: આર્જેન્ટિના સામે જોર્ડનનો આ વર્લ્ડ કપમાં છેલ્લો મેચ

ગ્રુપ-Jમાં સામેલ ડિફેન્ડિંગ ચેમ્પિયન આર્જેન્ટિના પહેલાથી જ નોકઆઉટ માટે ક્વોલિફાય કરી ચૂકી છે. તે 2 મેચમાં 6 પોઈન્ટ્સ સાથે ગ્રુપમાં ટોચ પર છે. બીજી તરફ જોર્ડન સતત 2 મુકાબલા હારીને ટુર્નામેન્ટમાંથી બહાર થઈ ચૂક્યું છે. બંને ટીમ વચ્ચે આંતરરાષ્ટ્રીય સ્તરે આ પહેલો મુકાબલો હશે.

આર્જેન્ટિનાને કેપ્ટન મેસ્સી અને શાનદાર ફોર્મમાં ચાલી રહેલા લૌતારો માર્ટિનેઝ પાસેથી ગોલની અપેક્ષા હશે. જ્યારે જોર્ડન સ્ટાર ફોરવર્ડ મૂસા અલ-તામરીના ભરોસે છેલ્લો મુકાબલો રમશે.

બંને ટીમની સંભવિત સ્ટાર્ટિંગ-11:

જોર્ડન: અબુ લૈલા, નસીબ, અલ-અરબ, અલ-અજાલિન, હદ્દાદ, અલ-રાશદાન, અલ-રાવબદેહ, મશ્તી, અલ-તામરી, અલ-નૈમત, ઓલ્વાન.

આર્જેન્ટિના: ઇ માર્ટિનેઝ, મોલિના, રોમેરો, ઓટામેન્ડી, ટાગ્લિયાફિકો, ડી પોલ, ફર્નાન્ડીઝ, મેક એલિસ્ટર, લિયોનેલ મેસ્સી, લૌતશારો માર્ટિનેઝ, અલ્વારેઝ.

દિવ્ય ભાસ્કરને Google પર મનપસંદ સોર્સ બનાવો