વીડિયો વાઈરલ થયા પછી ગલગોટિયા યુનિવર્સિટીએ કહ્યું- અમે સતત કેમ્પસમાં શ્રેષ્ઠ ટેકનોલોજી લાવવાનો પ્રયાસ કર્યો છે. શા માટે? કારણ કે જ્યારે વિદ્યાર્થીઓ નવી વસ્તુઓ જુએ છે ત્યારે જ તેમની વિચારસરણી વિકસિત થાય છે અને આ જ વિચારસરણી નવા સર્જકોને જન્મ આપે છે.

તાજેતરમાં યુનિટ્રી પાસેથી લેવાયેલો રોબોટિક ડોગ આ યાત્રાનો એક ભાગ છે. આ માત્ર બતાવવા માટે રાખેલું કોઈ મશીન નથી, આ એક ચાલતો-ફરતો ક્લાસરૂમ છે. અમારા વિદ્યાર્થીઓ એના પર પ્રયોગ કરી રહ્યા છે, એની ક્ષમતાઓને ચકાસી રહ્યા છે અને આ પ્રક્રિયામાં પોતાનું જ્ઞાન વધારી રહ્યા છે.

અમે સ્પષ્ટ કરવા માગીએ છીએ કે ગલગોટિયાએ આ રોબોટિક ડોગ બનાવ્યો નથી અને ન તો અમે ક્યારેય આવો દાવો કર્યો છે, પરંતુ અમે એવા મગજ તૈયાર કરી રહ્યા છીએ જે ટૂંક સમયમાં ભારતમાં આવી જ ટેકનોલોજીને ડિઝાઇન કરશે, એનું એન્જિનિયરિંગ કરશે અને એને અહીં જ બનાવશે.

ઇનોવેશનની કોઈ સીમા હોતી નથી. શીખવાની પણ ન હોવી જોઈએ. અમે દુનિયાભરમાંથી શ્રેષ્ઠ ટેકનોલોજી લાવવાનું ચાલુ રાખીશું, જેથી અમારા વિદ્યાર્થીઓ એનો અભ્યાસ કરી શકે, તેમને પડકારી શકે અને એમાં સુધારો કરી શકે અને અંતે ભારતથી દુનિયા માટે વર્લ્ડ-ક્લાસ સોલ્યુશન્સ તૈયાર કરી શકે.

X (એક્સ)એ યુનિવર્સિટીના દાવાને ખોટો ગણાવ્યો

યુનિવર્સિટીના સ્પષ્ટીકરણ પછી સોશિયલ મીડિયા પ્લેટફોર્મ X (એક્સ)એ આ પોસ્ટ પર એક ‘કમ્યુનિટી નોટ’ ઉમેરી. અમાં કહેવામાં આવ્યું હતું કે યુનિવર્સિટીનો આ દાવો છે કે તેણે તેને પોતાનો નથી ગણાવ્યો, એ ભ્રામક છે. X (એક્સ)ની કમ્યુનિટી નોટ એક એવી સુવિધા છે, જેમાં સામાન્ય યુઝર્સ જ કોઈ ભ્રામક પોસ્ટ પર સાચી માહિતી અને સંદર્ભ ઉમેરીને એને ફેક્ટ-ચેક કરે છે.

નોલેજ બોક્સ: શું છે યુનિટ્રી Go2 રોબોટિક ડોગ

• યુનિટ્રી Go2 ચીનની યુનિટ્રી રોબોટિક્સ કંપની દ્વારા બનાવવામાં આવેલો એક AI-પાવર્ડ રોબોટિક ડોગ છે, જે તેની ચપળતા અને એડવાન્સ સેન્સર્સ માટે દુનિયાભરમાં પ્રખ્યાત છે.
• એમાં 4D LiDAR ટેકનોલોજીનો ઉપયોગ થયો છે, જેની મદદથી એ સીડીઓ ચડવા, ખાડાટેકરાવાળા રસ્તાઓ પર ચાલવા અને તેના રસ્તામાં આવતી અડચણોને ઓળખે છે.
• આશરે 2થી 3 લાખ રૂપિયાની કિંમતવાળો આ રોબોટ વોઈસ કમાન્ડ પર પણ કામ કરે છે અને મુખ્યત્વે ટેક્નિકલ રિસર્ચ અને શિક્ષણના ક્ષેત્રમાં ઉપયોગમાં લેવાય છે.

યુનિટ્રી રોબોટિક ડોગ અને હ્યુમનૉઇડ રોબોટ બનાવે છે

યુનિટ્રી ચીનની એક પ્રખ્યાત ટેકનોલોજી કંપની છે, જે હાઈ-પર્ફોર્મન્સવાળા રોબોટિક ડોગ અને હ્યુમનૉઇડ રોબોટ બનાવવા માટે વિશ્વભરમાં જાણીતી છે. આ કંપની મુખ્યત્વે સસ્તું અને એડવાન્સ સેન્સરવાળી રોબોટિક્સ ટેકનોલોજી વિકસાવે છે, જેનો ઉપયોગ રિસર્ચ, એજ્યુકેશન અને ઇન્ડસ્ટ્રિયલ કાર્યો માટે થાય છે.

સુંદર પિચાઈએ PM મોદી સાથે મુલાકાત કરી

ગૂગલના સીઇઓ સુંદર પિચાઈ આજે એટલે કે 18 ફેબ્રુઆરીએ નવી દિલ્હીમાં વડાપ્રધાન નરેન્દ્ર મોદીને મળ્યા. પિચાઈ ‘ગ્લોબલ AI ઇમ્પેક્ટ સમિટ 2026’માં ભાગ લેવા ભારત આવ્યા છે. 20 ફેબ્રુઆરીએ તેઓ આ સમિટમાં કી-નોટ એડ્રેસ (મુખ્ય ભાષણ) આપશે. ભારત પહોંચ્યા પછી પિચાઈએ સોશિયલ મીડિયા પ્લેટફોર્મ X પર પોતાની ખુશી વ્યક્ત કરતાં લખ્યું, “AI ઇમ્પેક્ટ સમિટ માટે ભારતમાં પાછા આવીને સારું લાગી રહ્યું છે. હંમેશની જેમ અહીં ઉષ્માભર્યું સ્વાગત થયું.” સંપૂર્ણ સમાચાર વાંચવા માટે અહીં ક્લિક કરો…

દિવ્ય ભાસ્કરને Google પર મનપસંદ સોર્સ બનાવો