આજે એટલે કે 23 સપ્ટેમ્બરે સોના-ચાંદીના ભાવમાં વધારો થયો છે. ઇન્ડિયા બુલિયન એન્ડ જ્વેલર્સ એસોસિયેશન એટલે કે IBJA મુજબ, 10 ગ્રામ 24 કેરેટ સોનાનો ભાવ 130 રૂપિયા વધીને 1.52 લાખ રૂપિયા પર પહોંચી ગયો છે. એક કિલો ચાંદી 2,366 રૂપિયા મોંઘી થઈને 2.35 લાખ રૂપિયા પર પહોંચી ગઈ છે.

આ વર્ષે સોનું ₹19 હજાર મોંઘું થયું

આ વર્ષે સોના-ચાંદીના ભાવમાં સતત વધઘટ જોવા મળી રહી છે. 2026માં અત્યાર સુધીમાં સોનું 19 હજાર રૂપિયા મોંઘું થઈ ચૂક્યું છે. 31 ડિસેમ્બર 2025ના રોજ 10 ગ્રામ સોનાનો ભાવ 1.33 લાખ રૂપિયા હતો, જે હવે 1.52 લાખ રૂપિયા છે.

બીજી તરફ, 31 ડિસેમ્બર 2025ના રોજ ચાંદીનો ભાવ 2.30 લાખ રૂપિયા પ્રતિ કિલો હતો, જે હવે વધીને 2.35 લાખ રૂપિયા પર પહોંચી ગયો છે. આ દરમિયાન 29 જાન્યુઆરીએ સોનાએ 1.76 લાખ રૂપિયા અને ચાંદીએ 3.86 લાખ રૂપિયાની ઓલ ટાઈમ હાઈ પણ બનાવી હતી.

ડિસેમ્બર સુધીમાં સોનું 1.70 લાખ અને ચાંદી 3 લાખ રૂપિયા સુધી પહોંચી શકે છે

કોટક સિક્યુરિટીઝના સિનિયર વાઇસ પ્રેસિડેન્ટ અને કમોડિટી રિસર્ચ હેડ અનિંદ્ય બેનર્જી કહે છે કે સોનાને સામાન્ય રોકાણકારોની સાથે જ વિશ્વભરની કેન્દ્રીય બેંકો, જેમ કે આરબીઆઈનું પણ સમર્થન પ્રાપ્ત છે, જે સતત સોનું ખરીદી રહી છે.

આગળ મુશ્કેલ પરિસ્થિતિઓમાં પણ સોનામાં તેજી જળવાઈ રહેશે. જો પરિસ્થિતિ સુધરશે તો ચાંદીમાં પણ ઉછાળો જોવા મળી શકે છે. હાલમાં જે સંભવિત પરિસ્થિતિઓ નજરે પડી રહી છે, તે મુજબ ડિસેમ્બર સુધીમાં સોનાની કિંમત 1.70 લાખ રૂપિયા સુધી પહોંચી શકે છે. ચાંદીની કિંમત પણ 3 લાખ રૂપિયા સુધી જઈ શકે છે.

દિવ્ય ભાસ્કરને Google પર મનપસંદ સોર્સ બનાવો