ગોવિંદાની પત્ની સુનીતા આહુજા અને તેનો દીકરો યશવર્ધન બુધવારે મુંબઈમાં ફેમિલી કોર્ટમાંથી બહાર નીકળતા જોવા મળ્યા. બંનેની કોર્ટમાં હાજરીએ લોકોનું ધ્યાન ખેંચ્યું.

દિવ્ય ભાસ્કર સાથેની વાતચીતમાં ગોવિંદાના મેનેજર શશિ રંજને કહ્યું કે, ‘સુનીતા આહુજાએ ગોંવિદાની વિરુદ્ધ દાખલ કરેલી છૂટાછેડાની અરજી પાછી ખેંચી લીધી છે.’ શશિના મતે, હવે બધું ઠીક છે અને બંને વચ્ચે બધું સામાન્ય થવાની અપેક્ષા છે.’ તેમણે પાછલા 2 વર્ષના ઘટનાક્રમને લઈને કહ્યું કે, ‘આ સમય સારો રહ્યો નથી.’

દીકરો યશવર્ધન માતાની ઢાલ બન્યો

કોર્ટની બહારનો એક વીડિયો સામે આવ્યો છે, જેમાં પાપારાઝીએ સુનીતા અને તેના દીકરાને પ્રશ્ન કર્યો કે, ‘કોર્ટમાં શું થયું?’

જેના પર દીકરા યશવર્ધન આહુજાએ કહ્યું, ‘કંઈ થયું નથી. જવા દો.’ યશ પોતાની માતાને કેમેરાથી બચાવતો કાર સુધી લઈ ગયો.

તે જ સમયે, કારમાં બેસતા પહેલા સુનીતાએ ગુસ્સે થઈને કહ્યું, ‘બર્થડે મનાવવા ગયા હતા.’ આ પછી તે કારમાં બેસીને ચાલ્યા ગયા.

પાપારાઝી અને કેમેરાની વચ્ચે માતાને કાર તરફ લઈ જતો દીકરો યશવર્ધન.

નોંધનીય છે કે, સુનીતા આહુજાએ ડિસેમ્બર 2024માં ગોવિંદા વિરુદ્ધ બાંદ્રા ફેમિલી કોર્ટમાં છૂટાછેડા માટે અરજી દાખલ કરી હતી. જ્યારે, આ સમાચાર ગયા વર્ષે ઓગસ્ટ મહિનામાં સામે આવ્યા હતા, જ્યારે હોટરફ્લાઈએ તેના રિપોર્ટમાં કહ્યું હતું કે, સુનીતાએ હિંદુ મેરેજ એક્ટ 1955ની કલમ 13 (1) (i), (ia), (ib) હેઠળ છૂટાછેડા માટે અરજી કરી છે. અરજીમાં તેણે ગોવિંદા પર ક્રૂરતા, બેવફાઈ અને ત્યાગ જેવા ગંભીર આરોપો લગાવ્યા છે. સંપૂર્ણ સમાચાર અહીં વાંચો…

કોમલ રાની સ્વર્ણકાર સાથે અફેરની ચર્ચા

તાજેતરમાં ગોવિંદા તેની આગામી કમબેક ફિલ્મ ‘રૂપા’ની કો-એક્ટ્રેસ કોમલ રાણી સ્વર્ણકાર સાથે અવારનવાર જોવા મળી રહ્યો છે. આ અંગે સુનીતાએ કહ્યું હતું કે, ‘ગોવિંદા પોતાની દીકરીની ઉંમરની છોકરીને લઈને ફરી રહ્યો છે અને તેને આ વાત પર થોડી શરમ આવવી જોઈએ.’

ગોવિંદા એક્ટ્રેસ કોમલ રાણી સ્વર્ણકાર સાથે એરપોર્ટ પર પહોંચ્યો હતો.

સુનીતા આહુજાએ ગોવિંદા સાથે દેખાયેલી એક્ટ્રેસ કોમલના ડ્રેસિંગ સેન્સ પર પણ ટિપ્પણી કરી. તેણે કહ્યું કે, ‘જો સામેવાળાનો શુગર ડેડી એટલો અમીર છે, તો ઓછામાં ઓછા કપડાં તો યોગ્ય પહેરવા જોઈએ.’

સુનીતાએ આગળ કહ્યું હતું કે, ‘માણસનું પોતાનું એક સ્ટાન્ડર્ડ હોવું જોઈએ.’ સુનીતાએ પોતાનું ઉદાહરણ આપતા કહ્યું કે, લોકોએ જોવું જોઈએ કે તેઓ કઈ રીતે સ્ટાઈલ સાથે રહે છે. તેણે આખી ઘટનાને ખૂબ જ ખરાબ અને હલકી વિચારસરણી ગણાવી.

પત્નીના નિવેદનો પર ગોવિંદા ભડક્યો

પત્ની સુનીતાના વાંધાજનક નિવેદનો પર ગોવિંદા ભડકી ગયો. ગોવિંદાએ ચેતવણી આપીને કહ્યું છે કે, તેને (સુનીતાને) હદમાં રહેવું જોઈએ. સાથે જ એક્ટરે કોમલ રાનીનો બચાવ પણ કર્યો અને કહ્યું કે, ‘સુનીતા તેને બદનામ કરવામાં કોઈ કસર છોડી રહી નથી.’ સંપૂર્ણ સમાચાર અહીં વાંચો…

ગોવિંદાની દીકરી ટીનાએ વર્ષ 2015ની ફિલ્મ ‘સેકન્ડ હેન્ડ હસબન્ડ’થી પોતાના અભિનય કરિયરની શરૂઆત કરી હતી. જ્યારે, દીકરો યશવર્ધન ટૂંક સમયમાં ફિલ્મોમાં ડેબ્યૂ કરશે.

કારકિર્દીના કારણે ગોવિંદાએ સુનીતા સાથેના લગ્નને લગભગ બે વર્ષ સુધી દુનિયાથી છુપાવી રાખ્યા હતા.

દિવ્ય ભાસ્કરને Google પર મનપસંદ સોર્સ બનાવો