શેરબજારમાં ઘટાડાના વલણ વચ્ચે ગયા અઠવાડિયે દેશની ટોપ-10માંથી 9 સૌથી મૂલ્યવાન કંપનીઓના માર્કેટ કેપિટલાઇઝેશનમાં કુલ ₹2.74 લાખ કરોડથી વધુનો ઘટાડો જોવા મળ્યો. આ ઘટાડામાં HDFC બેંકને સૌથી વધુ નુકસાન થયું.

સપ્તાહ દરમિયાન સેન્સેક્સ 2,091.68 પોઈન્ટ (2.67%) ઘટ્યો, જ્યારે નિફ્ટીમાં 566.85 પોઈન્ટ (2.32%)નો ઘટાડો નોંધાયો. ટોપ-10ની યાદીમાંથી માત્ર હિન્દુસ્તાન યુનિલિવર જ એક એવી કંપની રહી, જેનું વેલ્યુએશન ગયા અઠવાડિયે વધ્યું છે.

માર્કેટ કેપિટલાઇઝેશન શું હોય છે?

માર્કેટ કેપ કોઈપણ કંપનીના કુલ આઉટસ્ટેન્ડિંગ શેર એટલે કે તે બધા શેર જે હાલમાં તેના શેરહોલ્ડર્સ પાસે છે, તેની વેલ્યુ છે. તેનું કેલ્ક્યુલેશન કંપની દ્વારા જાહેર કરાયેલા શેરની કુલ સંખ્યાને તેની કિંમતથી ગુણીને કરવામાં આવે છે.

તેને એક ઉદાહરણથી સમજો…

ધારો કે… કંપની ‘A’ ના 1 કરોડ શેર માર્કેટમાં લોકોએ ખરીદ્યા છે. જો એક શેરની કિંમત 20 રૂપિયા હોય, તો કંપનીની માર્કેટ વેલ્યુ 1 કરોડ x 20 એટલે કે 20 કરોડ રૂપિયા થશે.

કંપનીઓની માર્કેટ વેલ્યુ શેરની કિંમતો વધવા કે ઘટવાને કારણે વધે-ઘટે છે. આના બીજા ઘણા કારણો છે…