દેશની સૌથી મોટી FMCG અને કન્ઝ્યુમર કંપનીઓ ફેસ્ટિવ સિઝન પહેલા અને સતત બીજા ક્વાર્ટરમાં પોતાના પ્રોડક્ટ્સના ભાવ વધારવાની તૈયારીમાં છે. ટૂથપેસ્ટથી લઈને ટાયર અને પેઇન્ટ જેવી વસ્તુઓ મોંઘી થવાની છે.

મિડલ ઇસ્ટમાં ચાલી રહેલા સંઘર્ષને કારણે કોમોડિટીની કિંમત વધી રહી છે, જેનાથી દેશમાં મોંઘવારી લાંબા સમય સુધી ઊંચા સ્તરે રહેવાની આશંકા છે.

હિન્દુસ્તાન યુનિલિવર લિમિટેડ (HUL) આગામી ક્વાર્ટરમાં ડિટર્જન્ટ અને ડિશવોશિંગ બાર જેવી કેટેગરીમાં કિંમતો વધારશે. HUL ઉપરાંત ડોડલા ડેરી અને એશિયન પેઇન્ટ્સ સહિત ઓછામાં ઓછી 7 અન્ય કંપનીઓએ પણ ભાવ વધારવાની યોજના બનાવી છે.

HULના CFOએ કહ્યું- હોમ કેર સેગમેન્ટમાં કિંમતો વધારી રહ્યા છીએ

ભારતની સૌથી મોટી કન્ઝ્યુમર ગુડ્સ કંપની હિન્દુસ્તાન યુનિલિવરના ચીફ ફાઇનાન્સિયલ ઓફિસર નિરંજન ગુપ્તાએ એનાલિસ્ટ્સને જણાવ્યું કે બાહ્ય ઉતાર-ચઢાવને કારણે ક્રૂડ ઓઇલ સંબંધિત ડેરિવેટિવ્સમાં મોંઘવારી જોવા મળી રહી છે. આ જ કારણોસર કંપની હોમ કેર સેગમેન્ટમાં સમજી-વિચારીને કિંમતો વધારી રહી છે.

હેવેલ્સે 8% અને ટાટા સોલ્ટે 7% સુધી ભાવ વધાર્યા

ઈરાન યુદ્ધને કારણે ઊર્જાની કિંમતો સતત ઊંચી રહી છે, જેનાથી તાત્કાલિક કોઈ રાહત મળતી દેખાતી નથી. અમેરિકા-ઈરાન વચ્ચે તણાવ ફરી ભડકવાને કારણે કંપનીઓ હોમ એપ્લાયન્સિસથી લઈને રસોડાની જરૂરી ચીજવસ્તુઓ પર બીજી વાર કિંમતો વધારવાનું આયોજન કરી રહી છે.

ઓગસ્ટથી નવેમ્બર વચ્ચે તહેવારોની સીઝન, ત્રીજા ભાગનું વેચાણ આ સમયગાળા દરમિયાન

કિંમતોમાં આ તાજો વધારો આવનારી તહેવારોની સીઝન સાથે થઈ રહ્યો છે. દેશમાં તહેવારોની આ સીઝન સામાન્ય રીતે ઓગસ્ટથી નવેમ્બર સુધી ચાલે છે. આ સમયગાળા દરમિયાન, ખાસ કરીને દિવાળીના સમયે, કન્ઝ્યુમર સ્પેન્ડિંગ એટલે કે સામાન્ય લોકોની ખરીદીમાં ઘણો ઉછાળો આવે છે.

ઘણી કંપનીઓ માટે, વર્ષભરના કુલ વેચાણનો એક તૃતીયાંશ (33%) હિસ્સો આ જ સિઝનમાંથી આવે છે. મજબૂત માંગને કારણે કંપનીઓ તેમના વધેલા ખર્ચનો બોજ ગ્રાહકો પર સરળતાથી નાખી શકશે.

જૂનમાં 3.21% થી ઉપર નીકળી મોંઘવારી, RBIનું FY27 અનુમાન 5.1%

જૂન મહિનામાં ખાદ્યપદાર્થો અને ઇંધણના ખર્ચમાં વધારો થવાથી કન્ઝ્યુમર પ્રાઇસ એટલે કે રિટેલ મોંઘવારી દર લગભગ એક વર્ષમાં પ્રથમ વખત રિઝર્વ બેંક ઓફ ઇન્ડિયા (RBI) ના 4% ના લક્ષ્યથી ઉપર નીકળી ગયો. જોકે આ આંકડો RBI ના 2% થી 6% ના સહનશીલ દાયરા એટલે કે ટોલરન્સ બેન્ડની અંદર જ છે.

આવનારા મહિનાઓમાં કંપનીઓ દ્વારા ભાવ વધારવામાં આવવાથી અને નબળા ચોમાસાને કારણે ખાદ્યપદાર્થોની કિંમતો વધવાથી મોંઘવારીનું દબાણ વધુ વધી શકે છે. RBIનું અનુમાન છે કે માર્ચ 2027 ના રોજ પૂરા થતા નાણાકીય વર્ષમાં સરેરાશ મોંઘવારી દર 5.1% રહી શકે છે.

RBI ની MPC મીટિંગ 3-5 ઓગસ્ટના રોજ, વ્યાજ દરો સ્થિર રહેવાની શક્યતા

નોમુરા અને નિષ્ણાતોએ કહ્યું- ખર્ચ વધવાથી ભાવ વધારવા મજબૂરી

નોમુરા હોલ્ડિંગ્સના એશિયા (જાપાન સિવાય)ના મુખ્ય અર્થશાસ્ત્રી સોનલ વર્માનું કહેવું છે કે ઇનપુટ કોસ્ટ અને કંપનીઓના માર્જિન પર પડી રહેલા ભારે દબાણને જોતાં ગ્રાહકો પર વધેલી કિંમતોનો બોજ નાખવો અનિવાર્ય (ફરજિયાત) છે.

જ્યારે, દેવયાની ઇન્ટરનેશનલ (KFC અને Pizza Hut ચલાવનાર)ના ચેરમેન રવિકાંત જયપુરિયાએ જણાવ્યું કે જોકે માંગ અત્યાર સુધી સ્થિર રહી છે, પરંતુ સામાન્ય કરતાં ઓછા વરસાદનો અંદાજ અને ‘અલ નીનો’નું જોખમ એ યાદ અપાવે છે કે ભારતમાં વપરાશની રિકવરી ક્યારેય સીધી રેખામાં ચાલતી નથી.

ગ્રામીણ અને શહેરી વિસ્તારોમાં માગ મજબૂત, જૂનમાં રિટેલ વેચાણ 6% વધ્યું

કંપનીઓની ટિપ્પણીઓ મુજબ, અત્યાર સુધી ગ્રામીણ અને શહેરી બંને ભારતમાં માગ સ્થિર રહી છે.

‘અલ નીનો’ અને ‘ઇનપુટ કોસ્ટ’ શું છે?

અલ નીનો: આ પ્રશાંત મહાસાગરમાં સમુદ્રના પાણીના અસામાન્ય રીતે ગરમ થવાની એક ભૌગોલિક ઘટના છે. આના કારણે ભારતમાં ચોમાસાના પવનો નબળા પડી જાય છે, જેનાથી દુષ્કાળ પડવાનો અથવા ઓછો વરસાદ થવાનો ખતરો રહે છે. ઓછા વરસાદને કારણે પાકનું ઉત્પાદન ઘટે છે અને ખાવા-પીવાની વસ્તુઓ મોંઘી થઈ જાય છે.

ઇનપુટ કોસ્ટ: કોઈપણ પ્રોડક્ટને તૈયાર કરવા અથવા બનાવવા માટે લાગતા કાચા માલ, ઇંધણ, ટ્રાન્સપોર્ટેશન અને મજૂરીના કુલ ખર્ચને ઇનપુટ કોસ્ટ કહેવાય છે. જ્યારે આ પડતર વધે છે, ત્યારે કંપનીઓને પોતાનો નફાનો ગાળો બચાવવા માટે અંતિમ પ્રોડક્ટના ભાવ વધારવા પડે છે.

દિવ્ય ભાસ્કરને Google પર મનપસંદ સોર્સ બનાવો