ભારતના ઝડપી બોલર જસપ્રીત બુમરાહે T20 બોલર્સની રેન્કિંગના ટૉપ-5માં વાપસી કરી લીધી છે. તે કોઈ પણ મેચ રમ્યા વગર ટૉપ-5માં પહોંચી ગયો છે. આવું એટલા માટે થયું કારણ કે, સાઉથ આફ્રિકા અને ન્યૂઝીલેન્ડે વર્લ્ડ કપ પછી 2 T20 મેચ રમી. પરંતુ, આમાં સાઉથ આફ્રિકાના કોર્બિન બોશને તક મળી નથી. આનાથી તેમને રેન્કિંગમાં નુકસાન થયું. તેઓ છઠ્ઠા સ્થાને આવી ગયા. ICCએ બુધવારે નવા પ્લેયર રેન્કિંગ્સ જાહેર કર્યા. આમાં જસપ્રીત 702 રેટિંગ અંક સાથે પાંચમા સ્થાને પહોંચી ગયો છે. જસપ્રીત T20 વર્લ્ડ કપની ફાઇનલમાં પ્લેયર ઓફ ધ મેચ રહ્યો હતો. બેટર્સની રેન્કિંગમાં વધુ બદલાવ થયો નથી. ભારતના અભિષેક શર્મા (875 રેટિંગ પોઇન્ટ્સ) ટૉપ પર છે. તે 8 મહિનાથી ટૉપ પર જળવાઈ રહ્યો છે. રેન્કિંગમાં સૌથી વધુ બદલાવ વન-ડે ફોર્મેટમાં જોવા મળ્યા, જ્યારે આ સમયગાળા દરમિયાન T20 મેચ ઓછી રમાઈ હતી. બોલરોમાં કિવી કેપ્ટન સેન્ટનરને ફાયદો
T20 ઇન્ટરનેશનલ રેન્કિંગમાં ન્યૂઝીલેન્ડના કેપ્ટન મિચેલ સેન્ટનરને ફાયદો થયો છે. સાઉથ આફ્રિકા સામે રમાઈ રહેલી પાંચ મેચની સિરીઝની પ્રથમ 2 મેચમાં તેણે 3 વિકેટ લેવા ઉપરાંત 35 રન પણ બનાવ્યા હતા, જેના કારણે સિરીઝ હાલમાં 1-1થી બરાબરી પર છે. જ્યારે, હજુ ત્રણ મેચ બાકી છે. આ પ્રદર્શનના આધારે સેન્ટનર બોલરોની રેન્કિંગમાં 11 સ્થાનની છલાંગ લગાવીને 13મા સ્થાને પહોંચી ગયો છે. બેટર્સમાં અભિષેક ટોચ પર યથાવત
બેટર્સની T20 રેન્કિંગમાં ભારતનો અભિષેક શર્મા ટોચના સ્થાને યથાવત છે. ન્યૂઝીલેન્ડના ડેવોન કોનવેએ પણ સુધારો કરીને ચાર સ્થાનની છલાંગ લગાવી અને હવે તે 70મા નંબર પર પહોંચી ગયો છે. સેન્ટનર ઓલરાઉન્ડર્સની કારકિર્દીની સર્વશ્રેષ્ઠ રેન્કિંગમાં પહોંચ્યો
T20ના ઓલરાઉન્ડર્સની રેન્કિંગમાં મિચેલ સેન્ટનર કારકિર્દીની સર્વશ્રેષ્ઠ રેન્કિંગમાં પહોંચી ગયો છે. તે બે સ્થાન ઉપર ચઢીને સાતમા સ્થાને આવી ગયો છે. સલમાન આગાને 9 સ્થાનનો ફાયદો
વન-ડે રેન્કિંગમાં બાંગ્લાદેશના કેપ્ટન મેહદી હસન મિરાજ અને પાકિસ્તાનના T20 કેપ્ટન સલમાન અલી આગાને ફાયદો થયો છે. પાકિસ્તાનના સલમાન અલી આગાએ તાજેતરમાં બાંગ્લાદેશ સામેની છેલ્લી વન-ડેમાં સદી ફટકારી હતી, જેના કારણે તેણે એકસાથે 9 સ્થાનની છલાંગ લગાવી છે, જેનાથી હવે તે નવમા નંબર પર પહોંચી ગયો છે. તેની રેટિંગ હવે કેએલ રાહુલ જેટલી 664 થઈ ગઈ છે. બાંગ્લાદેશ માટે આ અઠવાડિયે માત્ર મિરાજ ઉપરાંત બોલરોની યાદીમાં તસ્કીન અહેમદે 12 સ્થાનની છલાંગ સાથે 28મું સ્થાન હાંસલ કર્યું, જ્યારે મુસ્તફિઝુર રહેમાન 13 સ્થાનની છલાંગ લગાવીને 47મા સ્થાને પહોંચી ગયો. બોલરોમાં મેહદી હસનને ફાયદો
મેહદી હસને પાકિસ્તાન સામેની ત્રણ મેચની વન-ડે સિરીઝમાં શાનદાર પ્રદર્શન કર્યું હતું. તેણે ત્રણેય મેચમાં કુલ પાંચ વિકેટ લઈને ટીમને જીત અપાવવામાં મહત્વની ભૂમિકા ભજવી હતી, જેના કારણે બાંગ્લાદેશે સિરીઝ 2-1થી પોતાના નામે કરી હતી. આનાથી મિરાજ વન-ડે બોલરોની તાજેતરની રેન્કિંગમાં 9 સ્થાનનો કૂદકો લગાવીને સાતમા સ્થાને પહોંચી ગયો છે. જ્યારે 28 વર્ષીય મિરાજે ઓલરાઉન્ડરોની રેન્કિંગમાં પણ બે સ્થાનનો સુધારો કર્યો છે અને હવે તે આ યાદીમાં બીજા સ્થાને આવી ગયો છે.