ઇન્ટરનેશનલ ઇન્ડિયન ફિલ્મ એકેડમી (IIFA) એવોર્ડ્સની 27મી આવૃત્તિ 2027માં અબુ ધાબીમાં યોજાશે. સલમાન ખાન, કરીના કપૂર ખાન અને શાહિદ કપૂર સહિત અનેક સિતારાઓ તેમાં ભાગ લેશે.

કરણ જોહર, વરુણ ધવન, જાહ્નવી કપૂર, પંકજ ત્રિપાઠી અને અલી ફઝલ પણ કાર્યક્રમનો ભાગ હશે. બે દિવસીય આ ઇવેન્ટમાં કલાકારો, ફિલ્મ નિર્માતાઓ અને સંગીત કલાકારો ભાગ લેશે.

IIFA 2027નું આયોજન અબુ ધાબીના યાસ આઇલેન્ડ સ્થિત એતિહાદ એરેનામાં થશે. 27મી આવૃત્તિની ટિકિટ 18 સપ્ટેમ્બરના રોજ UAE સમય અનુસાર સવારે 10 વાગ્યાથી મળશે.

અબુ ધાબીમાં IIFAનું આ ચોથું આયોજન હશે. આ કાર્યક્રમ ડિપાર્ટમેન્ટ ઓફ કલ્ચર એન્ડ ટુરિઝમ અબુ ધાબી અને મિરાલ સાથે ભાગીદારીમાં યોજાશે.

બે દિવસના આ કાર્યક્રમમાં સિતારાઓની પરફોર્મન્સ અને એવોર્ડ્સ સેરેમની યોજાશે. 27મું સંસ્કરણ 2027માં યાસ આઇલેન્ડના ઇતિહાદ એરેના, અબુ ધાબીમાં આયોજિત કરવામાં આવશે.

2025માં ‘લાપતા લેડીઝ’એ 10 એવોર્ડ જીત્યા હતા

ગયા એટલે કે 25મા IIFA એવોર્ડ્સનો સિલ્વર જ્યુબિલી સમારોહ 8 અને 9 માર્ચ 2025ના રોજ ભારતમાં યોજાયો હતો. જયપુર એક્ઝિબિશન એન્ડ કન્વેન્શન સેન્ટર (JECC)માં યોજાયેલા આ સમારોહમાં બોલિવૂડની અનેક મોટી હસ્તીઓએ હાજરી આપી હતી.

આ ઇવેન્ટને અભિનેતા કાર્તિક આર્યન અને ફિલ્મમેકર કરણ જોહરે કો-હોસ્ટ કરી હતી. સમારોહમાં કિરણ રાવના નિર્દેશનમાં બનેલી ફિલ્મ ‘લાપતા લેડીઝ’એ કુલ 10 મુખ્ય એવોર્ડ જીત્યા હતા. આમાં બેસ્ટ પિક્ચર અને બેસ્ટ ડિરેક્ટર જેવા મોટા એવોર્ડ પણ સામેલ હતા.

25મો IIFA સમારોહ એટલા માટે પણ ખાસ રહ્યો કારણ કે તે એવોર્ડ્સની સિલ્વર જ્યુબિલી આવૃત્તિ હતી. આ પ્રસંગે હિન્દી સિનેમાના કલાકારો, ફિલ્મ નિર્માતાઓ અને ટેકનિકલ ટીમોને તેમના કામ માટે સન્માનિત કરવામાં આવ્યા.

દિવ્ય ભાસ્કરને Google પર મનપસંદ સોર્સ બનાવો