IPL 2026 પહેલાં ચેન્નઈ સુપર કિંગ્સ (CSK) 22 માર્ચે ચેન્નઈના એમએ ચિદમ્બરમ સ્ટેડિયમમાં એક ખાસ રિયુનિયન કાર્યક્રમ યોજવા જઈ રહી છે. આ ઇવેન્ટમાં ટીમના ઘણા પૂર્વ ખેલાડીઓ ભાગ લેશે, જેમાં કેટલાક એવા નામ પણ છે જેઓ હાલમાં અન્ય ફ્રેન્ચાઇઝી સાથે જોડાયેલા છે. મુરલીધરન, હેડન અને રૈના સામેલ થશે આ રિયુનિયનમાં મુથૈયા મુરલીધરન, મેથ્યુ હેડન અને ડ્વેન બ્રાવો જેવા દિગ્ગજોના આગમનની પુષ્ટિ થઈ ચૂકી છે. જ્યારે સુરેશ રૈના પણ આ કાર્યક્રમમાં ભાગ લેશે. લગભગ 19-20 પૂર્વ ખેલાડીઓ, વર્તમાન ટીમ અને સપોર્ટ સ્ટાફ સાથે આ કાર્યક્રમનો ભાગ બનશે. ઇવેન્ટને લઈને શરૂઆતમાં ચર્ચા હતી કે કોઈ મોટી જાહેરાત થઈ શકે છે, પરંતુ ફ્રેન્ચાઇઝીએ સ્પષ્ટ કર્યું છે કે આ ફક્ત સીઝન પહેલાનો ફેન એન્ગેજમેન્ટ કાર્યક્રમ છે. CSKના CEO કાશી વિશ્વનાથને કહ્યું કે આનો વધુ મોટો અર્થ કાઢવાની જરૂર નથી. એઆર રહેમાન પર્ફોર્મ કરશે કાર્યક્રમ સાંજે 4 વાગ્યાથી 9 વાગ્યા સુધી ચાલશે અને તેમાં સંગીતકાર એઆર રહેમાનની પ્રસ્તુતિ પણ હશે. ટીમે અન્ય ફ્રેન્ચાઇઝીઓનો પણ સંપર્ક કર્યો છે જેથી તેમના કોચિંગ સ્ટાફ સાથે સંકળાયેલા ભૂતપૂર્વ ખેલાડીઓ આ દિવસ માટે ઉપલબ્ધ થઈ શકે. અશ્વિન સામેલ નહીં થાય આર અશ્વિન આ કાર્યક્રમમાં સામેલ થઈ શકશે નહીં કારણ કે તે શહેરની બહાર રહેશે. જ્યારે સંજુ સેમસન અને શિવમ દુબે, જેઓ તાજેતરમાં T20 વર્લ્ડ કપ જીતનારી ભારતીય ટીમનો ભાગ હતા, તેઓ હાલમાં ચેન્નઈમાં ચાલી રહેલા કેમ્પમાં જોડાઈ જશે. પહેલી મેચ રાજસ્થાન સામે રમશે ચેન્નઈ સુપર કિંગ્સ પોતાનું IPL 2026 અભિયાન 30 માર્ચના રોજ ગુવાહાટીમાં રાજસ્થાન રોયલ્સ સામે શરૂ કરશે. ટીમની પહેલી હોમ મેચ 3 એપ્રિલના રોજ પંજાબ કિંગ્સ સામે થશે. ચેન્નઈએ 5 IPL ખિતાબ જીત્યા CSK એ IPL ઇતિહાસમાં અત્યાર સુધી કુલ 5 ખિતાબ (2010, 2011, 2018, 2021, 2023) પોતાના નામે કર્યા છે. ટીમ પહેલી જ સિઝન 2008ની ફાઇનલમાં પહોંચી હતી. 2010 અને 2011માં સતત બે ખિતાબ જીતીને CSKએ પોતાનો દબદબો કાયમ કર્યો, જ્યારે 2018માં બે વર્ષના સસ્પેન્શન પછી વાપસી કરતા ચેમ્પિયન બનવું ટીમના સૌથી મોટી ઉપલબ્ધિઓમાં ગણાય છે.