ઈટાલીના વડાપ્રધાન જ્યોર્જિયા મેલોની ફરી એકવાર સોશિયલ મીડિયા પર ચર્ચાનું કેન્દ્ર બન્યા છે. આ વખતે કારણ કોઈ રાજકીય નિવેદન કે આંતરરાષ્ટ્રીય મુદ્દો નથી, પરંતુ તેમની ફેશન સ્ટાઇલ છે. ઈટાલીના વડાપ્રધાન દ્વારા શેર કરવામાં આવેલી તાજેતરની એક સેલ્ફીએ ભારતીય સોશિયલ મીડિયા પર હલચલ મચાવી દીધી છે, કારણ કે તસવીરમાં તેઓ પરંપરાગત ભારતીય ઝુમકા પહેરેલા જોવા મળ્યા હતા.

ઈન્સ્ટાગ્રામ પર સેલ્ફી શેર કરી

મેલોનીએ તેમના સત્તાવાર સોશિયલ મીડિયા એકાઉન્ટ પર આ સેલ્ફી પોસ્ટ કરી છે, જેમાં તેઓ અત્યંત સંતુલિત અને ઔપચારિક વિન્ટર લુકમાં જોવા મળ્યા હતા. તેમણે બ્લેઝર પહેર્યું હતું, જેને બેજ નિટ ટોપ સાથે સ્ટાઇલ કરવામાં આવ્યું હતું. તેમનો આખો લુક ક્લાસી અને પોલિશ્ડ દેખાતો હતો, પરંતુ સૌથી વધુ ધ્યાન તેમની એક્સેસરીઝે ખેંચ્યું હતું.

તસવીરમાં તેઓ સુંદર પરંપરાગત ઝુમકા પહેરેલા દેખાયા, જેમાં નાજુક ઘૂંઘરી શૈલીની ઝીણી કારીગરી જોવા મળી હતી. આ જ ડિઝાઇન ભારતીય યુઝર્સની નજરોથી બચી શકી નહીં અને થોડી જ વારમાં આ તસવીર વાયરલ થઈ ગઈ.

મેલોનીએ પોસ્ટમાં રાજકીય સંદેશ આપ્યો

પોસ્ટની સાથે મેલોનીએ એક રાજકીય સંદેશ પણ શેર કર્યો હતો, જેમાં તેમણે પ્રચાર, સ્વતંત્રતા અને ઈટાલીના રાષ્ટ્રીય હિતોનો ઉલ્લેખ કર્યો હતો. જોકે ઈન્ટરનેટ પર લોકોનું ધ્યાન તેમના રાજકીય સંદેશ કરતા વધુ તેમના ઝુમકા પર ગયું. સોશિયલ મીડિયા પર ગણતરીની મિનિટોમાં જ ભારતીય યુઝર્સે કોમેન્ટ સેક્શન ભરી દીધું અને આ અનોખી ફેશન મોમેન્ટ પર પોતાની પ્રતિક્રિયાઓ આપવાનું શરૂ કરી દીધું.

વિશ્વમાં ભારતની વધતી જતી સાંસ્કૃતિક તાકાત

ઘણા યુઝર્સે તેને ભારતની વધતી જતી સાંસ્કૃતિક તાકાત અને વૈશ્વિક પ્રભાવના સંકેત તરીકે ગણાવ્યો હતો. લોકોએ કહ્યું કે ભારતીય પરંપરાગત આભૂષણો હવે વિશ્વના મોટા નેતાઓ સુધી પહોંચી રહ્યા છે. તો વળી, કેટલાક લોકોએ હળવા અંદાજમાં રમુજી મીમ્સ બનાવતા કહ્યું કે મેલોનીએ હવે બોલિવૂડ સ્ટાઇલ પાવર ડ્રેસિંગ અપનાવી લીધું છે.

કેટલાક યુઝર્સે એવું પણ લખ્યું કે ભારતીય ઝુમકાની સુંદરતા એવી છે કે વિશ્વભરમાં કોઈ પણ તેનાથી પ્રભાવિત થયા વગર રહી શકે નહીં. આ ક્ષણ ભારતીય યુઝર્સ વચ્ચે એટલા માટે પણ ઝડપથી જોડાઈ કારણ કે ઝુમકા ભારતમાં માત્ર એક આભૂષણ નથી, પરંતુ પરંપરા, ઉત્સવ અને રોજબરોજની ઓળખનો એક ભાગ છે.

સોશિયલ મીડિયા પર છવાયા ‘મેલોનીના ઝુમકા’

જ્યોર્જિયા મેલોનીના ઝુમકાને લઈને સોશિયલ મીડિયા પર મજેદાર રિએક્શન સામે આવી રહ્યા છે. એક યુઝરે લૂપિંગ બોલિવૂડ GIF સાથે કેપ્શન આપ્યું, ‘What Jhumka’, જે એક લોકપ્રિય બોલિવૂડ ગીતનો કીવર્ડ છે. આ સિવાય અન્ય એક યુઝરે મેલોનીને પૂછ્યું, ‘તમને આ ઝુમકા ક્યાંથી મળ્યા?’

ભારતમાં લગ્ન-પ્રસંગો, તહેવારો, પારિવારિક સમારંભો અને ખાસ પ્રસંગોએ ઝુમકા પહેરવામાં આવે છે. આ સાથે આધુનિક ફેશનમાં પણ ઝુમકાની લોકપ્રિયતા સતત જળવાયેલી છે. નવી પેઢી પણ તેને પરંપરાગત અને વેસ્ટર્ન એમ બંને પ્રકારના આઉટફિટ્સ સાથે પહેરવાનું પસંદ કરે છે.

ઝુમકાની આ જ ખાસિયત છે કે તેઓ સમયની સાથે ટ્રેન્ડ બદલાવા છતાં પોતાના સાંસ્કૃતિક મૂળ સાથે જોડાયેલા રહ્યા છે. આ જ કારણ છે કે જ્યારે કોઈ વૈશ્વિક નેતાને આ પ્રકારે ભારતીય આભૂષણ પહેરેલા જોવામાં આવ્યા, ત્યારે ભારતીયો માટે આ ક્ષણ આશ્ચર્યચકિત કરવાના સાથે-સાથે આત્મીયતાનો અનુભવ કરાવનારી પણ બની ગઈ.

—————————————–

આ સમાચાર પણ વાંચો…

મેલોનીને બથ ભરીને બે કિસ કરી લીધી:રેડ સૂટમાં જોઈને મેક્રોને કંટ્રોલ ગુમાવ્યો, મેલોની ઘડીક તો ગભરાઈ ગયાં; ફ્રાન્સના રાષ્ટ્રપતિની હરકતનો વીડિયો વાયરલ

યુરોપિયન દેશો હોર્મુઝ સ્ટ્રેટને ફરીથી કેવી રીતે ખોલવું તેની યોજના બનાવવા માટે સાથે મળીને કામ કરી રહ્યા છે. જોકે, જ્યારે આ નેતાઓ મળ્યા ત્યારે એક એવી ક્ષણ બની જે વાયરલ થઈ ગઈ. જ્યારે ફ્રાન્સના રાષ્ટ્રપતિ ઇમેન્યુઅલ મેક્રોન અને ઇટાલીના વડા પ્રધાન જ્યોર્જિયા મેલોની મળ્યા.

મેલોની રેડ સૂટમાં કારમાંથી ઉતર્યા. ફ્રાન્સના રાષ્ટ્રપતિ કંટ્રોલ ના રાખી શક્યા ને મેલોનીને બથ ભરીને બે કિસ કરી લીધી. જ્યોર્જિયા મેલોની મેક્રોનની હરકતથી ઘડીક તો ગભરાઈ ગયાં, પછી સ્થિતિ સંભાળી લીધી. વાંચો સંપૂર્ણ સમાચાર…

દિવ્ય ભાસ્કરને Google પર મનપસંદ સોર્સ બનાવો