બોલિવૂડ એક્ટ્રેસ જાહ્નવી કપૂર અને શિખર પહાડિયાના રિલેશનની ચર્ચા ફરી એકવાર તેજ બની છે. સોશિયલ મીડિયા પર જાહ્નવી કપૂરનો એક નવો ફોટો સામે આવી છે, જેમાં તે એક અનોખો નાઈટસૂટ પહેરેલી જોવા મળી રહી છે. આ નાઈટસૂટ પર શિખર પહાડિયાના નામનો એક મેસેજ પણ લખેલો છે.

ઇન્સ્ટાગ્રામ પર ઘણા હેન્ડલ્સે જાહ્નવી કપૂરની એક તસવીર શેર કરી. આ ફોટોમાં જાહ્નવીએ પિંક કલરનો નાઈટસૂટ અને ગ્રે જેકેટ પહેર્યું છે. તેના નાઈટસૂટ પર અંગ્રેજીમાં લખેલું છે, ‘If Lost, Please Return To Shikhar Pahariya’ એટલે કે ‘જો હું ખોવાઈ જાઉં, તો કૃપા કરીને શિખર પહાડિયાને પાછી આપી દેજો.’

પહેલા પણ આપી ચૂકી છે સંબંધની હિન્ટ

આ પહેલીવાર નથી જ્યારે જાહ્નવીએ શિખર પ્રત્યે પોતાનો લગાવ વ્યક્ત કર્યો હોય. આ પહેલા પણ તે શિખરના નામની ટી-શર્ટ પહેરેલી જોવા મળી હતી. એકવાર તે એક ઇવેન્ટમાં ગળામાં ‘શિખર’ નામનો નેકલેસ પહેરેલી જોવા મળી હતી. શિખર પહાડિયા પણ અવારનવાર પોતાના સોશિયલ મીડિયા એકાઉન્ટ પર જાહ્નવીની તસવીરો શેર કરતા રહે છે.

ગયા વર્ષે જ્યારે જાહ્નવીની ફિલ્મ ‘હોમબાઉન્ડ’નું પ્રીમિયર કાન્સ ફિલ્મ ફેસ્ટિવલમાં થયું હતું, ત્યારે શિખર પણ રેડ કાર્પેટ પર તેની સાથે હાજર હતો. બંનેને અવારનવાર ઘણા ફેમિલી ફંક્શન અને ઇવેન્ટ્સમાં સાથે જોવામાં આવે છે.

પરિવારના નજીકના છે શિખર પહાડિયા

શિખરને અવારનવાર કપૂર પરિવારના ખાનગી કાર્યક્રમો અને રજાઓમાં જોવામાં આવે છે. તેઓ માત્ર જાહ્નવી સાથે વેકેશન પર જ નથી જતા, પરંતુ અવારનવાર મંદિરોના દર્શન માટે પણ પરિવાર સાથે જોવા મળે છે. જાહ્નવીએ પણ એપ્રિલ 2024માં ‘કોફી વિથ કરણ’ના એક એપિસોડમાં ઇશારામાં જણાવ્યું હતું કે તે કોઈની સાથે રિલેશનશિપમાં છે.

બંનેનું નામ સૌથી પહેલા ત્યારે જોડાયું હતું, જ્યારે જાહ્નવીએ બોલિવૂડમાં ડેબ્યૂ પણ નહોતું કર્યું. વર્ષ 2016માં થોડા સમય સુધી એકબીજાને ડેટ કર્યા પછી બંને અલગ થઈ ગયા હતા. જોકે, છેલ્લા કેટલાક વર્ષોથી તેઓ અવારનવાર પબ્લિક પ્લેસ પર સાથે જોવા મળે છે.

પ્રેમમાં સુરક્ષિત અનુભવે છે જાહ્નવી

તાજેતરમાં એક પોડકાસ્ટ દરમિયાન જાહ્નવીએ પ્રેમ અને તેના પાર્ટનર વિશે ખુલીને વાત કરી હતી. તેણે શિખરનું નામ લીધા વિના કહ્યું, “પ્રેમ સુરક્ષિત અનુભવ કરાવે છે. તેની હાજરીને કારણે હવે હું પોતાને એટલી લાચાર અનુભવતી નથી.”

તેણે આગળ કહ્યું કે તે આ સંબંધમાં એક બાળકીની જેમ રહી શકે છે અને તેની સાથે તેને સૌથી વધુ મજા આવે છે. એક્ટ્રેસના મતે, આ પ્રેમે તેને તેના સૌથી સાચા સ્વરૂપમાં રહેવામાં મદદ કરી છે.

દિવ્ય ભાસ્કરને Google પર મનપસંદ સોર્સ બનાવો