રમાં જ્યારે પણ કોઈ મહેમાન આવે અથવા પરિવારના સભ્યોની ઈચ્છા થાય, ત્યારે પુરી, ભજીયા કે પકોડા જેવી તળેલી વાનગીઓ અવારનવાર બનતી હોય છે. લોકો આ સ્વાદિષ્ટ વાનગીઓ ખૂબ આનંદથી ખાય છે, પરંતુ મુશ્કેલી ત્યારે થાય છે જ્યારે કડાઈમાં ઘણું બધું તેલ બચી જાય છે. તબીબી દ્રષ્ટિએ તળેલા તેલનો રસોઈમાં વારંવાર ઉપયોગ કરવો સ્વાસ્થ્ય માટે ખૂબ જ હાનિકારક માનવામાં આવે છે. આથી, ઘણા ઘરોમાં આ તેલને નકામું સમજીને ફેંકી દેવામાં આવે છે. જો તમે પણ આવું જ કરો છો, તો તમે ભૂલ કરી રહ્યા છો! ભલે આ તેલ ખાવા માટે યોગ્ય ન હોય, પરંતુ ઘરના અન્ય કામોમાં તેનો સ્માર્ટ ઉપયોગ કરીને તમે પૈસા અને તેલ બંને બચાવી શકો છો.
બચેલા તેલનો ઉપયોગ કરવાની ટીપ્સ
કુદરતી કીટનાશક બનાવો: વપરાયેલા તેલનો ઉપયોગ કુદરતી કીટનાશક તરીકે થઈ શકે છે. આ માટે થોડી માત્રામાં તેલ, પાણી અને સહેજ લિક્વિડ સાબુ મિક્સ કરીને એક સ્પ્રે બોટલમાં ભરી લો. આ મિશ્રણને છોડ પર છાંટવાથી નાના-મોટા જંતુઓ છોડથી દૂર રહે છે. જો કે, આ ઉપાય કરતી વખતે સાવધાની રાખવી અને તેનો વધુ પડતો ઉપયોગ ન કરવો જેથી છોડને નુકસાન ન થાય.
કાટ લાગેલા સાધનોને ચમકાવવા : બગીચાના સાધનો, કાતર, ચપ્પુ અથવા અન્ય ધાતુની વસ્તુઓ પર જો કાટ લાગવા માંડ્યો હોય, તો આ જૂનું તેલ બેસ્ટ ઈલાજ છે. એક સૂકા કપડા પર થોડું તેલ લો અને કાટવાળા સાધનોને બરાબર સાફ કરો. આનાથી ધાતુની ચમક પાછી આવશે અને ભવિષ્યમાં કાટ લાગતો અટકશે.
દરવાજા અને કબાટમાં ઉપયોગ કરો : ઘણીવાર ઘરના દરવાજા, બારીઓ અથવા કબાટ ખોલતી-બંધ કરતી વખતે કર્કશ અવાજ આવતો હોય છે. આ સમસ્યાથી છુટકારો મેળવવા માટે તેના મિજાગરા (Hinges) માં તેલના થોડા ટીપાં નાખો. તે એક ઉત્તમ લુબ્રિકન્ટ તરીકે કામ કરે છે અને ઘર્ષણ ઘટાડીને અવાજ બંધ કરે છે. યાદ રાખવું કે તેલ બહુ વધારે ન લગાવવું, નહીંતર ત્યાં ધૂળ ચોંટી જશે.
લાકડાના ફર્નિચરની સંભાળ કરી શકશો : ઘરમાં રાખેલા લાકડાના સ્ટૂલ, ખુરશીના હેન્ડલ અથવા બગીચાના લાકડાના ફર્નિચરની સપાટીને સુંવાળી અને ચમકદાર રાખવા માટે તમે વપરાયેલા તેલના થોડા ટીપાં લગાવી શકો છો. જો કે, આખા ફર્નિચર પર લગાવતા પહેલા, તેને લાકડાના કોઈ નાના અને ખૂણાના ભાગ પર ટેસ્ટ કરી લેવું હિતાવહ છે.
ડસ્ટબીનની દુર્ગંધ અને ગંદકી ઘટાડવા : ઘણીવાર કચરાપેટી (ડસ્ટબીન) તળિયેથી ગંદી થઈ જાય છે અને તેમાંથી અસહ્ય ગંધ આવવા લાગે છે. આના ઉપાય તરીકે, ડસ્ટબીનને બરાબર ધોઈને સુકવ્યા પછી તેના અંદરના ભાગમાં તેલનું એક પાતળું સ્તર લગાવી દો. આનાથી ગંદકી તળિયે ચોંટશે નહીં અને કચરાપેટી સાફ કરવી ખૂબ જ સરળ બની જશે.
વધેલા તેલના ઉપયોગમાં રાખો ધ્યાન
વપરાયેલા તેલનો ફરીથી રસોઈ માટે ઉપયોગ કરવાનું બને ત્યાં સુધી ટાળો, કારણ કે તેને વારંવાર ગરમ કરવાથી શરીરમાં કેન્સર અને હૃદયરોગ પેદા કરી શકે તેવા હાનિકારક તત્વો બને છે. જો તેલ એકદમ ઘટ્ટ થઈ ગયું હોય, તેમાંથી દુર્ગંધ આવતી હોય અથવા ગરમ કરતી વખતે વધુ પડતો ધુમાડો નીકળતો હોય, તો તેનો ઘરગથ્થુ ઉપયોગ પણ ન કરવો અને તેને કાળજીપૂર્વક નિકાલ કરી દેવો.
(Disclaimer: આ માહિતી વાચકોને વધારે વિગતો પુરી પાડવા માટે છે અને આ સંદર્ભમાં વધારે જાણકારી મેળવવા માટે આપ તજજ્ઞોનો સંપર્ક સાધી શકશો. )
