ટૉપ સ્કોરર રઘુવંશી બહાર, એલન પાસેથી આશા

કોલકાતા તરફથી આ સીઝનમાં સૌથી વધુ 422 રન અંગક્રિશ રઘુવંશીએ બનાવ્યા છે, પરંતુ તે ઈજાના કારણે બાકીની આખી સીઝનમાંથી બહાર થઈ ગયો છે. તેની ગેરહાજરીમાં ટીમને ફિન એલન પાસેથી આશાઓ રહેશે. એલન 10 મેચમાં એક સદી અને એક ફિફ્ટીની મદદથી 329 રન બનાવી ચૂક્યો છે. કાર્તિક ત્યાગીએ ટીમ તરફથી સૌથી વધુ વિકેટ ઝડપી છે. તેના નામે 18 વિકેટ છે. મથીશા પથિરાનાએ ઈજાના કારણે મોડી વાપસી કરી છે. હર્ષિત રાણા અને આકાશ દીપ પણ ઈજાના કારણે પહેલા જ બહાર થઈ ચૂક્યા છે. ફ્રેન્ચાઈઝીએ મુસ્તફિઝુર રહેમાનને IPL શરૂ થતા પહેલા જ બહાર કરી દીધો હતો.

દિલ્હીની બેટિંગ કેએલ રાહુલ પર નિર્ભર

આ સીઝનમાં દિલ્હીની બેટિંગ કેએલ રાહુલ પર નિર્ભર રહી છે. ટીમના ટૉપ સ્કોરર રાહુલે 13 મેચમાં એક સદી અને 4 ફિફ્ટીની મદદથી 533 રન બનાવ્યા છે. પથુમ નિસાંકા (278 રન), ટ્રિસ્ટન સ્ટબ્સ (275 રન) અને સમીર રિઝવી (252 રન)એ કેટલીક તકો પર યોગદાન આપ્યું છે. પરંતુ, ત્રણેયમાં સાતત્યનો અભાવ રહ્યો છે. બોલિંગમાં કેપ્ટન અક્ષર પટેલ (10 વિકેટ) અને કુલદીપ યાદવ (7 વિકેટ)ની સ્પિન જોડી ખાસ પ્રભાવ છોડી શકી નથી. ટુર્નામેન્ટમાં મોડા આવેલા મિચેલ સ્ટાર્કે ચોક્કસપણે પ્રભાવિત કર્યા છે. તે 5 મેચમાં 9 વિકેટ ઝડપી ચૂક્યો છે.

પીચ એન્ડ વેધર રિપોર્ટ