વાળ નબળા થઈને ખરી રહ્યા હોય, તો હેર કેર રૂટિનમાં ફેરફાર કરવા જોઈએ.

વાળની જડ મજબૂત હોવી ખૂબ જરૂરી 

દરેક વ્યક્તિ પોતાના વાળ ઘાટા અને મજબૂત બનાવવા માંગે છે. સુંદર વાળ સુંદરતામાં પણ ચાર ચાંદ લગાવે છે. ઘાટા અને લાંબા વાળ માટે વાળની જડ મજબૂત હોવી ખૂબ જરૂરી છે. પરંતુ આ તરફ ઘણી વાર ધ્યાન આપવામાં આવતું નથી, પરિણામે વાળ નબળા થઈને પડવા લાગે છે.

મજબૂતી માટે બેસ્ટ તેલ અને તેના ફાયદા

નારિયેળ તેલ: વાળને નરમ અને ચમકદાર બનાવવા માટે નારિયેળ તેલમાં લીંબુનો રસ અથવા કરી પત્તા ઉમેરીને મસાજ કરો. હળવું ગરમ તેલ રાત્રે લગાવી સવારે ધોઈ લેવાથી વાળની વૃદ્ધિ ઝડપી બને છે.

એરંડા તેલ: જો વાળ વધુ પડતા ખરતા હોય, તો એરંડા તેલમાં વિટામિન E ની કેપ્સૂલ ભેળવીને અઠવાડિયામાં બે વાર મસાજ કરો. આ તેલ વાળના મૂળને ઊંડું પોષણ આપે છે.

ડુંગળીનો રસ: ડુંગળીમાં રહેલું સલ્ફર રક્તસંચાર વધારે છે અને કેરાટિનના ઉત્પાદનમાં મદદ કરે છે. રસને માથામાં 30-45 મિનિટ લગાવી રાખીને ધોઈ નાખવાથી નવા વાળ ઉગવામાં મદદ મળે છે.

એલોવેરા: એલોવેરા જેલ સ્કેલ્પને સાફ રાખે છે. તેને નારિયેળ તેલ, દહીં અથવા ઈંડા સાથે મિક્સ કરીને લગાવવાથી વાળને જરૂરી ભેજ મળે છે અને તે તૂટતા અટકે છે.

વાળની સુંદરતા માત્ર ઉપરછલ્લી સારવારથી નહીં પણ મૂળની મજબૂતીથી આવે છે. નિયમિત મસાજ અને રાસાયણિક મુક્ત ઘરગથ્થુ નુસખાઓ અપનાવવાથી વાળ કુદરતી રીતે જ લાંબા અને ઘટાદાર બને છે.

આ પણ વાંચોઃ Iran Protest 2026 News: ત્રણ મુખ્ય સંકેતોના કારણે ઇરાન પર અમેરિકાના હુમલાનો વધ્યો ભય 

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. સંદેશ ન્યૂઝ આ મામલે પુષ્ટી કરતું નથી. કોઈપણ સૂચનનો અમલ કરતા પહેલા તમારે સંબંધિત નિષ્ણાતની સલાહ લેવી જોઈએ.