સમોસાને ભારતે દુનિયાભરમાં પોપ્યુલર બનાવ્યા છે. ખાસ કરીને ઉત્તર ભારતમાં સમોસાની ડિમાન્ડ ખૂબ જ હાઈ છે. જેના કારણે દરેક મીઠાઈની દુકાન પર એકવાર માટે મીઠાઈ ભલે ન હોય, પરંતુ સમોસા ચોક્કસ મળી જાય છે! એવામાં જો લંડનમાં રહી રહેલા ભારતીયો માટે પણ કોઈ ત્યાં ‘સારા સમોસા’ની દુકાન ખોલી દે, તો તેનું વાયરલ થવું સ્વાભાવિક છે.

લંડનમાં ‘બિહારી સમોસા ઘંટાવાલા’ ના નામે દુકાન ચલાવતા યોગેશ્વર શાહ ઉર્ફે યોગ છેલ્લા કેટલાક દિવસોથી ઇન્ટરનેટ પર છવાયેલા છે. દુકાનથી લઈને વિદેશની મેટ્રોની અંદર સુધી તેમના સમોસા વેચવાના ઘણા બધા વીડિયો વાયરલ છે. પરંતુ શું તમને તેમના વિશે બધું જ ખબર છે? જો નહીં તો ચાલો જાણીએ:-

આ એક સમોસાની કિંમત 3 યુરો છે. ભારતીય રૂપિયામાં જોઈએ તો અંદાજે 300 રૂપિયાની આસપાસ.

પપ્પાની લેગેસીને વિદેશમાં પહોંચાડી… biharisamosa.ukની વેબસાઈટ પર અને ઇન્ટરનેટ પર રહેલી માહિતી મુજબ યોગેશ્વરની ઉંમર લગભગ 53 વર્ષ છે અને તેઓ પોતાના પિતા કાલીશાપ્રસાદ કિશનલાલ શાહની 50 વર્ષ જૂની ગુજરાતના નડિયાદની રેસીપીને ગ્લોબલ લેવલ પર પહોંચાડી રહ્યા છે.

ઘણા વ્લોગરે પણ તેમની દુકાન બતાવી છે. આ સિવાય તેઓ પોતાને ‘બિહારી સમોસા’ વાળા ગણાવીને લંડનની સડકોથી લઈને મેટ્રો સુધીમાં સમોસાનો સ્ટોલ ખભા પર લટકાવીને ફરતા રહે છે.

ખભા પર સ્ટોલી લટકાવીને ટ્રેનમાં સમોસા વેચતો ગુજરાતી.

દરરોજ 5 હજાર સમોસા બનાવે છે… ગુજરાતના અમદાવાદની સાથે-સાથે લંડનમાં દુકાન ચલાવનાર ‘બિહારી સમોસાવાળો’ વર્લ્ડવાઈડ ફેમસ છે. પોતાની રીલ્સમાં સમોસા વેચવાના યુનિક અંદાજના કારણે ‘બિહારી સમોસા’ વાળાને સારી એવી રીચ મળી ચૂકી છે. એક વીડિયોમાં કન્ટેન્ટ ક્રિએટર બિઝનેસમેને જણાવ્યું કે તેઓ રોજના 5 હજાર સમોસા બનાવે છે.

વેચવાની અનોખી સ્ટાઈલના લીધે વિદેશીઓ પણ સમોસા પાછળ ઘેલા બન્યા છે.

એક સમોસું 3 યુરોનું… જ્યારે biharisamosaની વેબસાઈટ પર રહેલી વિગતો મુજબ, એક સમોસું તેઓ 3 યુરો (લગભગ 315 રૂપિયા) માં વેચે છે. લંડનની સડકો પર સમોસા વેચ્યા પછી એક વીડિયોમાં બિઝનેસમેને જણાવ્યું હતું કે દિવસના તેણે 10,000 યુરો (દસ હજાર) કમાઈ લીધા છે. એટલે કે ભારતીય કરન્સીમાં હાલની તારીખમાં જોઈએ તો, તેણે લગભગ 10 લાખથી વધુ કમાયા હશે. જોકે, લંડનમાં દુકાન ચલાવવામાં પણ સારું એવું ઇન્વેસ્ટમેન્ટ લાગે છે.

ભારતમાં ટ્રેન આવતી જોઈને નાસ્તા અને પાણી વેચનારાને દોડતા તમે જોયા હશે, એવા જ દૃશ્યો તમને હવે લંડનમાં પણ જોવા મળી રહ્યા છે.

વેચવાની રીતથી વાયરલ થયો… પરંતુ માર્કેટિંગ અને પોતાના યુનિક સેલિંગ સેન્સના કારણે ‘ઘંટાવાલા બિહારી સમોસા’ હવે ખૂબ જ પોપ્યુલર થઈ ચૂક્યા છે. ગુજરાતી હોવા છતાં બિહારી અંદાજમાં સમોસા વેચવાના કારણે જ આ સમોસાવાળો ઇન્ટરનેટ પર આકર્ષણનું કેન્દ્ર બનેલો છે.

લંડનમાં ક્યાં-ક્યાં છે શોપ? ‘ઘંટાવાલા બિહારી સમોસા’ની લંડનમાં બે દુકાનો છે. પહેલી- 149 ઈલિંગ રોડ, સનાતન મંદિરની સામે વેમ્બલી, HA04BY. જ્યારે બીજી દુકાન- યુનિટ 12, સાઉથ હેરો માર્કેટ, નોર્થોલ્ટ રોડ, સાઉથ હેરો, હેરો HA20EUમાં આવેલી છે.