યશ રાજ ફિલ્મ્સ (YRF) એ શનિવારે ફિલ્મ ‘મર્દાની 3’ની રિલીઝ ડેટની જાહેરાત કરી દીધી છે. રાની મુખર્જી સ્ટારર આ ફિલ્મ 30 જાન્યુઆરીએ રિલીઝ થશે.

YRFની ‘મર્દાની’ હિન્દી સિનેમાની સોલો ફીમેલ લીડ ફ્રેન્ચાઇઝી છે. ‘મર્દાની 3’માં રાની મુખર્જી ફરી એકવાર પોલીસ અધિકારી શિવાની શિવાજી રોયના પાત્રમાં જોવા મળશે, જે ન્યાય માટે નિસ્વાર્થ ભાવે લડે છે.

YRF એ ઇન્સ્ટાગ્રામ પર ફિલ્મની રિલીઝ ડેટની જાહેરાત કરતા તેનું પોસ્ટર પણ શેર કર્યું. સાથે લખ્યું, ‘તે ત્યાં સુધી નહીં અટકે, જ્યાં સુધી તે તે બધાંને બચાવી ન લે. રાની મુખર્જી ‘મર્દાની 3’માં નીડર કોપ શિવાની શિવાજી રોય તરીકે પાછી આવી ગઈ છે. રેસ્ક્યુ 30 જાન્યુઆરીએ તમારા નજીકના સિનેમાઘરોમાં શરૂ થશે.’

યશ રાજ ફિલ્મ્સે ‘મર્દાની 3’ની રિલીઝ ડેટ જાહેર કરી.

‘મર્દાની 3’ 30 જાન્યુઆરીએ રિલીઝ થશે.

નોંધનીય છે કે, ‘મર્દાની 3’નું ડિરેક્શન અભિરાજ મીનાવાલાએ કર્યું છે અને ફિલ્મનું નિર્માણ આદિત્ય ચોપરાએ કર્યું છે.

‘મર્દાની’નો પહેલો ભાગ 22 ઓગસ્ટ 2014ના રોજ રિલીઝ થયો હતો, જેનું ડિરેક્શન પ્રદીપ સરકારે કર્યું હતું. ફિલ્મે ભારતમાં લગભગ 35 થી 36 કરોડ રૂપિયાની નેટ કમાણી કરી, જ્યારે વર્લ્ડવાઇડ કલેક્શન લગભગ 59.55 કરોડ રૂપિયા રહ્યું. બોક્સ ઓફિસ પર આ ફિલ્મ હિટ સાબિત થઈ.

‘મર્દાની’માં રાની પોલીસ અધિકારી શિવાની શિવાજી રોયની ભૂમિકા ભજવી રહી છે.

આ પછી ‘મર્દાની 2’ ફિલ્મ 13 ડિસેમ્બર 2019ના રોજ રિલીઝ થઈ. આ ફિલ્મનું ડિરેક્શન ગોપી પુથરને કર્યું હતું. ‘મર્દાની 2’ એ ભારતમાં લગભગ 47.51 કરોડ રૂપિયાની નેટ કમાણી કરી અને વિશ્વભરમાં લગભગ 67.12 કરોડ રૂપિયાનો વેપાર કર્યો. આ ફિલ્મ પણ બોક્સ ઓફિસ પર હિટ રહી.