નવા વર્ષની ઉજવણીને લઈને લોકો તડામાર તૈયારી કરી રહ્યા છે. 31 ડિસેમ્બરની પાર્ટીનું તમે ઘરે આયોજન કરી રહ્યા હોવ તો આ જરૂર વાંચો.  ઓછા સમયમાં બનશે ચાટનો સ્નેકસ. ચાટનો ઉલ્લેખ થતાં જ મોંમાં પાણી આવી જાય છે, અને લોકો તેને ખૂબ જ સ્વાદથી ખાય છે. આલુ ચાટ તૈયાર કરવામાં વધુ સમય થશે નહીં. તમે નવા વર્ષની પાર્ટી માટે આલૂ ચાટ બનાવી શકો છો. મહેમાનોને તે ગમશે, અને દરેક વ્યક્તિ તેનો સ્વાદ ચાખ્યા પછી ચોક્કસ તમારી પ્રશંસા કરશે. તમને આજે આલૂ ચાટ બનાવવાની સરળ પદ્ધતિ જણાવીશું.

આલૂ ચાટ બનાવવા માટેની સામગ્રી :

• બટાકા – 3-4 બાફેલા
• મીઠું – સ્વાદ મુજબ
• કોથમીરના પાન – 2 ચમચી, બારીક સમારેલા
• ડુંગળી – 1 બારીક સમારેલી
• તેલ – જરૂર મુજબ
• લીલી ચટણી – 2 ચમચી
• મીઠી આમલીની ચટણી – 2 ચમચી
• દહીં – 2 ચમચી
• કાળું મીઠું – એક ચપટી
• સેવ – 1 ચમચી
• દાડમના બીજ -1 ચમચી
• શેકેલા જીરાનો પાવડર – અડધી ચમચી
• ચાટ મસાલો – અડધી ચમચી
• લાલ મરચું પાવડર – અડધી ચમચી

આલૂ ચાટ બનાવવાની રીત :

નવા વર્ષની ઉજવણીની ઘરે પાર્ટી કરતા હોવ તો આ રેસીપી બેસ્ટ છે. ફટાફટ બનશે આ સ્નેકસ.  બટાકાની ચાટ બનાવવા માટે, બાફેલા બટાકાને છોલીને નાના ટુકડામાં કાપી લો. એક કડાઈમાં તેલ ગરમ કરો અને બટાકાના ટુકડાને ક્રિસ્પી થાય ત્યાં સુધી તળો. પછી, બટાકાને એક મોટા બાઉલમાં કાઢી લો. મીઠું, કાળું મીઠું, લાલ મરચું પાવડર, શેકેલું જીરું પાવડર અને ચાટ મસાલો ઉમેરો. પછી, બારીક સમારેલી ડુંગળી, લીલી ચટણી, આમલીની ચટણી અને દહીં ઉમેરો. પછી, કોથમીર અને સેવ ઉમેરી ઉપર દાડમના દાણા મૂકો. આ રીતે, તમે સરળતાથી બટાકાની ચાટ બનાવી શકો છો. આ વાનગી ખાઈ મહેમોનો આંગળા ચાંટતા રહી જશે.

આ પણ વાંચો : Health Tips : શરીર સ્વસ્થ રાખવા દરરોજ કેટલું પ્રોટીન લેવું જોઈએ, ડોક્ટર પાસેથી જાણો