‘હેરાફેરી 3’ને કારણે અક્ષય કુમાર સાથેના વિવાદ વચ્ચે પરેશ રાવલે દાવો કર્યો છે કે તેણે જ ફિલ્મ ‘ઓહ માય ગોડ 2’ની સ્ક્રિપ્ટ લખી હતી, પરંતુ બાદમાં તેને બદલી દેવામાં આવી અને તેને ક્રેડિટ પણ આપવામાં આવી નહોતી. વિકી લાલવાણીએ ઇન્ટરવ્યૂમાં પરેશ રાવલને ‘ઓહ માય ગોડ 2’ ફિલ્મ ન કરવા પાછળનું કારણ પૂછ્યું, તો તેણે કહ્યું- ‘મેં અમિત રાય (ડિરેક્ટર) સાથે રોડ ટુ સંગમ કરી હતી. હું તેનો પ્રશંસક છું. તો મેં તેને પૂછ્યું કે શું કંઈક બીજું કરવાનું વિચાર્યું છે. મેં તેને કહ્યું કે મારી પાસે એક આઈડિયા છે, ચાલો સાથે મળીને કરીએ.’ ‘આઈડિયા હતો કે એક છોકરો પકડાઈ ગયો છે, માસ્ટરબેટ કરતા, તેનો વીડિયો વાઇરલ થયો છે, મજાક બની રહી છે. તેના પિતા ખજુરાહોના ટૂરિસ્ટ ગાઈડ છે. પરંતુ અમિતે પિતાને મહાકાલના પૂજારી પણ બતાવવાનું વિચાર્યું. મેં સેક્સોલોજિસ્ટ મિત્ર સાથે 5-5 કલાક બેસીને આના પર ચર્ચા કરી, જેથી આ આઈડિયા વલ્ગર ન દેખાય.’ સલમાન-અજયને કાસ્ટ કરવા માંગતા હતા આગળ પરેશ રાવલે કહ્યું, ‘પછી અમે એક બાઈકર કે સામાન વેચનાર વ્યક્તિનું એવું પાત્ર ઉમેર્યું, જે વચ્ચે-વચ્ચે 4-5 સીન માટે આવશે અને જ્ઞાન આપીને જતો રહેશે. હું અજય દેવગન પાસે ગયો બાઈકરના રોલ માટે, સલમાન ખાન પાસે પણ ગયો. જો હું અક્ષય પાસે જાત તો એમ જ લાગત કે આ ઓહ માય ગોડ 2 બની રહી છે. વિપુલ શાહ પાસે પણ ગયો, મીટિંગ પણ થઈ. પછી મારી પાસે અમિતનો ફોન આવ્યો કે થોડી ગડબડ થઈ ગઈ છે. મેં પૂછ્યું ‘શું થયું?’, તો તેણે કહ્યું, ‘તે લોકો આ ફિલ્મમાં રસ લઈ રહ્યા છે.’ જ્યારે પૂછવામાં આવ્યું કોણ, તો તેમણે કહ્યું- ‘અક્ષયને ફિલ્મ કરવી છે.’ આગળ પરેશ રાવલે કહ્યું, ‘અમિતે અજાણતામાં કે મૂર્ખામીમાં આ સ્ક્રિપ્ટ ઉપર OMG 2 લખી દીધું હતું. જ્યારે અમારે OMG જેવો આઉટ ઓફ ધ બોક્સ આઈડિયા કરવાનો હતો, આ OMG 2 નહોતી. તે લોકોએ અમિત પાસેથી સ્ક્રિપ્ટ લઈ લીધી. મેં અમિતને કહ્યું કે આ ફ્રેન્ચાઈઝી નથી. પણ હું તારી સાથે ઝઘડો કરી શકતો નથી.’ અક્ષય ઈચ્છતો હતો કે પરેશ રાવલ ફિલ્મ કરે પરેશ રાવલે જણાવ્યું છે કે અક્ષય તેની પાસે આવ્યો અને ફિલ્મ કરવા માટે કહ્યું, પરંતુ તેણે ઇનકાર કરી દીધો. આના પર પરેશ રાવલે કહ્યું- ‘જો આ સિક્વલ હોત, તો હું ફિલ્મ જરૂર કરત, દબાવીને પૈસા લેત, સ્ટોરીનો ક્રેડિટ પણ લેત. દુઃખની વાત છે કે મને તો સ્ટોરીની ક્રેડિટ પણ ન મળી. હું વાર્તાકાર નથી, પણ વાર્તાનો આઈડિયા પરેશનો હતો, એવો ક્રેડિટ પણ ન આપ્યો.’ પરેશે આગળ જણાવ્યું કે અક્ષય કુમાર જાણતો હતો કે વાર્તા તેણે લખી હતી. કરણ જોહરને પણ ખબર છે, સોમેન મિશ્રા, અશ્વિન વર્દેને પણ ખબર છે. સલમાન ખાનને પણ ખબર હતી. અમિત રાયે જ ડિરેક્ટ કરી હતી OMG 2 પરેશ રાવલના ફિલ્મમાંથી હટી ગયા પછી તેની સ્ક્રિપ્ટ પર બનેલી ફિલ્મને અમિત રાયે જ ડિરેક્ટ કરી. સ્ટોરીનો ક્રેડિટ પણ અમિત રાયને જ આપવામાં આવ્યો. આમાં અક્ષય કુમાર, પંકજ ત્રિપાઠી અને યામી ગૌતમ લીડ રોલમાં રહ્યા. આ ફિલ્મ 2023માં રિલીઝ થઈ અને હિટ રહી, જે 2012માં આવેલી OMGની સિક્વલ ફિલ્મ છે. સેન્સર બોર્ડે ફિલ્મમાં ઘણા ફેરફારો કરાવ્યા હતા.