પાકિસ્તાનના વિદેશ મંત્રાલયે જણાવ્યું છે કે માર્યા ગયેલા બંને લોકો નિઃશસ્ત્ર નાગરિકો હતા. પાકિસ્તાનના જણાવ્યા મુજબ, તેઓ સરહદ નજીક ગયા હતા અને અજાણતાં આંતરરાષ્ટ્રીય સરહદ પાર કરી ગયા હતા.

પાકિસ્તાને કહ્યું છે કે તેના નાગરિકો વિરુદ્ધ આ પ્રકારની કાર્યવાહી યોગ્ય નથી.

પાકિસ્તાને આ મામલાની તાત્કાલિક, પારદર્શક અને વિશ્વસનીય તપાસની માગ કરી છે. સાથે જ તેણે જવાબદાર લોકો વિરુદ્ધ કાયદેસરની અને શિસ્તભંગની કાર્યવાહી કરવા તેમજ તપાસના પરિણામો પાકિસ્તાન સરકારને જણાવવા કહ્યું છે.

પાકિસ્તાની વેબસાઇટ ડૉનના અહેવાલ મુજબ, માર્યા ગયેલા લોકોની ઓળખ આજમત રસૂલ અને મોહસિન જટ્ટ તરીકે થઈ છે. બંને લાધરના જટ્ટાં વાળી હવેલી વિસ્તારના રહેવાસી હતા. ત્રીજી વ્યક્તિ ઘાયલ છે અને તેને હોસ્પિટલમાં દાખલ કરવામાં આવી છે.

ભારતે કહ્યું- ડ્રગ્સની દાણચોરીમાં પાકિસ્તાનના સરહદી સુરક્ષા દળોની મિલીભગત