હૈદરાબાદની સાયબર ક્રાઈમ પોલીસે વડાપ્રધાન નરેન્દ્ર મોદી વિરુદ્ધ એડિટ કરાયેલા વાંધાજનક વીડિયોના મામલે કેસ નોંધ્યો છે. આ FIRમાં સોશિયલ મીડિયા યુઝર્સની સાથે મેટા ઇન્ડિયાના હેડને પણ સહ-આરોપી એટલે કે કો-એક્યુઝ્ડ બનાવવામાં આવ્યા છે. જ્યારે બીજી તરફ નોઈડા પોલીસે પણ પીએમ મોદી વિરુદ્ધ અપમાનજનક ભાષાનો ઉપયોગ કરવાના મામલે એક મહિલા પર ઝીરો FIR નોંધી છે. હૈદરાબાદમાં 2 અલગ-અલગ કેસ નોંધાયા, મેટાને પોલીસની નોટિસ હૈદરાબાદ પોલીસે ભાજપના કાર્યકરોની ફરિયાદો બાદ બે અલગ-અલગ કેસ નોંધ્યા છે. આ કાર્યવાહી ભારતીય ન્યાય સંહિતા (BNS) અને સૂચના પ્રૌદ્યોગિકી (IT) અધિનિયમ હેઠળ કરવામાં આવી છે. પોલીસે સંબંધિત સોશિયલ મીડિયા એકાઉન્ટ્સના હેન્ડલર્સને આરોપી બનાવ્યા છે, જ્યારે મેટાના ઇન્ડિયા હેડને બંને કેસમાં સહ-આરોપી તરીકે નોમિનેટ કર્યા છે. જંતર મંતર પર વિદ્યાર્થી પ્રદર્શનથી શરૂ થયો મામલો પોલીસ તપાસ મુજબ, પીએમ મોદીને નિશાન બનાવતા આ વાંધાજનક અને મોર્ફ્ડ વીડિયો દિલ્હીના જંતર-મંતર પર થયેલા એક વિદ્યાર્થી આંદોલન દરમિયાનથી ફેલાવવામાં આવી રહ્યા છે. આ વિરોધ પ્રદર્શન કોકરોચ જનતા પાર્ટીના નેતૃત્વમાં વિદ્યાર્થીઓ દ્વારા આયોજિત કરવામાં આવ્યું હતું. પોલીસ અધિકારીનું નિવેદન: આરોપીઓની શોધખોળ ચાલુ કેસની તપાસ કરી રહેલા હૈદરાબાદ સાયબર ક્રાઈમના એક તપાસ અધિકારીએ જણાવ્યું કે અમે નોંધાયેલા કેસો અને ફરિયાદીઓ દ્વારા રિપોર્ટ કરાયેલી વાંધાજનક લિંક્સને લઈને મેટાને નોટિસ જારી કરી દીધી છે. અમે આરોપીઓની ઓળખ કરવા અને તેમને પકડવા માટે તેમની માહિતી એકત્રિત કરવાનો પ્રયાસ કરી રહ્યા છીએ.” નોઈડામાં મહિલા પર FIR: પીએમ પર અપમાનજનક ટિપ્પણીનો આરોપ અન્ય એક કિસ્સામાં, જંતર-મંતર પર વિરોધ પ્રદર્શન દરમિયાન વડાપ્રધાન વિરુદ્ધ કથિત રીતે અપમાનજનક ભાષાનો ઉપયોગ કરવા બદલ નોઈડામાં એક મહિલા પર ઝીરો FIR નોંધવામાં આવી છે. ગાઝિયાબાદની રહેવાસી સ્મૃતિ સિંહની ફરિયાદ પર નોઇડાના સેક્ટર 168ની રહેવાસી રુચિકા સિંહ વિરુદ્ધ એક્સપ્રેસવે પોલીસ સ્ટેશનમાં આ કેસ નોંધવામાં આવ્યો છે. BNSની 3 કલમો હેઠળ કેસ નોંધાયો, બંધારણીય પદના અપમાનની ફરિયાદ ફરિયાદ અનુસાર, આરોપી મહિલાએ 23 જુલાઈએ જંતર-મંતર પર વડાપ્રધાન વિરુદ્ધ “અભદ્ર અને વાંધાજનક” ભાષાનો પ્રયોગ કર્યો હતો. આનાથી બંધારણીય પદની ગરિમાને ઠેસ પહોંચી અને સમાજમાં નફરત ફેલાવવા તથા શાંતિ ભંગ કરવાનો પ્રયાસ કરવામાં આવ્યો. પોલીસે મહિલા પર BNSની કલમ 352 (શાંતિ ભંગ કરવા ઉશ્કેરવું), 353(1) (જાહેર ઉપદ્રવ સંબંધિત નિવેદનો) અને 356(1) (માનહાનિ) હેઠળ કેસ નોંધ્યો છે. શું હોય છે ઝીરો FIR? સામાન્ય રીતે જ્યારે કોઈ ગુનો બને છે, ત્યારે ઘટનાવાળા વિસ્તારના અધિકારક્ષેત્રવાળા પોલીસ સ્ટેશનમાં જ FIR નોંધવામાં આવે છે. પરંતુ ‘ઝીરો FIR’ હેઠળ પીડિત કોઈપણ પોલીસ સ્ટેશનમાં જઈને પોતાની ફરિયાદ નોંધાવી શકે છે, ભલે ગુનો તે પોલીસ સ્ટેશન વિસ્તારમાં ન થયો હોય. બાદમાં આ FIRને તપાસ માટે સંબંધિત પોલીસ સ્ટેશનમાં ટ્રાન્સફર કરી દેવામાં આવે છે.