PM મોદીને ઓસ્ટ્રેલિયા પ્રવાસ દરમિયાન જાનથી મારી નાખવાની ધમકી મળી છે. ઓસ્ટ્રેલિયાની ફેડરલ પોલીસ મોદીને મળેલી ધમકીની તપાસ કરી રહી છે. ધ ઓસ્ટ્રેલિયા ટુડેના રિપોર્ટ અનુસાર, ધમકી ફેસબુક પર “મેલબર્ન મીટ્સ મોદી” કાર્યક્રમના પ્રચાર સંબંધિત એક પોસ્ટ નીચે લખવામાં આવી હતી.

પોસ્ટ નીચે અબુ મુસ્તફા નામના ફેસબુક એકાઉન્ટ પરથી લખવામાં આવ્યું હતું કે, “કાર્યક્રમ દરમિયાન સ્ટેડિયમની છત બંધ રાખવી જોઈએ, નહીં તો તે ઓસ્ટ્રેલિયામાં પોતાના મોત માટે આવશે.” તપાસ એજન્સીઓએ તે પોસ્ટ સાથે સંકળાયેલા IP એડ્રેસની ઓળખ કરી લીધી છે.

મોદી 8 જુલાઈથી 10 જુલાઈ સુધી ઓસ્ટ્રેલિયામાં રહેશે. “મેલબર્ન મીટ્સ મોદી” કાર્યક્રમ 9 જુલાઈએ મેલબર્નના માર્વેલ સ્ટેડિયમમાં યોજાવાનો છે. મોદી તેમાં સામેલ થાય તેવી શક્યતા છે. ધમકી સામે આવતા જ ઓસ્ટ્રેલિયન ફેડરલ પોલીસને જાણ કરવામાં આવી હતી.

અત્યાર સુધી કોઈ ધરપકડ થઈ નથી

અત્યાર સુધી પોલીસે ધમકી અંગે કોઈ સત્તાવાર નિવેદન આપ્યું નથી. પોલીસે કોઈ ધરપકડની પુષ્ટિ કરી નથી. મીડિયા રિપોર્ટ્સ અનુસાર, વડાપ્રધાન મોદીના પ્રવાસ દરમિયાન સુરક્ષા વ્યવસ્થામાં ઓસ્ટ્રેલિયાની ફેડરલ પોલીસ, રાજ્ય પોલીસ અને વિશેષ સુરક્ષા એકમો સહિત અનેક એજન્સીઓ સાથે મળીને કામ કરશે.

વડાપ્રધાનના વિદેશ પ્રવાસની સુરક્ષામાં યજમાન પણ સામેલ

આ પહેલાં પણ મોદીને મળી ચૂકી છે ધમકી