એક્ટર પ્રિન્સ નરુલાનો એક વીડિયો સોશિયલ મીડિયા પર વાઈરલ થઈ રહ્યો છે, જેમાં તે પોલીસ સાથે જતા જોઈ શકાય છે. આ પછી સોશિયલ મીડિયા પર દાવો કરવામાં આવ્યો કે દિલ્હી પોલીસે પ્રિન્સની ધરપકડ કરી છે. જોકે, એક્ટરે ગુરુવારે આ સમગ્ર મામલે મૌન તોડતા આ સમાચારને ખોટા ગણાવ્યા છે.

ટેલીચક્કર સાથે વાત કરતા પ્રિન્સે આ વીડિયો અંગે કહ્યું, “આ એક બ્રાન્ડ શૂટનો ભાગ હતું. મારી ધરપકડ કરવામાં આવી નથી.” તેણે સ્પષ્ટ કર્યું કે વાઇરલ વીડિયો કોઈ શૂટનો સીન હતો.

ખરેખરમાં, પ્રિન્સનો જે વીડિયો વાઇરલ થયો, તેને લઈને સોશિયલ મીડિયા પર દાવો કરવામાં આવ્યો કે એક્ટરને દિલ્હીમાં એક મસ્જિદ (ગેરકાયદેસર નિર્માણ) હટાવવા દરમિયાન થયેલા વિવાદના સંબંધમાં અથવા ભ્રામક માહિતી ફેલાવવાના આરોપમાં ધરપકડ કરવામાં આવી છે.

પ્રિન્સ નરુલા કોણ છે?

પ્રિન્સને ટીવી ઇન્ડસ્ટ્રીમાં રિયાલિટી શોના કિંગ તરીકે ઓળખવામાં આવે છે. તેણે પોતાની કારકિર્દીમાં ઘણા મોટા રિયાલિટી શો જીતીને ઓળખ બનાવી છે.

પ્રિન્સ વર્ષ 2015માં MTV રોડીઝ X2ના વિજેતા રહ્યા હતા. તે જ વર્ષે તેણે MTV સ્પ્લિટ્સવિલા 8 પણ જીત્યો હતો. પછી 2015-16માં તેણે બિગ બોસ 9 જીતીને જીતની હેટ્રિક પૂરી કરી. વર્ષ 2019માં તેણે પોતાની પત્ની યુવિકા ચૌધરી સાથે નચ બલિયે 9 જીત્યો હતો.

પ્રિન્સ નરુલા ભારતીય ટેલિવિઝનના જાણીતા મોડેલ, એક્ટર અને સિંગર છે.

અભિનયની વાત કરીએ તો તેમણે ટીવી શો ‘બઢો બહુ’માં મુખ્ય ભૂમિકા ભજવી હતી. તેઓ લાંબા સમય સુધી MTV રોડીઝ સાથે ગેંગ લીડર તરીકે પણ જોડાયેલા રહ્યા છે.

જોકે, આ દિવસોમાં પ્રિન્સ નરુલા ટીવીથી દૂર છે. તેઓ હાલમાં પોતાની સિંગિંગ કારકિર્દી પર ધ્યાન આપી રહ્યા છે. તેણે પહેલા પણ ઘણા ગીતો કર્યા છે અને હવે સંગીત પર વધુ કામ કરી રહ્યા છે.