કેનેડામાં વીસી એસેમ્બલીની બહાર ખાલિસ્તાન સમર્થકોએ કૂચ કરી હતી.

કેનેડાના બ્રિટિશ કોલંબિયાના પ્રીમિયર ડેવિડ એબીના ભારત પ્રવાસ બાબતે ખાલિસ્તાન સમર્થકોમાં ભારે રોષ છે. ખાલિસ્તાન સમર્થકો કેનેડા અને ભારતના વ્યાપારી સંબંધો નથી ઈચ્છતા, તેથી તેમણે પ્રીમિયર ડેવિડ એબી વિરુદ્ધ પણ મોરચો ખોલ્યો છે. ખાલિસ્તાન સમર્થકોએ કેનેડામાં ડેવિડ એબી વિરુદ્ધ બીસી એસેમ્બલીની બહાર રોષ માર્ચ કરી હતી.

ખાલિસ્તાન સમર્થકોએ હાથમાં હરદીપ સિંહ નિજ્જરની તસવીર અને ખાલિસ્તાની ઝંડા લઈને ભારત સરકાર અને બીસી પ્રીમિયર ડેવિડ એબી વિરુદ્ધ સૂત્રોચ્ચાર કર્યા. ખાલિસ્તાન સમર્થકોનું કહેવું છે કે હરદીપ સિંહ નિજ્જરની હત્યામાં ભારતીય એજન્સીઓનો હાથ છે. આવી સ્થિતિમાં તેઓ નથી ઈચ્છતા કે ભારત સાથે વ્યાપારી સંબંધો બનાવવામાં આવે.

ખાલિસ્તાન સમર્થકો વિરુદ્ધ સ્થાનિક લોકોની પોસ્ટ.

વડાપ્રધાનના કટઆઉટને લઈ ગયા ખાલિસ્તાન સમર્થકો

ખાલિસ્તાન સમર્થકોએ BC એસેમ્બલીની બહાર પ્રદર્શન કરતા વડાપ્રધાન નરેન્દ્ર મોદીના કટઆઉટને ઘસડીને લઈ ગયા. તેની સાથે જ તેમણે તિરંગાનું પણ અપમાન કર્યું. ખાલિસ્તાન સમર્થકોએ કહ્યું કે ડેવિડ એબીએ ભારત પ્રવાસ રદ કરવો જોઈએ.

કેનેડામાં ખાલિસ્તાન સમર્થકોનો વિરોધ થવા લાગ્યો છે

ખાલિસ્તાન સમર્થકોએ બીસી એસેમ્બલીની બહાર જ્યારે પ્રદર્શન કર્યું ત્યારે ત્યાંના લોકોએ પણ તેમનો વિરોધ કરવાનું શરૂ કરી દીધું છે. લોકોએ સોશિયલ મીડિયા પર લખવાનું શરૂ કરી દીધું છે કે જો તેમને ભારત વિરુદ્ધ પ્રદર્શન કરવું હોય તો તેમને પાછા ભારત મોકલી દો અને ત્યાં જઈને પ્રદર્શન કરે.

12 થી 17 જાન્યુઆરી સુધી ભારત પ્રવાસે આવી રહ્યા છે ડેવિડ એબી

બ્રિટિશ કોલંબિયા (બીસી) પ્રીમિયર ડેવિડ એબી 12 જાન્યુઆરીથી 17 જાન્યુઆરી સુધી ભારત પ્રવાસે આવી રહ્યા છે. ડેવિડ એબીએ કહ્યું હતું કે ભારતનો આ પ્રવાસ ટ્રેડ મિશન માટે કરવામાં આવી રહ્યો છે. આ માટે તેઓ ભારતના અલગ-અલગ શહેરોમાં જઈને ઉદ્યોગ જગત અને સરકારના પ્રતિનિધિઓ સાથે મુલાકાત કરશે.