નેશનલ ક્રશ રશ્મિકા મંદાના સાથે ફિલ્મના શૂટિંગ દરમિયાન અકસ્માત થયો છે. ‘ટાઇમ્સ ઓફ ઇન્ડિયા’ના રિપોર્ટ અનુસાર રશ્મિકાને આગામી ફિલ્મના ડાન્સ અને એક્શન સિક્વન્સના શૂટિંગ દરમિયાન થઈ હતી. જોકે, રશ્મિકા કે તેની ટીમ તરફથી આ અંગે કોઈ સત્તાવાર નિવેદન બહાર પાડવામાં આવ્યું નથી. ઈજાના કારણે રશ્મિકાનું શૂટિંગ શેડ્યૂલ રોકી દેવામાં આવ્યું છે.

છ અઠવાડિયા સુધી સંપૂર્ણપણે આરામ કરવાની સલાહ

રિપોર્ટ અનુસાર, રશ્મિકા મંદાના તેની એક આગામી ફિલ્મના ડાન્સ સિક્વન્સનું શૂટિંગ કરી રહી હતી. આ દરમિયાન તેના હિપ સાથે જોડાયેલું એક ટેન્ડન સંપૂર્ણપણે અલગ થઈ ગયું.

ડોકટરોના મતે, આ પ્રકારની ઈજા સામાન્ય રીતે પ્રોફેશનલ એથ્લેટ્સમાં જોવા મળે છે. મેડિકલ તપાસ બાદ તેને છ અઠવાડિયા સુધી સંપૂર્ણ આરામ કરવા અને પછી જણાવેલો રિહેબિલિટેશન પ્રોગ્રામ શરૂ કરવાની સલાહ આપવામાં આવી છે.

શૂટિંગ અને બ્રાન્ડ કમિટમેન્ટ્સ પર અસર પડી શકે છે

આ ઈજાના કારણે રશ્મિકાના આગામી શૂટિંગ શેડ્યૂલ અને અન્ય પ્રોફેશનલ કમિટમેન્ટ્સ પર અસર પડી શકે છે. તે હાલમાં ‘રાણાબલી’ અને ‘માઈસા’ જેવી ઘણી મોટા બજેટની ફિલ્મો પર કામ કરી રહી છે અને ઘણી એન્ડોર્સમેન્ટ ઝુંબેશ પણ મેનેજ કરી રહી છે.

રશ્મિકા-વિજયની ફિલ્મ ‘રાણાબાલી’નો ફર્સ્ટ લુક.

રિપોર્ટ અનુસાર, તેના હાલના શૂટિંગ અને કોમર્શિયલ અસાઇનમેન્ટ્સને રીશેડ્યૂલ કરી શકાય છે. સોશિયલ મીડિયા પર ચાહકો તેમના જલ્દી સ્વસ્થ થવા માટે પ્રાર્થના કરી રહ્યા છે.

ઘણી ભાષાઓની ફિલ્મોમાં સક્રિય

રશ્મિકા મંદાના હાલમાં ભારતીય સિનેમાની સૌથી વ્યસ્ત એક્ટ્રેસિસમાંની એક છે. તે ઘણી ભાષાઓની ફિલ્મોમાં કામ કરી રહી છે. રિપોર્ટ્સ અનુસાર, તે હાલમાં ચાર મોટી ફિલ્મોનું શૂટિંગ કરી રહી છે અને લગભગ 30 નેશનલ અને ઇન્ટરનેશનલ બ્રાન્ડ્સને પ્રમોટ કરી રહી છે.

‘કોકટેલ 2’માં રશ્મિકાની સાથે ક્રિતી સેનન અને શાહીદ કપૂર મુખ્ય ભૂમિકામાં હતાં.

વર્કફ્રન્ટની વાત કરીએ તો, તે છેલ્લે હિન્દી ફિલ્મ ‘કોકટેલ 2’માં જોવા મળી હતી. બીજી તરફ, રશ્મિકાની વર્ષ 2025માં પાંચ ફિલ્મો રિલીઝ થઈ હતી. તેણે હિન્દી ફિલ્મ ‘છાવા’માં મહારાણી યેસુબાઈની ભૂમિકા ભજવી હતી. ત્યારબાદ તે ‘સિકંદર’માં સૈસરી રાજકોટની ભૂમિકામાં જોવા મળી હતી. આ ઉપરાંત, રશ્મિકાએ તેલુગુ-તમિલ દ્વિભાષી ફિલ્મ ‘કુબેર’ અને હિન્દી ફિલ્મ ‘થામા’માં પણ કામ કર્યું હતું. આ સિવાય તેઓ તેલુગુ ફિલ્મ ‘ધ ગર્લફ્રેન્ડ’માં પણ જોવા મળી હતી.

જ્યારે, પર્સનલ લાઇફની વાત કરીએ તો, 26 ફેબ્રુઆરી 2026ના રોજ રશ્મિકા મંદાના અને વિજય દેવરકોંડાના લગ્ન રાજસ્થાનના ઉદયપુરમાં થયા હતા. સંપૂર્ણ સમાચાર વાંચો…

દિવ્ય ભાસ્કરને Google પર મનપસંદ સોર્સ બનાવો