રિષભ પંતે IPL ફ્રેન્ચાઇઝી લખનઉ સુપર જાયન્ટ્સ (LSG)ની કેપ્ટનશીપ છોડવાનો નિર્ણય કર્યો છે. ફ્રેન્ચાઇઝીએ નિવેદન જારી કરીને કહ્યું કે પંતે પોતે કેપ્ટનશીપ છોડવા વિનંતી કરી હતી, જેને સ્વીકારી લેવામાં આવી છે.

લખનઉની ટીમ આ સીઝનમાં 10મા અને છેલ્લા સ્થાને રહી. ગયા સીઝનમાં પણ ટીમનું પ્રદર્શન સારું રહ્યું ન હતું અને તે સાતમા નંબરે રહી હતી. બે સીઝનમાં પંતની કેપ્ટનશીપ હેઠળ લખનઉ 28 મેચમાંથી માત્ર 10માં જીત મેળવી શકી છે.

નિર્ણયો સરળ નથી હોતા: ટોમ મૂડી લખનઉના ડાયરેક્ટર ઓફ ક્રિકેટ ટોમ મૂડીએ આ નિર્ણયની જાણકારી આપતા કહ્યું કે, પંતે આ વિનંતી સાથે ફ્રેન્ચાઇઝીનો સંપર્ક કર્યો હતો અને અમે તેને સન્માનપૂર્વક સ્વીકારી લીધો છે. રમતમાં આવા નિર્ણયો ક્યારેય સરળ હોતા નથી. મૂડીએ કહ્યું કે, પંતે કેપ્ટન તરીકે આ ડ્રેસિંગ રૂમને જે કંઈ પણ આપ્યું છે, તેના માટે અમે તેમના ખૂબ આભારી છીએ.

લખનઉએ પંતને 27 કરોડમાં ખરીદ્યા હતા લખનઉ સુપર જાયન્ટ્સે પંતને 27 કરોડ રૂપિયામાં ખરીદ્યો હતો, તેથી તેના પ્રદર્શન પર નજર રાખવામાં આવી રહી હતી. આ દરમિયાન તે રન બનાવવા માટે સંઘર્ષ કરતા રહ્યો. તે વર્તમાન સીઝનમાં માત્ર 312 રન જ બનાવી શક્યો.

પંતે IPL 2018માં 173.60ની સ્ટ્રાઈક રેટથી 684 રન બનાવ્યા હતા. ત્યારબાદ 2019માં 162.66ની સ્ટ્રાઈક રેટથી 488 રન બનાવ્યા. લખનઉ માટે તેણે છેલ્લા બે સીઝનમાં 135.74ના સ્ટ્રાઈક રેટથી 581 રન બનાવ્યા. જે તેના કરિયર સ્ટ્રાઈક રેટ (144.18)થી ઓછો છે.

દિવ્ય ભાસ્કરને Google પર મનપસંદ સોર્સ બનાવો