રશિયાનો પરમાણુ બોમ્બ લઈ જવામાં સક્ષમ Tu-95 લશ્કરી વિમાન મંગળવારે તાલીમ ઉડાન દરમિયાન ક્રેશ થયું. અકસ્માતમાં 6 ક્રૂ સભ્યોનાં મોત થયા અને એક વ્યક્તિ ઘાયલ થઈ.

રશિયાના સંરક્ષણ મંત્રાલયના જણાવ્યા અનુસાર, ઉડાન ભર્યાના થોડા જ સમય બાદ વિમાન રાજધાની મોસ્કોથી આશરે 4000 કિમી દૂર આવેલા એક નિર્જન વિસ્તારમાં તૂટી પડ્યું. જમીન સાથે અથડાતાં જ વિમાનની ઈંધણ ટાંકીમાં વિસ્ફોટ થયો, જેના કારણે આગ લાગી.

આ વિમાન એક વખત હવામાં ઈંધણ ભર્યા વિના આશરે 10,500 કિલોમીટર સુધીનું અંતર કાપી શકે છે. સાથે જ, તે આશરે 9,000 કિલોગ્રામ સુધીનાં હથિયારો લઈ જઈ શકે છે.

ક્રેશ બાદની તસવીરો…

રશિયાના અમુર પ્રાંતમાં પ્લેન ક્રેશ થયા બાદ આગની જ્વાળાઓ અને ધુમાડો ઊઠવા લાગ્યો.

રશિયન સૈન્ય પ્લેનની ઇંધણ ટાંકીમાં વિસ્ફોટ થયા બાદ પ્લેનમાં આગ લાગી.

ઇંધણમાં વિસ્ફોટને કારણે ક્રેશ થવાની શક્યતા

રશિયન અધિકારીઓએ હજુ સુધી ક્રેશનું ચોક્કસ કારણ જણાવ્યું નથી. જોકે પ્રાથમિક તપાસ મુજબ, આ દુર્ઘટનાનું કારણ વિમાનમાં ઇંધણનો વિસ્ફોટ હોઈ શકે છે.

રશિયન સમાચાર એજન્સી TASS અનુસાર, દુર્ઘટનાના સમયે વિમાનમાં કોઈ પરમાણુ હથિયાર કે દારૂગોળો લોડ કરવામાં આવ્યો ન હતો.

મામલાની ઉચ્ચ સ્તરીય તપાસના આદેશ આપી દેવામાં આવ્યા છે. મોસ્કો ટાઈમ્સ અનુસાર, આ વિમાન રશિયાના પ્રમુખ લાંબા અંતરના એરફોર્સ બેઝમાં સામેલ યુક્રેનકા એરબેઝ પર તૈનાત હતું. આ એરબેઝથી લગભગ 30 કિલોમીટર ઉત્તર તરફ આ અકસ્માત થયો હતો.

નકશા દ્વારા સમજો ક્રેશનું સ્થળ…

રશિયાના Tu-95 સૈન્ય વિમાન વિશે જાણો

Tu-95 સૈન્ય વિમાનને સોવિયેત સંઘના સમયમાં ડિઝાઇન કરવામાં આવ્યું હતું. આ રશિયાનું લાંબા અંતરનું વ્યૂહાત્મક બોમ્બર વિમાન છે, જેનો ઉપયોગ 1980ના દાયકાથી રશિયન લાંબા અંતરની એવિએશનમાં થઈ રહ્યો છે.

• તેની ખાસિયત એ છે કે તે પરમાણુ હથિયારો લઈ જતી ક્રૂઝ મિસાઇલો છોડી શકે છે.
• તેને લાંબા અંતર સુધી ઉડીને દુશ્મનના વિસ્તારમાં હુમલો કરવા માટે ડિઝાઇન કરવામાં આવ્યું હતું.
• તેમાં જેટ એન્જિનની જગ્યાએ ચાર ટર્બોપ્રોપ એન્જિન છે. તેમ છતાં તે દુનિયાના સૌથી ઝડપી ટર્બોપ્રોપ વિમાનોમાં સામેલ છે.
• Tu-95એ 1952માં પ્રથમ ઉડાન ભરી અને 1957માં સોવિયેત વાયુસેનામાં સામેલ થયું. ત્યારબાદ તેના અનેક આધુનિક વર્ઝન વિકસાવવામાં આવ્યા.

———————-

આ સમાચાર પણ વાંચો…

પાકિસ્તાને બાંગ્લાદેશ જઈ રહેલું ન્યૂક્લિયર ફ્યુઅલ અટકાવ્યું: રશિયન વિમાનને એરસ્પેસ ન આપ્યું, વીજળી સંકટ વચ્ચે પાવર પ્લાન્ટનું ઈંધણ પહોંચ્યું નહીં

પાકિસ્તાને વીજળી સંકટનો સામનો કરી રહેલા બાંગ્લાદેશના પરમાણુ ઈંધણને પોતાના આકાશમાંથી પસાર થવા દીધું નહીં. આ ઈંધણ રશિયન વિમાનમાં હતું, જેનો ઉપયોગ બાંગ્લાદેશના રૂપપુર પ્લાન્ટમાં થવાનો હતો. સંપૂર્ણ સમાચાર વાંચો…

દિવ્ય ભાસ્કરને Google પર મનપસંદ સોર્સ બનાવો