રશિયન સૈનિક જ્યોર્જી કોસ્ટિર્કો જ્યારે રજા પર ઘરે આવ્યા ત્યારે તેમની મુલાકાત એન્જેલિના વાર્યુખિના સાથે થઈ હતી. બંનેએ મુલાકાતના માત્ર 10 દિવસ પછી લગ્ન કરી લીધા. લગ્નના થોડા સમય પછી જ જ્યોર્જી ફરીથી યુક્રેન યુદ્ધના મોરચે પાછા ફર્યા.

જ્યોર્જીની માતાએ આરોપ લગાવ્યો કે લગ્નના થોડા સમય પછી એન્જેલિના સોશિયલ મીડિયા પર અન્ય પુરુષો સાથે તસવીરો અને વીડિયો પોસ્ટ કરવા લાગી હતી. તેનાથી બંનેના સંબંધો બગડી ગયા અને જ્યોર્જીએ છૂટાછેડાની પ્રક્રિયા શરૂ કરી દીધી.

જોકે, એન્જેલિનાએ આ આરોપોનો ઇનકાર કર્યો. તેમનું કહેવું હતું કે બંને વચ્ચે પાછળથી સમાધાન થઈ ગયું હતું અને સોશિયલ મીડિયા પર મૂકેલી તસવીરો ફક્ત જ્યોર્જીને ચીડવવા માટે હતી. છૂટાછેડાની કાનૂની પ્રક્રિયા પૂરી થાય તે પહેલા જ યુક્રેનિયન હુમલામાં જ્યોર્જીનું મૃત્યુ થયું.

રશિયન કાયદા મુજબ, તે સમયે એન્જેલિના તેમની કાનૂની પત્ની હતી, તેથી તેમને સરકારી વળતર મેળવવાનો અધિકાર મળ્યો. તેના પર જ્યોર્જીના પરિવારે અદાલતનો દરવાજો ખટખટાવ્યો. લાંબી કાનૂની લડાઈ પછી અદાલતે એન્જેલિનાને સૌથી નજીકના કાનૂની સંબંધીનો દરજ્જો રદ કર્યો. આ નિર્ણય પછી તેમને વળતરનો અધિકાર મળ્યો નહીં. આ મામલો સમગ્ર રશિયામાં ચર્ચાનો વિષય બન્યો અને ત્યારબાદ સૈનિકોના મૃત્યુના વળતર માટે કરવામાં આવી રહેલી શંકાસ્પદ લગ્નો પર ચર્ચા તેજ બની.

સેનાના અધિકારીઓ પર પણ ગંભીર આરોપો લાગ્યા