સાઉથ એક્ટ્રેસ સામંથા રૂથપ્રભુએ બુધવારે એક ઇવેન્ટમાં પ્રેગ્નન્સીના સમાચારોની પુષ્ટિ કરી દીધી છે. એક ઇવેન્ટમાં ટી-શર્ટ પહેરવાથી દેખાયેલા બેબી બમ્પ પછીથી જ એક્ટ્રેસના પ્રેગ્નન્ટ હોવાના સમાચારો હતા. એક્ટ્રેસે હવે જણાવ્યું છે કે તે મધરહુડ માટે ફિલ્મોમાંથી બ્રેક પણ લેવાની છે.

સામંથા રૂથપ્રભુ બુધવારે તાજેતરમાં રિલીઝ થયેલી તેની ફિલ્મ ‘મા ઇંતિ બંગારમ’ના સક્સેસ મીટમાં પતિ રાજ નિદિમોરુ સાથે પહોંચી હતી. ઇવેન્ટમાં મીડિયા સાથે વાતચીત કરતા સામંથાએ પ્રેગ્નન્સી કન્ફર્મ કરતા કહ્યું, ‘મા ઇંતિ બંગારમ પછી હું મારી કન્ડિશનને જોતા એક નાનો બ્રેક લઈશ. મારે મેટરનિટી લીવ લેવી જ પડશે. આ પછી હું મારા ફેન્સ માટે એક વધુ ફિલ્મ સાથે વાપસી કરીશ.’

ટી-શર્ટમાં બેબી બમ્પ દેખાતા પ્રેગ્નન્સીનો ખુલાસો થયો

સામંથા રૂથપ્રભુની ફિલ્મ ‘મા ઇંતિ બંગારમ’ 19 જૂને સિનેમાઘરોમાં રિલીઝ થઈ છે. આ ફિલ્મને દર્શકો તરફથી ખૂબ પ્રશંસા મળી રહી છે. ફિલ્મની સફળતાની ઉજવણી કરવા માટે તાજેતરમાં સામંથા એક ફેન મીટ-અપનો ભાગ બની હતી, જ્યાં તેણે વ્હાઇટ ટી-શર્ટ સાથે ડેનિમ પહેર્યું હતું. ઇવેન્ટમાંથી બહાર આવતા દરેકની નજર તેના બેબી બમ્પ પર હતી, જે ફીટેડ ટી-શર્ટમાં સ્પષ્ટ દેખાઈ રહ્યો હતો.

6 મહિના પહેલાંના રાજ નિદિમોરુ સાથે લગ્ન

સામંથા રૂથપ્રભુએ 1 ડિસેમ્બર 2025ના રોજ ધ ફેમિલી મેન ડિરેક્ટર રાજ નિદિમોરુ સાથે લગ્ન કર્યા છે. આ એક પ્રાઈવેટ વેડિંગ હતી, જેમાં સામંથા-રાજના નજીકના સંબંધીઓ અને મિત્રો જ સામેલ થયા હતા. આ કપલે સદગુરુના ઈશા ફાઉન્ડેશનના લિંગા ભૈરવી મંદિરમાં પ્રાચીન યોગિક પરંપરા અનુસાર ભૂત શુદ્ધિ વિવાહ કર્યા હતા.

સામંથા રૂથપ્રભુએ લગ્નની તસવીરો પોસ્ટ કરીને અધિકૃત જાહેરાત કરી હતી. તેમણે તસવીરો સાથે લખ્યું હતું- ‘01.12.2025।’

જુઓ સામંથા- રાજ નિદિમોરુના લગ્નની તસવીરો-

સામંથા રૂથપ્રભુ અને રાજ નિદિમોરુએ પોપ્યુલર સિરીઝ ધ ફેમિલીની બીજી સીઝનમાં સાથે કામ કર્યું હતું. જેને રાજ નિદિમોરુ અને ડીકેએ સાથે મળીને બનાવી હતી.

કોણ છે રાજ નિદિમોરુ?

50 વર્ષના રાજ નિદિમોરુ, ફિલ્મમેકર છે. તેમની અને ડીકે (કૃષ્ણા દસરાકોઠાપલ્લી)ની ફિલ્મમેકર જોડી ફિલ્મ ઇન્ડસ્ટ્રીમાં ઘણી લોકપ્રિય છે. બંનેએ યુકેમાંથી સોફ્ટવેર એન્જિનિયરિંગ કર્યા પછી 2002ની ફિલ્મ શાદી ડોટ કોમથી સાથે ફિલ્મ ઇન્ડસ્ટ્રીમાં કરિયરની શરૂઆત કરી હતી. ત્યારબાદ બંનેએ વર્ષ 2003થી સ્વતંત્ર ફિલ્મમેકર તરીકે ફિલ્મ 99 લખી, પ્રોડ્યુસ કરી અને ડિરેક્ટ કરી. ત્યારબાદ બંનેએ ‘શોર ઇન ધ સિટી’, ‘ગો ગોવા ગોન’, ‘હેપ્પી એન્ડિંગ’, ‘એ જેન્ટલમેન’ જેવી ફિલ્મો લખવાની સાથે-સાથે તેમનું નિર્દેશન પણ કર્યું.

વર્ષ 2019થી રાજ અને ડીકેએ OTTમાં પગ મૂક્યો અને મનોજ બાજપેયી અભિનીત સિરીઝ ધ ફેમિલી મેન ડિરેક્ટ-પ્રોડ્યુસ કરી. આગળ તેમણે ફરજી, સિટાડેલ અને ગન્સ એન્ડ ગુલાબ જેવી સિરીઝ બનાવી. રાજ અને ડીકેની જોડીએ જ શ્રદ્ધા કપૂર અને રાજકુમાર રાવ અભિનીત ફિલ્મ સ્ત્રી લખી અને પ્રોડ્યુસ કરી છે.

2021માં સામંથાએ નાગ ચૈતન્યથી છૂટાછેડા લીધા

સામંથા રૂથપ્રભુ અને નાગ ચૈતન્ય ફિલ્મ ‘યે માયા ચેસાવે’માં સાથે જોવા મળ્યા હતા. આ ફિલ્મના સેટ પર બંને એકબીજાને પસંદ કરવા લાગ્યા અને રિલેશનશિપમાં આવ્યા. 7 વર્ષ સુધી રિલેશનશિપમાં રહ્યા પછી, સામંથાએ સાઉથ સ્ટાર નાગ ચૈતન્ય સાથે વર્ષ 2017માં લગ્ન કર્યા હતા. બંનેના લગ્ન હિંદુ અને ક્રિશ્ચિયન રીતિ-રિવાજો અનુસાર થયા હતા.

લગ્ન પછી સામંથાએ પોતાની અટક અક્કિનેની કરી લીધી હતી, જોકે જુલાઈ 2021માં તેમણે સામંથા અક્કિનેનીથી નામ બદલીને સામંથા રૂથપ્રભુ કરી લીધું. આ પછી જ બંનેના છૂટાછેડાના સમાચાર સામે આવવા લાગ્યા અને બંનેએ ઓક્ટોબર 2021માં છૂટાછેડાની જાહેરાત કરી દીધી. સામંથાથી છૂટાછેડા લીધાના 2 વર્ષ પછી નાગ ચૈતન્યએ એક્ટ્રેસ શોભિતા ધૂલિપાલા સાથે લગ્ન કર્યા છે.

દિવ્ય ભાસ્કરને Google પર મનપસંદ સોર્સ બનાવો