SBIએ 28થી 30 સપ્ટેમ્બર સુધી પોતાના ATMમાંથી રોકડ ઉપાડવા પર કોઈ ચાર્જ નહીં વસૂલવાનો નિર્ણય જાહેર કર્યો છે. આ દરમિયાન બેંક કર્મચારીઓની હડતાળને કારણે શાખાઓ બંધ રહેશે. બેંક કર્મચારીઓ 5-ડે વર્કિંગની માંગને લઈને પ્રદર્શન કરશે. 90% બેંક કર્મચારીઓ હડતાળમાં સામેલ, કામકાજ પર પડશે અસર હડતાળમાં દેશની 7 મોટી બેંક યુનિયનો સામેલ થશે, જેમાં લગભગ 90%થી વધુ બેંક કર્મચારીઓ જોડાયેલા છે. તેમાં AIBEA, AIBOC, NCBE, AIBOA, BEFI, INBEF અને INBOCનો સમાવેશ થાય છે. યુનિયનોનું કહેવું છે કે જ્યાં સુધી સરકાર અઠવાડિયામાં 5-ડે વર્કિંગ લાગુ કરવાની કોઈ નિશ્ચિત તારીખ નક્કી નહીં કરે, ત્યાં સુધી તેમનું આ વિરોધ પ્રદર્શન ચાલુ રહેશે. રવિવાર 27 સપ્ટેમ્બરે બેંકો ખુલશે 28 સપ્ટેમ્બરથી શરૂ થનારી 3 દિવસની હડતાળને કારણે શાખાઓમાં કામકાજ સંપૂર્ણપણે બંધ રહેશે. આ દરમિયાન સામાન્ય જનતાને પૈસા ઉપાડવા, ચેક ક્લિયરન્સ અને અન્ય જરૂરી કામોમાં મુશ્કેલી ન પડે તે માટે નાણાં મંત્રાલયે રવિવાર, 27 સપ્ટેમ્બરે તમામ જાહેર ક્ષેત્રની અને પ્રાદેશિક ગ્રામીણ બેંકો ખુલ્લી રાખવાનો આદેશ આપ્યો છે. બેંકોમાં 5-ડે વર્કિંગ પર સરકારનો ઇનકાર બેંક કર્મચારીઓની હડતાળના ઠીક પહેલાં મીડિયા અહેવાલમાં દાવો કરવામાં આવ્યો છે કે સરકારે ક્યારેય પણ બેંકો માટે 5-દિવસના કાર્ય સપ્તાહનું વચન આપ્યું નહોતું અને પગાર સુધારણા અંગેની વાતચીત દરમિયાન પણ આ મુદ્દે ચર્ચા થઈ નહોતી. નાણાં મંત્રાલયના સૂત્રે જણાવ્યું કે આ માંગ કર્મચારી યુનિયનો તરફથી એકતરફી રીતે ઉઠાવવામાં આવી હતી અને બંને પક્ષો વચ્ચે તેના પર કોઈ સહમતિ બની નહોતી. PLI યોજનાને લઈને પણ સરકાર અને યુનિયનો સામસામે અઠવાડિયામાં 5 દિવસ કામ ઉપરાંત બોનસ (PLI)ના નિયમોને લઈને પણ વિવાદ ચાલી રહ્યો છે. સરકારે મોટા અધિકારીઓ જેવા કે સ્કેલ-4 અને તેનાથી ઉપરના અધિકારીઓ માટે બોનસનો એક નવો નિયમ લાગુ કર્યો છે. આ અંતર્ગત સારું કામ કરનારા અધિકારીઓને 365 દિવસના મૂળ પગાર જેટલું પ્રોત્સાહન અથવા બોનસ મળી શકે છે. બેંક યુનિયનો આ વાતનો પણ વિરોધ કરી રહી છે.