ભારતીય સ્ટેટ બેંક એટલે કે SBI એક ખાસ રિકરિંગ ડિપોઝિટ (RD) સ્કીમ ‘હર ઘર લખપતિ’ ચલાવી રહી છે. આ સ્કીમ હેઠળ તમે દર મહિને નાની-નાની રકમ જમા કરીને એક લાખ કે તેનાથી વધુ રૂપિયાની વ્યવસ્થા કરી શકો છો. આમાં સામાન્ય નાગરિકોને મહત્તમ 6.55% અને વરિષ્ઠ નાગરિકો (સિનિયર સિટીઝન)ને મહત્તમ 7.05% વાર્ષિક વ્યાજ આપવામાં આવી રહ્યું છે.

‘હર ઘર લખપતિ’ એક ખાસ રિકરિંગ ડિપોઝિટ (RD) સ્કીમ છે. આ સ્કીમ હેઠળ તમે દર મહિને નાની-નાની રકમ જમા કરીને એક લાખ કે તેનાથી વધુ રૂપિયાની વ્યવસ્થા કરી શકો છો. આમાં 10 વર્ષ સુધી દર મહિને 610 રૂપિયા જમા કરવા પર તમારું 1 લાખ રૂપિયાનું ફંડ તૈયાર થઈ જશે.

સૌથી પહેલા સમજો RD શું છે? રિકરિંગ ડિપોઝિટ કે RD મોટી બચતમાં તમારી મદદ કરી શકે છે. તમે તેનો ઉપયોગ ગુલ્લકની જેમ કરી શકો છો. મતલબ કે તમે તેમાં દર મહિને પગાર આવવા પર એક નિશ્ચિત રકમ નાખતા રહો અને તેના મેચ્યોર થવા પર તમારા હાથમાં મોટી રકમ હશે. હર ઘર લખપતિનો મેચ્યોરિટી પિરિયડ સામાન્ય રીતે 3 વર્ષથી 10 વર્ષ સુધીનો હોય છે. એટલે કે તમે 3 વર્ષથી 10 વર્ષ સુધી માટે રોકાણ કરી શકો છો.