શેરબજાર સતત 8મા અઠવાડિયે લાલ નિશાનમાં બંધ થયું છે. આજે 1 ઑક્ટોબરે અઠવાડિયાના અંતિમ કારોબારી દિવસે સેન્સેક્સ 570 પોઈન્ટ અથવા 0.79% ઘટીને 71,910 પર બંધ થયો. નિફ્ટીમાં 198 પોઈન્ટ અથવા 0.88%નો ઘટાડો રહ્યો અને તે 22,422 પર આવી ગયો છે. ઑટો અને મીડિયા શેરોમાં સૌથી વધુ વેચવાલી જોવા મળી છે.

બીએસઈમાં લિસ્ટેડ કંપનીઓનું કુલ માર્કેટ કેપિટલાઇઝેશન (એમ-કેપ) અગાઉના સત્રના 471.86 લાખ કરોડ રૂપિયાથી લગભગ 10.08 લાખ કરોડ રૂપિયા ઘટીને 461.77 લાખ કરોડ રૂપિયા થઈ ગયું, કારણ કે શેરોમાં ભારે ઘટાડો થયો. પરંતુ માર્કેટ બંધ થયા બાદ તેમાં થોડી રિકવરી આવી અને કુલ નુકસાન 6 લાખ કરોડ રૂપિયા રહી જતાં બીએસઈ માર્કેટ કેપિટલાઇઝેશન 466 લાખ કરોડ રૂપિયા થઈ ગયું.

25 વર્ષમાં ઘટાડાનો સૌથી લાંબો સમયગાળો

આ સતત 8મું અઠવાડિયું છે જ્યારે બજાર લાલ નિશાનમાં બંધ થયું છે. છેલ્લા 25 વર્ષમાં આ ઘટાડાનો સૌથી લાંબો સમયગાળો છે. આ પહેલાં વર્ષ 2001માં બજારમાં સતત 9 અઠવાડિયા સુધી ઘટાડો નોંધાયો હતો.

જાન્યુઆરીમાં પોતાના 26,373ના સર્વકાલીન ઉચ્ચ સ્તરથી નિફ્ટી અત્યાર સુધીમાં લગભગ 15% નીચે આવી ગયો છે. શેરબજારના નિયમો મુજબ, જો બજાર પોતાના ઉચ્ચતમ સ્તરથી 20% સુધી ઘટી જાય, તો તેને સત્તાવાર ‘બેર માર્કેટ’ માનવામાં આવે છે.

શેરબજારમાં ઘટાડાનાં 3 મુખ્ય કારણો

1. વિદેશી રોકાણકારોનું વેચાણ: વિદેશી રોકાણકારોએ ભારતીય બજારમાંથી ઝડપથી નાણાં પાછાં ખેંચ્યાં છે. માત્ર મંગળવાર અને બુધવારે જ 20 હજાર કરોડ રૂપિયાથી વધુના શેર વેચવામાં આવ્યા, જેના કારણે આ અઠવાડિયે બુધવાર સુધીમાં કુલ વેચાણ લગભગ 26 હજાર કરોડ રૂપિયા સુધી પહોંચી ગયું.

વિદેશી રોકાણકારોએ 7 દિવસમાં 29 હજાર કરોડ રૂપિયાના શેર વેચ્યા

નોંધ: FIIs અને DIIsની ચોખ્ખી ખરીદી/વેચાણના આંકડા કરોડ રૂપિયામાં છે.

2. અમેરિકન બોન્ડ યીલ્ડમાં ઉછાળો: 10 વર્ષના અમેરિકન સરકારી બોન્ડ પર મળતું વ્યાજ (યીલ્ડ) વધીને 5.33% અને 30 વર્ષના બોન્ડ પર 5.67% પહોંચી ગયું છે. આ 2002 પછીનું સૌથી ઊંચું સ્તર છે. સુરક્ષિત સરકારી બોન્ડ પર વધુ વળતર મળવાથી વિદેશી રોકાણકારો શેરબજારમાંથી નાણાં ઉપાડી બોન્ડમાં રોકાણ કરી રહ્યા છે, જેના કારણે શેરોમાં ઘટાડો વધ્યો છે.

3. રૂપિયામાં ઘટાડો: ડૉલર મજબૂત થવાને કારણે ભારતીય રૂપિયો નબળો પડ્યો છે. પ્રતિ ડૉલર રૂપિયો ઘટીને 95.98ના સ્તરે આવી ગયો. જોકે સરકારી બેંકો દ્વારા ડૉલરનું વેચાણ કરીને રૂપિયાને ટેકો આપવાનો પ્રયાસ કરવામાં આવ્યો, પરંતુ ચલણ નબળું પડવાની સીધી નકારાત્મક અસર શેરબજાર પર પડી.

મનીવ્યૂનો શેર 62% વધીને ₹55 પર લિસ્ટ

ડિજિટલ લેન્ડિંગ પ્લેટફોર્મ મનીવ્યૂના શેર ₹34ના ઇશ્યૂ ભાવની સરખામણીએ 61.76% વધીને ₹55 પર લિસ્ટ થયા. 24થી 28 સપ્ટેમ્બર સુધી ખુલેલો આ IPO 98.46 ગણો સબસ્ક્રાઇબ થયો હતો. તેમાં સૌથી વધુ રસ સંસ્થાકીય ખરીદદારોનો રહ્યો, જેમનો હિસ્સો 227 ગણાથી વધુ ભરાયો હતો.

એશિયન બજારોમાં આજે તેજી

અમેરિકન બજારમાં 30 સપ્ટેમ્બરે ઘટાડો નોંધાયો હતો

દિવ્ય ભાસ્કરને Google પર મનપસંદ સોર્સ બનાવો