સુપ્રીમ કોર્ટે કેન્દ્ર અને IRDAIને એવો પાયલોટ પ્રોજેક્ટ બનાવવાનું કહ્યું છે, જેમાં માન્ય થર્ડ પાર્ટી વીમા વિનાના વાહનોને પેટ્રોલ ન આપવામાં આવે. જસ્ટિસ સંજય કરોલ અને જસ્ટિસ પ્રશાંત કુમાર મિશ્રાની બેન્ચે નવી કારો માટે ફરજિયાત વીમા અવધિ 3 થી વધારીને 4 વર્ષ અને નવા ટુ-વ્હીલર વાહનો માટે 5 થી વધારીને 6 વર્ષ કરી દીધી.

આનાથી નવી ગાડી ખરીદતી વખતે વીમા માટે વધુ રકમ એકસાથે ચૂકવવી પડશે. IRDAIને તાત્કાલિક નિર્દેશો જારી કરવા જણાવાયું છે. બેન્ચે કહ્યું કે 2018 માં લાંબા ગાળાનો વીમો ફરજિયાત કરવામાં આવ્યો હતો. તેના 8 વર્ષ પછી પણ મોટી સંખ્યામાં વાહનો વીમા વિના ચાલી રહ્યા છે. કોર્ટે અકસ્માત પીડિતોના હિતમાં અવધિ એક વર્ષ વધારવી જરૂરી માની.

કેન્દ્રને નિર્દેશ – હાઈવે પર કેમેરા લગાવવામાં આવે, વીમા વિનાના વાહનોનો ઓટોમેટિક ચલણ થાય

સંસદીય સમિતિના રિપોર્ટ મુજબ, દેશના 30.48 કરોડ વાહનોમાંથી 16.54 કરોડ પાસે માન્ય વીમો નથી. એટલે કે લગભગ 56% વાહનો વીમા વગર ચાલી રહ્યા છે.

દિવ્ય ભાસ્કરને Google પર મનપસંદ સોર્સ બનાવો