થાઈલેન્ડમાં બુધવારે એક મોટો રેલ અકસ્માત થયો. બીબીસી અનુસાર અકસ્માતમાં 22 લોકોના મોત થયા છે. જ્યારે, 79 મુસાફરો ઘાયલ થયા છે, જેમાંથી ઘણાની હાલત ગંભીર હોવાનું જણાવાઈ રહ્યું છે.

આ દુર્ઘટના બુધવારે સવારે લગભગ 9:05 વાગ્યે બેંગકોકથી 230 કિલોમીટર (143 માઇલ) ઉત્તર-પૂર્વમાં આવેલા નાખોન રત્ચાસિમા પ્રાંતમાં થઈ.

અધિકારીઓએ જણાવ્યું કે એક રેલ બ્રિજના નિર્માણમાં ઉપયોગમાં લેવાઈ રહેલી ક્રેન ઝડપી ગતિએ ચાલી રહેલી પેસેન્જર ટ્રેન પર પડી ગઈ અને ડ્રાઈવરને બ્રેક લગાવવાનો મોકો મળ્યો નહીં. ટક્કર બાદ ક્રેનનો કાટમાળ ટ્રેન પર પડ્યો, જેના કારણે ઘણા ડબ્બા પાટા પરથી ઉતરી ગયા. પાટા પરથી ઉતરતા જ ડબ્બાઓમાં આગ લાગી ગઈ.

અધિકારીઓ અનુસાર કોચમાં મોટાભાગના મુસાફરો શાળાના વિદ્યાર્થીઓ હતા. ઘણા મુસાફરો ડબ્બાઓમાં ફસાયેલા હતા, જેમને કટિંગ અને સ્પ્રેડિંગ ઉપકરણોની મદદથી બહાર કાઢવામાં આવી રહ્યા છે.

અકસ્માતની 5 તસવીરો…

થાઈલેન્ડમાં બુધવારે પેસેન્જર ટ્રેન પાટા પરથી ઉતરી ગઈ.

ટ્રેન તેજ ગતિથી ચાલી રહી હતી ત્યારે તેના પર એક ક્રેન પડી, જેના કારણે આ અકસ્માત થયો.

ટ્રેનમાં મોટાભાગના મુસાફરો શાળાના વિદ્યાર્થીઓ હતા. અકસ્માતમાં 40 લોકો ઘાયલ થયા હોવાના સમાચાર છે.

ટ્રેન પાટા પરથી ઉતરતા જ તેના ડબ્બામાં આગ લાગી ગઈ.

બચાવ દળ ઘાયલ યાત્રીઓને બહાર કાઢીને તેમને નજીકની હોસ્પિટલોમાં પહોંચાડી રહ્યું છે.

બચાવ દળે અત્યાર સુધીમાં 12 મૃતદેહો શોધી કાઢ્યા

ન્યૂઝ વેબસાઇટ ‘નેશન થાઇલેન્ડ’ અનુસાર, ટક્કર એટલી જોરદાર હતી કે ટ્રેનના કાચ તૂટી ગયા અને ટ્રેનને નુકસાન થયું.

ઘટનાના થોડા સમય પછી બચાવ ટુકડી ઘટનાસ્થળે પહોંચી. બચાવ દળે જણાવ્યું કે આગ પર કાબૂ મેળવી લેવાયો છે. રાહત અને બચાવ કાર્ય હજુ પણ ચાલુ છે અને કાટમાળમાં ફસાયેલા લોકોની શોધખોળ ચાલી રહી છે.

અત્યાર સુધીમાં 12 મૃતદેહો મળી આવ્યા છે. પ્રશાસન અને રેલવે અધિકારીઓ તપાસ કરી રહ્યા છે કે ક્રેન શા માટે પડી અને સુરક્ષાના નિયમોનું પાલન થયું હતું કે નહીં.

સ્થાનિક લોકો અને પરિવારો આ દુઃખદ ઘટનાથી આઘાતમાં છે. મૃત્યુઆંકમાં વધુ વધારો થવાની આશંકા વ્યક્ત કરવામાં આવી રહી છે.