અમેરિકાએ શનિવારે રાત્રે સીરિયામાં આતંકવાદી સંગઠન ઇસ્લામિક સ્ટેટ (ISIS) વિરુદ્ધ હવાઈ હુમલા કર્યા છે. આ કાર્યવાહી ગયા મહિને પાલ્મિરામાં થયેલા આતંકવાદી હુમલામાં બે અમેરિકી સૈનિકો અને એક નાગરિકના મોત બાદ કરવામાં આવી હતી.

અમેરિકી સેન્ટ્રલ કમાન્ડ (CENTCOM) અનુસાર, હુમલામાં સીરિયાના અલગ-અલગ વિસ્તારોમાં ISISના અનેક ઠેકાણાઓને નિશાન બનાવવામાં આવ્યા હતા.

CENTCOMએ જણાવ્યું કે આ ઓપરેશનમાં ISISના ઠેકાણાઓ, હથિયારો અને માળખાકીય સુવિધાઓને નિશાન બનાવવામાં આવ્યા હતા. જોકે, કયા વિસ્તારોમાં અને કેટલા ઠેકાણાઓ નષ્ટ કરવામાં આવ્યા તે સ્પષ્ટ કરવામાં આવ્યું નથી.

નિવેદનમાં કહેવામાં આવ્યું,

જો તમે અમારા સૈનિકોને નુકસાન પહોંચાડશો, તો અમે તમને દુનિયાના કોઈપણ ખૂણેથી શોધી કાઢીશું અને મારી નાખીશું, ભલે તમે ગમે તેટલી કોશિશ કરી લો.

ટ્રમ્પ પ્રશાસને આ જવાબી કાર્યવાહીને ‘ઓપરેશન હોકઆઈ સ્ટ્રાઈક’ નામ આપ્યું છે. તેની શરૂઆત 19 ડિસેમ્બરે થઈ હતી. ત્યારે સીરિયામાં ISISના 70 ઠેકાણાઓ પર મોટા હુમલા કરવામાં આવ્યા હતા.

હુમલાની તસવીરો જુઓ…