શાઓમીએ મંગળવારે ભારતમાં Redmi Note 17 Pro અને Redmi Note 17 Pro Max લોન્ચ કર્યા છે. નવી સિરીઝની શરૂઆતની કિંમત ₹33,999 છે. બંને ફોનમાં 6.83 ઇંચનું 1.5K AMOLED ડિસ્પ્લે, 120Hz રિફ્રેશ રેટ અને HyperOS 3 આપવામાં આવ્યું છે. પ્રો મેક્સ મોડલની સૌથી મોટી ખાસિયત તેની 10,000mAh બેટરી અને 100W ફાસ્ટ ચાર્જિંગ છે. બંને સ્માર્ટફોનનું વેચાણ આ જ મહિનામાં શરૂ થશે.
કિંમત અને સેલ ડેટ
Redmi Note 17 Proની શરૂઆતની કિંમત ₹33,999 છે, જેમાં 8GB રેમ અને 128GB સ્ટોરેજ મળે છે. તેનું 8GB રેમ અને 256GB સ્ટોરેજ મોડલ ₹36,999માં મળશે. બીજી તરફ, Redmi Note 17 Pro Maxના 8GB + 256GB વેરિઅન્ટની કિંમત ₹44,999 અને 12GB + 256GB વેરિઅન્ટની કિંમત ₹50,999 છે. શાઓમી નવા સ્માર્ટફોન પર ₹5,000 સુધીનું બેંક ડિસ્કાઉન્ટ પણ આપી રહી છે. Redmi Note 17 Proનું વેચાણ 17 સપ્ટેમ્બર અને Pro Maxનું વેચાણ 23 સપ્ટેમ્બરથી શરૂ થશે. બંને ફોન Amazon, Xiaomiના ઓનલાઈન સ્ટોર અને ફિઝિકલ આઉટલેટ્સ પરથી ખરીદી શકાશે.
1.5K AMOLED ડિસ્પ્લેવાળા ફોન
Redmi Note 17 Pro અને Pro Max બંનેમાં 6.83 ઇંચનું 1.5K AMOLED ડિસ્પ્લે આપવામાં આવી છે. સ્ક્રીન 120Hz રિફ્રેશ રેટ અને 3,200Hz ટચ સેમ્પલિંગ રેટને સપોર્ટ કરે છે. તેની પીક બ્રાઇટનેસ 3,500 નિટ્સ સુધી છે. સ્ક્રીનની સુરક્ષા માટે Corning Gorilla Glass Victus 2 આપવામાં આવ્યું છે. બંને ફોનમાં Dolby Atmos સપોર્ટવાળા સ્ટીરિયો સ્પીકર્સ પણ મળે છે.
50MP કેમેરા અને HyperOS 3
બંને સ્માર્ટફોનમાં ડ્યુઅલ રિયર કેમેરા સેટઅપ છે. તેમાં 50MPનો મુખ્ય કેમેરા અને 8MPનો સુપર-વાઇડ-એંગલ કેમેરા સામેલ છે. Pro Maxમાં 32MPનો ફ્રન્ટ કેમેરા છે, જ્યારે સ્ટાન્ડર્ડ Pro મોડલમાં 16MP સેલ્ફી કેમેરા આપવામાં આવ્યો છે. કેમેરામાં ગ્લેર દૂર કરવા, રિફ્લેક્શન ઘટાડવા અને ફોટોમાંથી અનિચ્છનીય વસ્તુઓ દૂર કરવા જેવા AI ફીચર્સ પણ મળે છે.
Android 16 આધારિત HyperOS 3
બંને ફોન HyperOS 3 પર ચાલે છે, જે Android 16 પર આધારિત છે. શાઓમી બંને ફોન માટે 4 વર્ષના OS અપડેટ અને 6 વર્ષના સિક્યોરિટી અપડેટ આપવાની ગેરંટી આપી રહી છે. બંને મોડલને IP66, IP68 અને IP69K રેટિંગ મળી છે. Pro Maxમાં ફોટોક્રોમિક રિયર પેનલનો વિકલ્પ પણ મળે છે, જે સીધા તડકામાં તેનો રંગ ઘાટો કે હળવો કરી શકે છે.
10,000mAh બેટરી અને 100W ચાર્જિંગ
Redmi Note 17 Proમાં Snapdragon 6s Gen 4 પ્રોસેસર અને 8GB સુધીની રેમ આપવામાં આવી છે. તેમાં 9,000mAhની સિલિકોન-કાર્બન બેટરી છે, જે 67W ચાર્જિંગને સપોર્ટ કરે છે. બીજી તરફ, Pro Maxમાં Qualcomm Snapdragon 6 Gen 5 ચિપસેટ, 12GB સુધીની રેમ અને 10,000mAh બેટરી આપવામાં આવી છે. આ ફોન 100W ફાસ્ટ ચાર્જિંગને સપોર્ટ કરે છે. શાઓમીના જણાવ્યા અનુસાર, Pro Maxની બેટરી 1,600થી વધુ ચાર્જિંગ સાઇકલ બાદ પણ 80% ક્ષમતા જાળવી શકે છે. આ ફોનમાં 27W વાઇર્ડ રિવર્સ ચાર્જિંગની સુવિધા પણ આપવામાં આવી છે.
આ પણ વાંચો: Xiaomi Smart Band 11 Active લોન્ચ, કિંમતથી બેટરી સુધી જાણો તમામ વિગતો
