અદાણી પોર્ટ્સ એન્ડ સ્પેશિયલ ઇકોનોમિક ઝોન લિમિટેડ (APSEZ) એ નાણાકીય વર્ષ 2026-27 ના પ્રથમ ક્વાર્ટર (એપ્રિલ-જૂન) ના પરિણામો જાહેર કર્યા છે. મજબૂત સ્થાનિક અને આંતરરાષ્ટ્રીય કારોબારના જોરે કંપનીનો કોન્સોલિડેટેડ નેટ પ્રોફિટ વાર્ષિક ધોરણે 10% વધીને 3,650 કરોડ રૂપિયા પર પહોંચી ગયો. પાછલા નાણાકીય વર્ષના આ જ ક્વાર્ટરમાં કંપનીને 3,311 કરોડ રૂપિયાનો નફો થયો હતો. કંપનીની ઓપરેશન્સથી થતી કમાણીમાં પણ 19% નો વધારો નોંધાયો છે. આ સમયગાળા દરમિયાન કંપનીનો રેવન્યુ વધીને 10,821 કરોડ રૂપિયા થઈ ગયો, જે એક વર્ષ પહેલા આ જ સમયગાળામાં 9,126 કરોડ રૂપિયા હતો. કંપનીના EBIDTA માં 19% નો વધારો ક્વાર્ટર દરમિયાન અદાણી પોર્ટ્સનો EBIDTA એટલે કે ઓપરેટિંગ પ્રોફિટ 19% વધીને 6,541 કરોડ રૂપિયા થઈ ગયો, જે પાછલા વર્ષે આ જ ક્વાર્ટરમાં 5,495 કરોડ રૂપિયા હતો. EBITDA માર્જિનમાં પણ નજીવો સુધારો જોવા મળ્યો છે અને તે 60.2% થી સુધરીને 60.4% પર પહોંચી ગયો છે. ઘરેલું પોર્ટ્સ કારોબાર બન્યો ગ્રોથનો મુખ્ય સ્ત્રોત અદાણી પોર્ટ્સે જણાવ્યું કે તેનો ડોમેસ્ટિક પોર્ટ્સ બિઝનેસ કમાણીનો સૌથી મોટો સ્ત્રોત બની રહ્યો. બહેતર કાર્ગો મિક્સ, વધુ રિયલાઇઝેશન અને વોલ્યુમ ગ્રોથના કારણે ઘરેલું પોર્ટ્સ બિઝનેસના રેવન્યુમાં વાર્ષિક ધોરણે 12% નો વધારો નોંધાયો. આ પ્રથમ ક્વાર્ટર દરમિયાન કંપનીના ડોમેસ્ટિક પોર્ટ્સે કુલ 115.3 મિલિયન મેટ્રિક ટન (MMT) કાર્ગો હેન્ડલ કર્યો. આ વર્ટિકલનો EBITDA માર્જિન 74% રહ્યો, જે ઇન્ડસ્ટ્રીમાં બેસ્ટ-ઇન-ક્લાસ માનવામાં આવે છે. પોર્ટ કેપેસિટી 1,000 MMT કરવાનો ટાર્ગેટ કંપની હાલમાં તેના ઇતિહાસનો સૌથી મોટો પોર્ટ કેપેસિટી વિસ્તરણ કાર્યક્રમ ચલાવી રહી છે. 30 જૂન 2026 સુધીમાં કંપનીની સ્થાનિક પોર્ટ ક્ષમતા 653 MMT હતી. અદાણી પોર્ટ્સે તેને ડિસેમ્બર 2030 સુધીમાં વધારીને 1,000 MMT કરવાનો લક્ષ્ય નિર્ધારિત કર્યો છે. વર્તમાનમાં ઓલ-ઇન્ડિયા કાર્ગો માર્કેટમાં અદાણી પોર્ટ્સનો હિસ્સો 27.6% છે, જ્યારે કન્ટેનર કાર્ગો માર્કેટમાં કંપનીનો હિસ્સો 44.8% પર પહોંચી ગયો છે. અદાણી પોર્ટ્સનો શેર 2.25% ઘટ્યો શાનદાર ત્રિમાસિક પરિણામો અને મજબૂત નાણાકીય પ્રદર્શન છતાં 29 જુલાઈએ અદાણી પોર્ટ્સના શેરો પર દબાણ જોવા મળ્યું. બપોરના કારોબારી સત્રમાં કંપનીનો શેર 2.25%ના ઘટાડા સાથે 1,734.70 રૂપિયા પર ટ્રેડ કરી રહ્યો હતો. ખાસ વાત એ રહી કે શેરબજારના મુખ્ય સૂચકાંકો- સેન્સેક્સ-નિફ્ટીમાં તેજી હોવા છતાં અદાણી પોર્ટ્સનો શેર લાલ નિશાનમાં કારોબાર કરતો જોવા મળ્યો. કોન્સોલિડેટેડ નફો એટલે આખા ગ્રુપનું પ્રદર્શન કંપનીઓના પરિણામો બે ભાગમાં આવે છે- સ્ટેન્ડઅલોન અને કન્સોલિડેટેડ. સ્ટેન્ડઅલોનમાં ફક્ત એક યુનિટનું નાણાકીય પ્રદર્શન દર્શાવવામાં આવે છે, જ્યારે કન્સોલિડેટેડ અથવા એકીકૃત નાણાકીય રિપોર્ટમાં આખી કંપનીનો રિપોર્ટ આપવામાં આવે છે. દેશનો સૌથી મોટો પોર્ટ્સ ઓપરેટર છે અદાણી પોર્ટ્સ અદાણી પોર્ટ્સ ભારતનો સૌથી મોટો પ્રાઇવેટ પોર્ટ્સ ઓપરેટર અને એન્ડ-ટુ-એન્ડ લોજિસ્ટિક્સ પ્રોવાઇડર છે. તેના 15 પોર્ટ્સ અને ટર્મિનલ દેશની પોર્ટ્સ ક્ષમતાના લગભગ 25% નું પ્રતિનિધિત્વ કરે છે. તેની ક્ષમતા 627 MMTPA થી વધુ છે. ગૌતમ અદાણીએ 1998માં કંપનીની સ્થાપના કરી હતી અદાણી પોર્ટ્સના સ્થાપક અને ચેરમેન ગૌતમ અદાણી છે. તેમણે 1998માં આ કંપનીની સ્થાપના કરી હતી. ગૌતમ અદાણીના પુત્ર કરણ અદાણી કંપનીના મેનેજિંગ ડિરેક્ટર અને CEO અશ્વિની ગુપ્તા છે. કંપનીમાં 1900થી વધુ કર્મચારીઓ કામ કરે છે. અદાણી લોજિસ્ટિક્સ લિમિટેડ, અદાણી પોર્ટ્સની પેટાકંપની છે.