અમેરિકા અને કેનેડા વચ્ચે 3 દિવસ સુધી ચાલેલી ટ્રેડ ડીલની વાતચીત નિષ્ફળ રહી. ત્યારબાદ અમેરિકાના રાષ્ટ્રપતિ ડોનાલ્ડ ટ્રમ્પે શનિવારે મધરાતથી કેનેડાના 20 અબજ ડોલરના સામાન પર 50% ટેરિફ લાગુ કરી દીધો. આ કેનેડાના અમેરિકાને વાર્ષિક નિકાસના 5% છે. અમેરિકા અને કેનેડાના અધિકારીઓએ વોશિંગ્ટન ડીસીમાં ત્રણ દિવસની વાતચીત કરી હતી, પરંતુ વેપાર કરાર ફાઈનલ થઈ શક્યો નહીં. કેનેડાના વડાપ્રધાન માર્ક કાર્નીએ કહ્યું કે અમેરિકા જેટલો ટેરિફ લગાવશે, કેનેડા પણ તેટલો જ જવાબ આપશે. અમેરિકાએ કેનેડા પર આટલો બધો ટેરિફ શા માટે લગાવ્યો? અમેરિકાનું કહેવું છે કે કેટલાક ક્ષેત્રોમાં કેનેડાની નીતિઓ અમેરિકન કંપનીઓ માટે નુકસાનકારક છે. આ પહેલા USએ 20 ઓગસ્ટથી નવી ટેરિફ લાગુ કરવાની જાહેરાત કરી હતી. જોકે, ડેડલાઇન પહેલા જ બંને દેશોએ વાતચીત કરવાનો નિર્ણય કર્યો. આ પછી રાષ્ટ્રપતિ ટ્રમ્પે ટેરિફ લાગુ કરવાની સમયમર્યાદા ત્રણ દિવસ વધારી દીધી, જેથી વાતચીતને ફાઈનલ કરવાનો પ્રયાસ કરી શકાય. અમેરિકન અધિકારીઓનું કહેવું હતું કે ઘણા મુદ્દાઓ પર સહમતિ બની ચૂકી છે, પરંતુ કેટલાક મહત્વના વિષયો પર મતભેદ યથાવત હતા. આમાં ઓટોમોબાઈલ સેક્ટર, ડેરી પ્રોડક્ટ્સની બજાર પહોંચ, દારૂનો વેપાર અને કેટલાક અન્ય વ્યવસાયિક નિયમોનો સમાવેશ થતો હતો. 1. અમેરિકન કારો સાથે ભેદભાવનો આરોપ 2. કેનેડાનું પોતાના ડેરી માર્કેટને પ્રોટેક્શન 3. અમેરિકી દારૂના વેચાણ પર પ્રતિબંધ કેનેડાનો અમેરિકા પર જવાબી ટેરિફ અમેરિકાના નવા 50% ટેરિફ પછી કેનેડાએ તરત જ વળતી કાર્યવાહીની જાહેરાત કરી દીધી. વડાપ્રધાન માર્ક કાર્નીએ કહ્યું કે કેનેડા અમેરિકાના ટેરિફનો ડોલરના બદલે ડોલરના હિસાબે જવાબ આપશે. એટલે કે, અમેરિકા જેટલા કેનેડિયન સામાન પર ટેરિફ લગાવશે, કેનેડા પણ તેટલા જ કિંમતના અમેરિકન સામાન પર ટેરિફ લગાવશે. આનાથી બંને દેશો વચ્ચે વેપાર તણાવ વધુ વધી ગયો છે.