ગુરુવારના સત્રમાં ભારતીય શેરબજારમાં અગાઉના સતત ત્રણ સત્રની નબળાઈ બાદ મજબૂત સુધારાની શરૂઆત જોવા મળી રહી છે. વૈશ્વિક બજારોમાં સુધારો,એશિયન બજારોમાં ખરીદી અને કાચા તેલના ભાવમાં થોડો ઘટાડો ભારતીય બજાર માટે સકારાત્મક સંકેત બન્યા છે. નિફ્ટી લગભગ 250 પોઈન્ટની મજબૂતી દર્શાવતો હતો, જેના કારણે ભારતીય બજારમાં તેજીભરી શરૂઆતના સંકેતો મળ્યા હતા. આજની તેજીનું મુખ્ય કારણ માત્ર ટેકનિકલ સુધારો નથી. પશ્ચિમ એશિયામાં તણાવ લાંબો નહીં ચાલે તેવી આશા, અમેરિકન બજારોની મજબૂત બંધ સપાટી, એશિયન બજારોમાં સુધારો અને કાચા તેલના ભાવમાં થોડું નરમાઈનું સંયોજન રોકાણકારોના સેન્ટિમેન્ટમાં સુધારો લાવી રહ્યું છે. જોકે કાચા તેલનો ભાવ હજુ ઊંચો હોવાથી તેજી ઉપર સંપૂર્ણ વિશ્વાસ રાખવાને બદલે સાવચેતી જરૂરી રહેશે. સેન્સેક્સમાં આજે શરૂઆતથી જ મજબૂત ખરીદી જોવા મળવાની શક્યતા છે. અગાઉના ત્રણ સત્રમાં થયેલા ઘટાડા બાદ નીચલા સ્તરે ખરીદી અને શોર્ટ કવરિંગ બજારને ઝડપી સુધારો આપી શકે છે. ખાસ કરીને મોટા લાર્જકેપ શેરોમાં ખરીદી વધે તો સેન્સેક્સની તેજીને વધુ મજબૂતી મળી શકે છે.જોકે ઊંચા કાચા તેલના ભાવ અને વૈશ્વિક બોન્ડ ઉપજ હજુ પણ જોખમરૂપ હોવાથી શરૂઆતની તેજી બાદ નફાવસૂલી જોવા મળી શકે છે. તેથી આજનું સત્ર મજબૂત શરૂઆત સાથે ઊંચી અસ્થિરતા ધરાવતું રહી શકે છે. નિફ્ટી ફ્યુચરમાં આજે સકારાત્મક શરૂઆત સાથે ખરીદદારોનું પ્રભુત્વ રહેવાની શક્યતા છે. અગાઉના ઘટાડા પછી ગિફ્ટ નિફ્ટીના મજબૂત સંકેતો નવી ખરીદી અને શોર્ટ કવરિંગને પ્રોત્સાહન આપી શકે છે. જોકે 24,100ની આસપાસનો વિસ્તાર ફરીથી મહત્વપૂર્ણ માનસિક સ્તર બની રહેશે. બજાર વિશ્લેષકો પણ સુધારાના પ્રયાસ વચ્ચે આ વિસ્તારને મહત્વપૂર્ણ માની રહ્યા છે. ભારતીય બજાર માટે સ્થાનિક સંસ્થાકીય રોકાણકારોની સતત ખરીદી સૌથી મહત્વપૂર્ણ આધાર બની રહી છે. 02 સપ્ટેમ્બરના સત્રમાં વિદેશી સંસ્થાકીય રોકાણકારોએ આશરે ₹6688 કરોડ અને સ્થાનિક સંસ્થાકીય રોકાણકારોએ આશરે ₹2813 કરોડની ચોખ્ખી ખરીદી કરી હતી. સતત બે સત્રની સંસ્થાકીય ખરીદી બજારમાં વિશ્વાસ વધારતો સકારાત્મક સંકેત છે. રૂપિયો પણ ઊંચા કાચા તેલના ભાવ વચ્ચે સ્થિર રહેવાનો પ્રયાસ કરી રહ્યો છે. ભારતીય વિદેશી ચલણ ભંડારમાં વધારો અને ભારતીય રિઝર્વ બેન્કની સક્રિય કામગીરી રૂપિયા માટે આધારરૂપ બની રહી છે. આજે વૈશ્વિક બજારો ભારતીય બજારને મજબૂત આધાર આપી રહ્યા છે. અમેરિકાના મુખ્ય સૂચકાંકોમાં અગાઉના સત્રમાં વધારો નોંધાયો હતો અને એશિયાના મોટાભાગના બજારો પણ સુધારા સાથે આગળ વધી રહ્યા હતા. અમેરિકન રાષ્ટ્રપતિ દ્વારા ઈરાન સાથેનો તણાવ લાંબો નહીં ચાલે તેવી આશા વ્યક્ત કરવામાં આવતા રોકાણકારોના જોખમ લેવાના વલણમાં સુધારો થયો છે. પરંતુ અમેરિકન 10 વર્ષીય બોન્ડની ઉપજ ઊંચી રહેવી અને પશ્ચિમ એશિયાની અનિશ્ચિતતા હજુ પણ બજાર માટે જોખમરૂપ છે. તેથી વૈશ્વિક સકારાત્મક સંકેતો હોવા છતાં બજારમાં અસ્થિરતા સંપૂર્ણપણે દૂર થઈ નથી. આજે ઇન્ફોર્મેશન ટેક્નોલોજી, બેન્કિંગ, ફાઇનાન્શિયલ સર્વિસિસ, ઓટો, મેટલ, કેપિટલ ગુડ્સ અને ઇન્ફ્રાસ્ટ્રક્ચર સેક્ટરમાં નીચલા સ્તરે ખરીદી વધવાની શક્યતા છે. અગાઉના ઘટાડા બાદ આ સેક્ટરમાં શેરવાર વેલ્યુ બાયિંગ અને શોર્ટ કવરિંગ જોવા મળી શકે છે.ફાર્મા અને એફએમસીજી સેક્ટરમાં રક્ષણાત્મક ખરીદીનો રસ જળવાઈ શકે છે. ઓઇલ એન્ડ ગેસ સેક્ટરમાં કાચા તેલના ઊંચા ભાવને કારણે શેરવાર મિશ્ર વલણ રહી શકે છે. પાવર સેક્ટરમાં સ્થાનિક માંગ અને ઓર્ડર આધારિત શેરોમાં પસંદગીયુક્ત ખરીદી જોવા મળી શકે છે. તેજી તરફી કારણો :- આજની તેજી પાછળના મુખ્ય પરિબળોમાં અગાઉના ત્રણ સત્રનો ઘટાડો, નીચલા સ્તરે વેલ્યુ બાયિંગ, મજબૂત વૈશ્વિક બજારો, એશિયન બજારોમાં સુધારો,કાચા તેલના ભાવમાં થોડો ઘટાડો અને FII તથાDIIની ખરીદીનો સમાવેશ થાય છે. આ ઉપરાંત પશ્ચિમ એશિયામાં તણાવ ઝડપથી નિયંત્રિત થઈ શકે તેવી આશાએ વૈશ્વિક જોખમની ધારણા થોડી ઘટી છે. જો આ સ્થિતિ ચાલુ રહે તો ભારતીય બજારમાં વધુ શોર્ટ કવરિંગ જોવા મળી શકે છે. મંદીના કારણો :- તેજીભરી શરૂઆત છતાં બજાર માટે કેટલાક નકારાત્મક જોખમો યથાવત્ છે. બ્રેન્ટ કાચું તેલ હજુ લગભગ 95 ડોલર પ્રતિ બેરલની આસપાસ છે, જે ભારતના આયાત ખર્ચ અને ફુગાવા માટે ચિંતાજનક છે. આ ઉપરાંત અમેરિકન બોન્ડ ઉપજ ઊંચી રહેવી, પશ્ચિમ એશિયાની અનિશ્ચિતતા, રૂપિયા ઉપર દબાણ અને અગાઉની વેચવાલી બજારમાં ઉપરના સ્તરે નફાવસૂલી લાવી શકે છે. તેથી શરૂઆતની તેજી સતત તેજીમાં ફેરવાશે તેની ખાતરી હજી વહેલી છે. કાચા તેલના ભાવમાં થોડો ઘટાડો આજે ભારતીય બજાર માટે રાહતરૂપ છે. બ્રેન્ટ કાચું તેલ લગભગ 95.30 ડોલર પ્રતિ બેરલ અને અમેરિકન કાચું તેલ લગભગ 90.82 ડોલર પ્રતિ બેરલ આસપાસ હતું. તેમ છતાં ભાવ હજુ ઊંચા હોવાથી ઓટો, એવિએશન, પેઇન્ટ્સ અને કેમિકલ્સ જેવા ઊર્જા આધારિત સેક્ટરમાં ખર્ચનું દબાણ યથાવત્ રહી શકે છે. બીજી તરફ વૈશ્વિક અનિશ્ચિતતાના કારણે સોનામાં સલામત રોકાણની માંગ મજબૂત રહી શકે છે. ભાવિ દિશા :- આજનો મુખ્ય સંકેત મજબૂત શરૂઆત બાદ અસ્થિર તેજી તરફનો છે. અગાઉના ત્રણ સત્રના ઘટાડા પછી બજારમાં શોર્ટ કવરિંગ અને નીચલા સ્તરે ખરીદીનો તબક્કો શરૂ થઈ શકે છે. વૈશ્વિક બજારોનો સહયોગ અને FII/DIIની ખરીદી ચાલુ રહે તો બજાર દિવસ દરમિયાન વધુ સુધારો દર્શાવી શકે છે. પરંતુ કાચા તેલના ઊંચા ભાવ અને પશ્ચિમ એશિયાની સ્થિતિમાં અચાનક ફેરફાર તેજી ઉપર મર્યાદા મૂકી શકે છે. તેથી આજે શરૂઆતની મજબૂતી બાદ ઉપરના સ્તરે નફાવસૂલી અને ફરીથી વધઘટ જોવા મળવાની શક્યતા છે.એકંદરે, આજના સત્રમાં વૈશ્વિક સકારાત્મક સંકેતો,સંસ્થાકીય ખરીદી, શોર્ટ કવરિંગ અને કાચા તેલમાં થોડો ઘટાડો તેજી માટે મુખ્ય આધાર છે. જો આ પરિબળો દિવસ દરમિયાન જળવાઈ રહે તો ભારતીય બજાર અગાઉના ઘટાડામાંથી વધુ મજબૂત પુનઃપ્રાપ્તિ તરફ આગળ વધી શકે છે. તા.04.09.2026 ના રોજ સ્ટોક માર્કેટ ટ્રેડીંગ સંદર્ભે… તા.03.09.2026ના રોજ નિફટી ફ્યુચર બંધ ભાવ @ 23974 પોઈન્ટ :- આગામી સંભવિત નિફ્ટી ફ્યુચર 23880 પોઈન્ટના પ્રથમ અને 23808 પોઈન્ટના અતિ મહત્વના સ્ટ્રોંગ સપોર્ટથી ટ્રેડીંગ સંદર્ભે 24008 પોઈન્ટ થી24088 પોઈન્ટ આસપાસ અતિ મહત્વની સપાટીને સ્પર્શી શકે તેવી સંભાવના ધરાવે છે. નિફ્ટી ફ્યુચર 24133 પોઈન્ટ નજીક સાવધાનીપૂર્વક પોઝિશન બનાવવી જોઇએ….!!! હવે જોઈએ સ્ટોક સ્પેસિફિક રેન્જ મૂવમેન્ટ મેક્સ હેલ્થકેર ઇન્સ્ટિટ્યૂટ ( 994 ) :- હેલ્થકેર સેક્ટરની આ અગ્રણી કંપનીના શેરનો ભાવ હાલમાં રૂ.994 આસપાસ પ્રવર્તી રહ્યો છે.રૂ.960 ના સ્ટ્રોંગ સપોર્ટથી આ સ્ટોક ટૂંકા સમયગાળે રૂ.1008 થી રૂ.1013 આસપાસ ભાવ સપાટી નોંધાવે તેવી શક્યતા છે…!! રૂ.1020 ઉપર તેજી તરફી ધ્યાન…!! સીજી પાવર ( 891 ) :- ઇલેક્ટ્રિકલ ઇક્વિપમેન્ટ સેક્ટરનો આ સ્ટોક રૂ.878 ના સ્ટ્રોંગ સપોર્ટથી રૂ.903 થી રૂ.913 આસપાસ ભાવ સપાટી નોંધાવે તેવી સંભાવના છે…!! રૂ.915 ઉપર તેજી તરફી ધ્યાન…!! એસબીઆઈ કાર્ડ્સ ( 665 ) :- નોન બેંકિંગ ફાઇનાન્સિયલ સર્વિસિસ સેક્ટરનો આ સ્ટોક રૂ.644 ના સ્ટ્રોંગ સપોર્ટથી રૂ.676 થી રૂ.685 આસપાસ ભાવ સપાટી નોંધાવે તેવી સંભાવના છે…!! રૂ.690 ઉપર તેજી તરફી ધ્યાન…!! ડીએલએફ ( 689 ) :- રૂ.675 નો પ્રથમ તેમજ રૂ.660 ના બીજા સપોર્ટથી રિયલ એસ્ટેટ સેક્ટરનો રોકાણલક્ષી આ સ્ટોક રૂ.696 થી રૂ.707 આસપાસ ભાવ સપાટી નોંધાવે તેવી શક્યતા છે…!! કલ્યાણ જ્વેલર્સ ( 598 ) :- રૂ.584 નો પ્રથમ તેમજ રૂ.577 ના બીજા સપોર્ટથી જ્વેલરી સેક્ટરનો રોકાણલક્ષી આ સ્ટોક રૂ.606 થી રૂ.620 આસપાસ ભાવ સપાટી નોંધાવે તેવી શક્યતા છે…!! આઈસીઆઈસીઆઈ પ્રુડેન્શિયલ લાઇફ ( 502 ) :- ઇન્શ્યોરન્સ સેક્ટરનો આ સ્ટોક રૂ.488 ના સ્ટ્રોંગ સપોર્ટથી રૂ.514 થી રૂ.520 આસપાસ ભાવ સપાટી નોંધાવે તેવી સંભાવના છે…!! રૂ.525 ઉપર તેજી તરફી ધ્યાન…!!