ઈરાની સૂત્રોએ સીએનએનને જણાવ્યું હતું કે સોમવારે ઇસ્લામાબાદમાં યુએસ-ઈરાની શાંતિ વાટાઘાટોનો બીજો રાઉન્ડ યોજાવાની અપેક્ષા છે. જ્યારે વોશિંગ્ટને વાટાઘાટોની પુષ્ટિ કરી નથી, ત્યારે યુએસ રાષ્ટ્રપતિ ડોનાલ્ડ ટ્રમ્પે દાવો કર્યો છે કે તેહરાન તેના અત્યંત સમૃદ્ધ યુરેનિયમને છોડી દેવા માટે સંમત થયું છે અને વિશ્વાસ વ્યક્ત કર્યો છે કે કરાર થઈ શકે છે. ઈરાનના રાષ્ટ્રપતિ મસૂદ પઝાકિયાને રવિવારે કહ્યું હતું કે અમેરિકી રાષ્ટ્રપતિ ડોનાલ્ડ ટ્રમ્પને ઈરાનના પરમાણુ અધિકારોને પ્રતિબંધિત કરવાનો કોઈ અધિકાર નથી. ઈરાની સમાચાર એજન્સી ISNA અનુસાર, પઝાકિયાને કહ્યું હતું કે, “ટ્રમ્પ કહે છે કે ઈરાન તેના પરમાણુ અધિકારોનો ઉપયોગ કરી શકે નથી, પરંતુ તેઓ કયા ગુના માટે? તે સ્પષ્ટતા કરતા નથી. કોઈ દેશને તેના અધિકારોથી વંચિત રાખનાર તે કોણ છે?” પઝાકિયાનનું નિવેદન ત્યારે આવ્યું છે જ્યારે યુદ્ધવિરામની સમયમર્યાદા સમાપ્ત થવાની છે. ઈરાનના પરમાણુ કાર્યક્રમ અને હોર્મુઝ સ્ટ્રેટના નિયંત્રણ અંગે મતભેદો સાથે અમેરિકા અને ઈરાન વચ્ચે વાટાઘાટો મડાગાંઠમાં છે. પઝાકિયાને પુનરોચ્ચાર કર્યો કે ઈરાન યુદ્ધ ઇચ્છતું નથી અને તે ફક્ત સ્વ-બચાવમાં કાર્ય કરી રહ્યું છે. તેમણે અમેરિકા અને ઇઝરાયલ પર નાગરિક માળખાને નિશાન બનાવવાનો આરોપ લગાવ્યો, તેને આંતરરાષ્ટ્રીય કાયદાનું ઉલ્લંઘન ગણાવ્યું. અગાઉ, ઈરાની સંસદના સ્પીકર મોહમ્મદ બાઘરે કહ્યું હતું કે અમેરિકા પર ભરોસો કરી શકાય નહીં અને પરિસ્થિતિ ગમે ત્યારે વધુ ખરાબ થઈ શકે છે.
ઈરાને કહ્યું છે કે તેને અમેરિકા પર ભરોસો નથી. સંસદના સ્પીકર મોહમ્મદ બાઘેરે કહ્યું કે, પરિસ્થિતિ ગમે ત્યારે બગડી શકે છે. આ જ કારણોસર સેના સંપૂર્ણપણે તૈયાર છે. ગાલિબાફે કહ્યું કે જો ઈરાનના જહાજો હોર્મુઝ સ્ટ્રેટમાંથી પસાર નહીં થઈ શકે, તો કોઈ અન્ય દેશના જહાજોને પણ ત્યાંથી પસાર થવા દેવામાં આવશે નહીં. તેમણે અમેરિકા દ્વારા ઈરાની બંદરો પર લગાવવામાં આવેલી નાકાબંધીને ખોટો અને બેદરકાર નિર્ણય ગણાવ્યો. તેમણે કહ્યું કે આ પગલું ક્ષેત્રમાં તણાવ વધારી રહ્યું છે. ગાલિબાફે ચેતવણી આપી કે હોર્મુઝમાં માઈન-ક્લિયરિંગ જેવી કોઈપણ કાર્યવાહીને યુદ્ધવિરામનું ઉલ્લંઘન માનવામાં આવશે અને તેનો જવાબ આપવામાં આવશે. તેમણે એમ પણ કહ્યું કે ઈરાન વાતચીત માટે તૈયાર છે, પરંતુ તેને નબળાઈ ન સમજવી જોઈએ. સાથે જ દાવો કર્યો કે અમેરિકા પાસે સંસાધનો અને હથિયારો હોવા છતાં, વ્યૂહાત્મક રીતે તે ઈરાન સામે નબળું પડ્યું છે. છેલ્લા 24 કલાકના 5 મોટા અપડેટ્સ ઈરાન યુદ્ધ સંબંધિત અપડેટ્સ માટે નીચેનો બ્લોગ જુઓ…