સોના-ચાંદીના ભાવમાં આ અઠવાડિયે ઘટાડો જોવા મળ્યો. ઇન્ડિયા બુલિયન એન્ડ જ્વેલર્સ એસોસિએશન (IBJA) મુજબ, 10 ગ્રામ 24 કેરેટ સોનાનો ભાવ 4,694 રૂપિયા ઘટીને 1.55 લાખ રૂપિયા થયો છે. આ પહેલા તે ગયા અઠવાડિયે એટલે કે 28 ઓગસ્ટે લગભગ 1.60 લાખ રૂપિયા પર હતો. જ્યારે ચાંદી 2.44 લાખ રૂપિયા પ્રતિ કિલોથી ઘટીને 2.35 લાખ રૂપિયા પર પહોંચી ગઈ છે, તેની કિંમત 8,436 રૂપિયા વધી છે. અલગ-અલગ શહેરોમાં સોનાના ભાવ અલગ હોવાના 4 કારણો સોનું આ વર્ષે ₹22 હજાર મોંઘું થઈ ચૂક્યું છે આ વર્ષે સોના-ચાંદીની કિંમતમાં સતત ઉતાર-ચઢાવ જોવા મળી રહ્યો છે. સોનું 2026માં અત્યાર સુધીમાં 22 હજાર રૂપિયા મોંઘું થઈ ગયું છે. 31 ડિસેમ્બર 2025ના રોજ 10 ગ્રામ સોનું 1.33 લાખ રૂપિયા પર હતું, જે હવે 1.55 લાખ રૂપિયા પર પહોંચી ગયું છે. જ્યારે, ચાંદી 31 ડિસેમ્બર 2025ના રોજ 2.30 લાખ રૂપિયા પ્રતિ કિલો હતી, જે હવે 2.35 લાખ રૂપિયા પર પહોંચી ગઈ છે. આ દરમિયાન 29 જાન્યુઆરીએ સોનું 1.76 લાખ રૂપિયા અને ચાંદી 3.86 લાખ રૂપિયા ઓલટાઇમ હાઈ પર પહોંચ્યા હતા. જ્વેલર્સ પાસેથી સોનું ખરીદતી વખતે આ 3 બાબતોનું ધ્યાન રાખો સર્ટિફાઇડ ગોલ્ડ જ ખરીદો: હંમેશા બ્યુરો ઓફ ઇન્ડિયન સ્ટાન્ડર્ડ (BIS) નો હોલમાર્ક ધરાવતું સર્ટિફાઇડ ગોલ્ડ જ ખરીદો. આ નંબર આલ્ફાન્યૂમેરિક એટલે કે આ રીતે હોઈ શકે છે- AZ4524. હોલમાર્કિંગથી ખબર પડે છે કે સોનું કેટલા કેરેટનું છે. કિંમત ક્રોસ ચેક કરો: સોનાનું સાચું વજન અને ખરીદવાના દિવસે તેની કિંમત ઘણા સ્રોતો (જેમ કે ઇન્ડિયા બુલિયન એન્ડ જ્વેલર્સ એસોસિએશનની વેબસાઇટ) પરથી ક્રોસ ચેક કરો. સોનાનો ભાવ 24 કેરેટ, 22 કેરેટ અને 18 કેરેટ પ્રમાણે અલગ-અલગ હોય છે. મેકિંગ ચાર્જનો ખેલ: મેકિંગ ચાર્જ એ કિંમત છે જે જ્વેલર્સ સોનાને ઘરેણું બનાવવા માટે લે છે. આ ફિક્સ હોતો નથી. તમે તેના પર ભાવતાલ કરી શકો છો. જ્વેલર્સ ઘણીવાર તેને ઘટાડવા માટે તૈયાર થઈ જાય છે, ખાસ કરીને જો તમે મોટી ખરીદી કરી રહ્યા હોવ. તમે સીધા તેમની પાસેથી લેબર કોસ્ટનું બ્રેકઅપ માંગો, જેથી તમને સારી ડીલ મળી શકે. અસલી ચાંદીને ઓળખવાની 4 રીતો