ઇન્ડિગો, એર ઇન્ડિયા અને સ્પાઇસ જેટ દ્વારા ફ્લાઇટ્સની 60% સીટો પર વધારાનો ચાર્જ ન વસૂલવાના સરકારના નિર્ણયનો વિરોધ કરવામાં આવ્યો છે. એરલાઇન્સનું કહેવું છે કે આ પગલાથી તેમને પોતાની ગુમાવેલી કમાણીની ભરપાઈ કરવા માટે હવાઈ ભાડું વધારવા પર મજબૂર થવું પડશે. ત્રણેય એરલાઇન્સનું પ્રતિનિધિત્વ કરતી ફેડરેશન ઓફ ઇન્ડિયન એરલાઇન્સ (FIA) એ સિવિલ એવિએશન મંત્રાલયને આ નિર્ણય પાછો ખેંચવા વિનંતી કરી છે. ફેડરેશને કહ્યું… આ નિર્દેશથી એરલાઇન્સની નાણાકીય સ્થિતિ ઘણી પ્રભાવિત થશે. જેના પરિણામે તમામ મુસાફરોને, જેમાં તે લોકો પણ સામેલ છે, જે કદાચ પહેલાથી સીટો પસંદ કરવા માંગતા નથી, તેમને પણ વધુ ભાડું ચૂકવવું પડશે. જોકે, એવિએશન મંત્રાલયે બુધવારે ભારતમાં હવાઈ યાત્રાને વધુ સુવિધાજનક બનાવવા માટે નવા નિયમો જાહેર કર્યા હતા. નવા આદેશ મુજબ એરલાઇન્સની દરેક ફ્લાઇટમાં ઓછામાં ઓછી 60% સીટો કોઈ પણ વધારાના ચાર્જ વિના બુક થશે. આ નિર્દેશો ઘરેલુ ફ્લાઇટ્સ પર લાગુ પડશે. ફેડરેશન ઓફ ઇન્ડિયન એરલાઇન્સના 4 મુદ્દા અત્યારે 20% સીટો જ કોઈ વધારાના ચાર્જ વગર બુક થાય છે વર્તમાન નિયમોમાં, મુસાફરો માટે 20% સીટો જ કોઈ વધારાના ચાર્જ વગર બુક કરી શકાય છે, જ્યારે બાકીની સીટો માટે ચૂકવણી કરવી પડે છે. આ પગલું એટલા માટે લેવામાં આવ્યું છે કારણ કે એરલાઇન્સ સીટ પસંદ કરવા સહિતની ઘણી સેવાઓ માટે ખૂબ જ વધારે ચાર્જ વસૂલી રહી છે. રિપોર્ટ્સ અનુસાર, અત્યારે એરલાઇન્સ પસંદગીની સીટો પસંદ કરવા પર 500 થી 3000 રૂપિયા સુધીનો વધારાનો ચાર્જ લે છે. આ ઉપરાંત, એક જ PNR (બુકિંગ રેફરન્સ) પર મુસાફરી કરતા મુસાફરોને એકસાથે બેસાડવામાં આવશે અથવા તેમને આસપાસની સીટો આપવામાં આવશે. વધારાના ચાર્જને 5 સવાલ-જવાબમાં સમજો સવાલ: શું હવે સીટ પસંદ કરવા માટે વધુ પૈસા ચૂકવવા પડશે? જવાબ: ના, હવે ફ્લાઇટની ઓછામાં ઓછી 60% સીટો મફત હશે, એટલે કે તમારે દર વખતે સીટ માટે વધારાના પૈસા ચૂકવવા પડશે નહીં. સવાલ: શું પરિવાર અથવા સાથે મુસાફરી કરતા લોકો અલગ-અલગ બેસશે? જવાબ: ના, જો તમારી બુકિંગ એક જ PNR પર હોય, તો તમને સાથે અથવા નજીક-નજીક સીટ આપવામાં આવશે. સવાલ: શું રમતગમતનો સામાન અથવા મ્યુઝિકલ ઇન્સ્ટ્રુમેન્ટ લઈ જવું સરળ હશે? જવાબ: હા, હવે આ માટે સ્પષ્ટ અને સરળ નિયમો બનાવવામાં આવશે, જેથી તમને અગાઉથી ખબર રહેશે કે શું કરવું. સવાલ: શું પાલતુ પ્રાણી (pet) સાથે લઈ જઈ શકાય છે? જવાબ: હા, પરંતુ નિયમો સાથે. એરલાઇન્સને આ માટે સ્પષ્ટ પોલિસી જણાવવી પડશે, જેથી કોઈ મૂંઝવણ ન રહે. સવાલ: જો ફ્લાઇટ મોડી પડે અથવા રદ થાય તો શું મળશે? જવાબ: તમને અધિકાર મળશે, જેમ કે- રિફંડ, બીજી ફ્લાઇટ અથવા વેઇટિંગ રૂમ, જે નિયમમાં નક્કી છે. સવાલ: મને મારા અધિકારો કેવી રીતે ખબર પડશે? જવાબ: હવે એરલાઇન્સને વેબસાઇટ, એપ અને એરપોર્ટ પર સ્પષ્ટ માહિતી સરળતાથી દર્શાવવી પડશે. ‘પ્રેફર્ડ સીટ’ના નામે એરલાઇન્સ વધારાનો ચાર્જ નહીં લઈ શકે ઘણીવાર જોવા મળે છે કે ટિકિટ બુકિંગ પછી જ્યારે મુસાફરો વેબ ચેક-ઇન કરે છે, ત્યારે તેમને ફ્રી સીટના નામે ફક્ત 20% વિકલ્પો જ મળતા હતા. બાકીની સીટો માટે કંપનીઓ ‘પ્રેફર્ડ સીટ’ના નામે ભારે વસૂલી કરતી હતી. DGCAના નવા આદેશ મુજબ, હવે દરેક ફ્લાઇટમાં 60% સીટો એવી હોવી જોઈએ, જેને મુસાફરો કોઈ વધારાના ચાર્જ વિના પસંદ કરી શકે.