ભૂતપૂર્વ ભારતીય કેપ્ટન સૌરવ ગાંગુલીએ બ્રાઝિલના ભારત પ્રવાસને સમર્થન આપ્યું છે. તેમણે ગુરુવારે કહ્યું- ‘બ્રાઝિલ એક મજબૂત ફૂટબોલ ટીમ છે. તેના અહીં આવવાથી ભારતીય ફૂટબોલને એક્સપોઝર મળશે. 14 દિવસ પહેલાં ભારતીય ફૂટબોલ ટીમના ભૂતપૂર્વ કેપ્ટન બાઈચુંગ ભુટિયાએ ભારતીય ફૂટબોલ ચાહકોને ભારત-બ્રાઝિલ ફ્રેન્ડલી મેચના બહિષ્કારની અપીલ કરી હતી. ભારત અને બ્રાઝિલની આંતરરાષ્ટ્રીય ફ્રેન્ડલી મેચ 3 ઓક્ટોબરે કોલકાતાના સોલ્ટ લેક સ્ટેડિયમમાં રમાશે. ગાંગુલીને મજબૂત ટીમ આવવાની આશા ગાંગુલીને ભારત-બ્રાઝિલ મેચ વિશે પૂછ્યું હતું. આના પર તેમણે કહ્યું, ‘ફૂટબોલ એક શાનદાર રમત છે. મને તે જોવું ગમે છે. બ્રાઝિલ વિશ્વના મહાન ફૂટબોલ રમતા દેશોમાંનો એક છે. મને આશા છે કે તેઓ ખૂબ જ મજબૂત ટીમ સાથે આવશે.’ 50-70 કરોડથી ખેલાડીઓ-ક્લબોને મદદ કરો- ભુટિયા મેચના બહિષ્કારની અપીલ પાછળ ભુટિયાનો તર્ક હતો કે આ મેચ પર 50થી 70 કરોડ રૂપિયા ખર્ચ થશે. એક ફ્રેન્ડલી મેચ માટે આટલા પૈસા ખર્ચ કરવા યોગ્ય નથી. આ પૈસાને બંગાળના ખેલાડીઓ, ફૂટબોલ ઇન્ફ્રાસ્ટ્રક્ચર, ફૂટસલ મેદાનો અને આર્થિક સંકટનો સામનો કરી રહેલા ક્લબો પર લગાવી શકાય છે.