વન-ડે ટ્રાઈ સિરીઝ 2026માં સોમવારે ઈન્ડિયા-A અને શ્રીલંકા-A વચ્ચે મુકાબલો થશે. આ મેચ દામ્બુલાના રંગીરી દામ્બુલા ઇન્ટરનેશનલ સ્ટેડિયમમાં સવારે 10:00 વાગ્યાથી રમાશે. ફાઈનલમાં પહોંચવા માટે ભારતને આ મેચ જીતવી જરૂરી છે. જો આજે હાર મળશે, તો મામલો નેટ રન રેટ પર આવી જશે. ભારતના 15 વર્ષીય વૈભવ સૂર્યવંશી આ સિરીઝમાં હજુ સુધી એક પણ ફિફ્ટી ફટકારી શક્યો નથી. વૈભવે પહેલી મેચમાં શ્રીલંકા-A સામે 14 રન, જ્યારે અફઘાનિસ્તાન સામે 22 બોલમાં 44 રન બનાવ્યા હતા. હેડ-ટુ-હેડમાં બંને ટીમ બરાબરી પર ઈન્ડિયા-A અને શ્રીલંકા-A વચ્ચે રમાયેલી છેલ્લી 6 મેચમાં બંને ટીમ બરાબરી પર રહી છે. બંને ટીમે 2-2 મુકાબલા જીત્યા છે, જ્યારે 2 મેચનું કોઈ પરિણામ આવ્યું નથી. આ મુકાબલો જીતનારી ટીમ હેડ-ટુ-હેડ રેકોર્ડમાં આગળ નીકળી જશે. ભારતીય ટીમ પોતાની અગાઉની મેચ અફઘાનિસ્તાન સામે 4 રનથી હારી ગઈ હતી. બીજી તરફ, શ્રીલંકા પોતાની છેલ્લી મેચ જીતીને આવી રહ્યું છે. ટીમે પહેલી મેચ ભારત સામે હાર્યા બાદ અફઘાનિસ્તાનને 8 વિકેટે હરાવ્યું હતું. ઋતુરાજ ગાયકવાડ ભારતનો ટૉપ સ્કોરર આ ટ્રાઈ સિરીઝમાં ઋતુરાજ ગાયકવાડે ઈન્ડિયા-A માટે સૌથી વધુ રન બનાવ્યા છે. તેણે 2 મેચમાં 83.50ની એવરેજથી 167 રન બનાવ્યા છે. તેણે એક ફિફ્ટી અને એક સદી ફટકારી છે. ઋતુરાજે પહેલી મેચમાં શ્રીલંકા-A સામે જ 101 રન બનાવ્યા હતા. જ્યારે બોલિંગમાં અનુકૂલ રોયે 2 મેચમાં ટીમ માટે સૌથી વધુ 3 વિકેટ ઝડપી છે. તેણે માત્ર 4.87ની ઇકોનોમીથી રન આપ્યા છે. તેનું એક ઇનિંગ્સમાં સર્વશ્રેષ્ઠ પ્રદર્શન 49 રન આપીને 2 વિકેટ છે. શાનદાર ફોર્મમાં શ્રીલંકા-Aનો અવિષ્કા ફર્નાન્ડો શ્રીલંકા-A તરફથી આ ટ્રાઈ સિરીઝમાં અવિષ્કા ફર્નાન્ડોએ શાનદાર બેટિંગ કરી છે. તેણે 2 મેચમાં 153ની શાનદાર એવરેજથી 153 રન બનાવ્યા છે. તેણે છેલ્લી મેચમાં અફઘાનિસ્તાન-A સામે સદી (108* રન) ફટકારી હતી. બોલિંગમાં ચમિકા ગુણશેકરાએ 1 મેચમાં સૌથી વધુ 3 વિકેટ લીધી છે. તેણે અફઘાનિસ્તાન-A સામે 3.69ની ઇકોનોમીથી રન ખર્ચીને આ વિકેટો મેળવી હતી. ત્રણેય ટીમના 2-2 પોઇન્ટ્સ શ્રીલંકા-A, ઈન્ડિયા-A અને અફઘાનિસ્તાન-A અત્યાર સુધી 2-2 મેચ રમી ચૂક્યા છે. ત્રણેય ટીમ 1 જીત અને 1 હાર સાથે 2-2 પોઇન્ટની બરાબરી પર છે. નેટ રન રેટની દ્રષ્ટિએ શ્રીલંકા-A પ્રથમ, ઈન્ડિયા-A બીજા અને અફઘાનિસ્તાન-A ત્રીજા સ્થાને છે. હજુ ત્રણ મેચ બાકી છે. ત્રણેય ટીમે 2-2 મેચ રમવાની છે. બાકીની બંને મેચ જીતનારી ટીમ સીધી ફાઈનલમાં પહોંચશે. જ્યારે પોઇન્ટ સરખા રહેશે તો નેટ રન રેટના આધારે ટૉપ-2 ટીમ 21 જૂને ફાઈનલ રમશે. બન્ને ટીમની પોસિબલ પ્લેઇંગ-11 ઈન્ડિયા-A: વૈભવ સૂર્યવંશી, પ્રભસિમરન સિંહ (વિકેટકીપર), પ્રિયાંશ આર્ય, ઋતુરાજ ગાયકવાડ, તિલક વર્મા (કેપ્ટન), આયુષ બદોની, અનુકુલ રોય, સૂર્યાંશ શેડગે, અંશુલ કંબોજ, અરશદ ખાન અને વિપરાજ નિગમ. શ્રીલંકા-A: નિરોશન ડિકવેલા (વાઇસ કેપ્ટન અને વિકેટકીપર), અવિષ્કા ફર્નાન્ડો, અહાન વિક્રમસિંઘે, સદીરા સમરવિક્રમા (વિકેટકીપર), સહાન અરાચિગે (કેપ્ટન), ચમિકા કરુણારત્ને, રવિન્દુ ફર્નાન્ડો, વાનુજા સહન, વિજયકાંત વિયાસકાંત, મોહમ્મદ શિરાજ અને ચમિકા ગુણશેખરા.