ફેસ્ટિવલ સીઝન પહેલાં ખાંડની વધતી કિંમતોને કાબૂમાં લેવા માટે કેન્દ્ર સરકારે તેની આયાતને ટેક્સ ફ્રી કરી દીધી છે. વાણિજ્ય મંત્રાલય અનુસાર, 10 લાખ મેટ્રિક ટન કાચી ખાંડના ડ્યુટી-ફ્રી એટલે કે કોઈપણ આયાત શુલ્ક વિનાના આયાતને મંજૂરી આપી દીધી છે. આ છૂટ 31 ઓક્ટોબર સુધી રહેશે. આ નિર્ણયનો સીધો ઉદ્દેશ્ય સામાન્ય ગ્રાહકોને વધતી મોંઘવારીમાંથી રાહત આપવાનો છે. કારણ કે, દેશમાં ખાંડની કિંમતો રેકોર્ડ સ્તરે પહોંચી ગઈ છે. તહેવારોની સીઝનમાં માગ પૂરી કરવાની તૈયારી સરકારના આદેશ મુજબ, ખાંડના આ જથ્થાની આયાત આજથી લઈને 31 ઓક્ટોબર 2026 સુધીમાં પૂરી કરવી પડશે. બે મહિનામાં 40% મોંઘી થઈ, 10 વર્ષમાં પહેલીવાર આયાત કરવાની નોબત આવી ભારતના ઘરેલુ બજારમાં છેલ્લા કેટલાક સમયથી ખાંડની ભારે અછત જોવા મળી છે. ગ્લોબલ માર્કેટ પર પણ અસર દેખાશે, લંડન-ન્યૂયોર્કમાં ભાવ વધી શકે છે કોમોડિટી માર્કેટના નિષ્ણાતો અને બજાર વિશ્લેષકોનું માનવું છે કે ભારત સરકારના આ નિર્ણયની અસર આંતરરાષ્ટ્રીય સ્તરે પણ દેખાશે. કારણ કે, ભારત વિશ્વનો સૌથી મોટો ખાંડ ઉપભોક્તા છે, તેથી જેવું ભારત આંતરરાષ્ટ્રીય બજારમાંથી 10 લાખ ટન કાચી ખાંડ ખરીદશે, ગ્લોબલ માર્કેટમાં તેની માગ અચાનક વધી જશે. એની સીધી અસર લંડન અને ન્યૂયોર્કના કોમોડિટી એક્સચેન્જોમાં ખાંડના બેન્ચમાર્ક ભાવો પર પડશે અને ત્યાં આવનારા દિવસોમાં ખાંડના ભાવ મજબૂત થઈ શકે છે.