ક્રિસ્ટિયાનો રોનાલ્ડોએ પોર્ટુગલમાં તેની ગર્લફ્રેન્ડ જ્યોર્જિના રોડ્રિગ્ઝ સાથે લગ્ન કરી લીધા છે. બંનેના લગ્નને લઈને ઘણા વર્ષોથી અટકળો ચાલી રહી હતી. મીડિયા રિપોર્ટ્સ અનુસાર, બંનેએ મંગળવારે સિવિલ મેરેજ કર્યા છે. બંને 2016માં મેડ્રિડમાં મળ્યા હતા અને ત્યારથી સાથે છે. તેણે ઇન્સ્ટાગ્રામ પર પોતાની રિંગ બતાવતી એક તસવીર પણ શેર કરી. આ બંનેને સાથે ચાર બાળકો છે. બરાબર એક વર્ષ પહેલા સગાઈ કરી હતી રોનાલ્ડો અને જ્યોર્જિનાએ આજથી બરાબર એક વર્ષ પહેલાં 12 ઑગસ્ટ 2025ના રોજ સગાઈ કરી હતી. તે સમયે જ્યોર્જિનાએ ઇન્સ્ટાગ્રામ પર એન્ગેજમેન્ટ રિંગનો ફોટો શેર કર્યો હતો અને કેપ્શનમાં લખ્યું હતું, ‘હા, હું તમને પ્રેમ કરું છું. આ જીવનમાં અને આવનારા દરેક જીવનમાં.’ રોનાલ્ડો અને જ્યોર્જિના 2016થી ડેટ કરી રહ્યા છે. બંનેએ 2017ની શરૂઆતમાં તેના સંબંધોની પુષ્ટિ કરી હતી અને ઝુરિચમાં ફિફા ફૂટબોલ એવોર્ડ્સમાં પહેલીવાર એકસાથે દેખાયા હતા. રોનાલ્ડોએ આ જ વર્ષે છેલ્લો વર્લ્ડ કપ રમ્યો રોનાલ્ડો તાજેતરમાં FIFA વર્લ્ડ કપ 2026માં પોર્ટુગલની ટીમ માટે રમ્યો હતો. તેની ટીમ જુલાઈમાં રાઉન્ડ ઑફ 16માં સ્પેન સામે હારીને ટુર્નામેન્ટમાંથી બહાર થઈ ગઈ હતી. સ્પેને 1-0ની જીત સાથે ક્વાર્ટર ફાઇનલમાં સ્થાન મેળવ્યું. આ મુકાબલા પહેલા રોનાલ્ડોએ જાહેરાત કરી હતી કે આ તેનો છેલ્લો FIFA વર્લ્ડ કપ હશે. મેચ પછી તે મેદાનમાંથી જતી વખતે ચહેરા પર ઉદાસી અને આંખોમાં આંસુ સાથે દેખાયો હતો. વર્લ્ડ કપમાં રોનાલ્ડોના ડેબ્યૂ પછી પોર્ટુગલે 2006માં ચોથું સ્થાન મેળવ્યું હતું. 2010માં ટીમ રાઉન્ડ ઑફ 16 સુધી પહોંચી, જ્યારે 2014માં ગ્રુપ સ્ટેજમાંથી બહાર થઈ ગઈ. રોનાલ્ડોની FIFA વર્લ્ડ કપ કારકિર્દી 27 મેચ સાથે સમાપ્ત થઈ. આ કોઈ ખેલાડીના સૌથી વધુ વર્લ્ડ કપ મેચમાં બીજું સ્થાન છે. તેણે વર્લ્ડ કપમાં કુલ 11 ગોલ કર્યા. રોનાલ્ડો 5 બાળકોનો પિતા છે જ્યોર્જિના એક સ્પેનિશ મોડેલ અને સોશિયલ મીડિયા ઇન્ફ્લુએન્સર છે. આ બંનેને સાથે ચાર બાળકો છે. એવા મારિયા અને માતેઓનો જન્મ 2017માં સરોગસીથી થયો હતો. તે જ સમયે, 2017માં જ જ્યોર્જિનાએ દીકરી અલાના માર્ટિના અને 2022માં બેલા એસ્મેરાલ્ડાને જન્મ આપ્યો હતો. આ ઉપરાંત, રોનાલ્ડોનો એક દીકરો પણ છે. ક્રિસ્ટિયાનો રોનાલ્ડો જુનિયર, જેનો જન્મ 2010માં થયો હતો. 900 ગોલ કરનાર વિશ્વનો પ્રથમ ખેલાડી રોનાલ્ડોએ ગયા વર્ષે 5 સપ્ટેમ્બરે ક્રોએશિયા સામેની મેચમાં પોતાની કારકિર્દીનો 900મો ગોલ કર્યો હતો. આવું કરનાર તે વિશ્વનો પ્રથમ ખેલાડી છે. રોનાલ્ડોએ આ માઈલસ્ટોન હાંસલ કર્યા પછી સોશિયલ મીડિયા પર પોતાની ફૂટબોલ યાત્રાની એક ક્લિપ શેર કરી હતી. આ વીડિયો શેર કરતા રોનાલ્ડોએ તમામ ચાહકોનો આભાર માન્યો હતો. સાથે જ કહ્યું કે તેણે ઘણા સમયથી આ સપનું જોયું હતું, જે પૂરું થઈ ગયું છે. હજુ કેટલાક સપના પૂરા કરવાના બાકી છે. રોનાલ્ડોની કમાણી ₹2,800 કરોડ પાર 41 વર્ષનો ક્રિસ્ટિયાનો રોનાલ્ડો આ સમયે દુનિયાનો સૌથી મોંઘો ખેલાડી છે. છેલ્લા એક વર્ષમાં તેની અંદાજિત કમાણી $300 મિલિયન (આશરે ₹2858.25 કરોડ) રહી છે. આમાંથી ₹3191.71 કરોડ ($235 મિલિયન) તેને મેદાન પર રમત (સેલેરી અને બોનસ)થી મળ્યા છે, જ્યારે ₹619.38 કરોડ ($65 મિલિયન) એન્ડોર્સમેન્ટ અને અન્ય બિઝનેસ વેન્ચર્સથી આવ્યા છે. સાઉદી અરેબિયાના ક્લબ અલ-નાસર માટે રમતા રોનાલ્ડો દુનિયાના એવા એવા 4 એક્ટિવ એથ્લીટ્સમાં સામેલ છે, જેમની નેટવર્થ $1 બિલિયનથી વધુ છે.