ભાજપ સાંસદ અને એક્ટ્રેસ કંગના રનૌત હવે ક્રિતી સેનનની રક્ષાબંધન જાહેરાત પર આપેલા નિવેદનથી પલટી ગઈ છે. ‘ડીકોડ લાઈવ’ શોમાં કંગનાએ કહ્યું કે ક્રિતીને જે મન થાય તે પહેરી શકે છે અને તેને કોઈ રોકી રહ્યું નથી. ‘ક્રિતીને કોણ રોકી રહ્યું છે?’ ઇન્ટરવ્યુમાં જ્યારે કંગનાને ક્રિતી સેનનના કપડાં પર આપેલા તેના તાજેતરના નિવેદન વિશે પૂછવામાં આવ્યું, ત્યારે તેણે કહ્યું, ‘જે પ્રકારની ફિલ્મોમાં આપણે તેમને જોઈએ છીએ, તેમને કંઈપણ પહેરવાથી કોણ રોકી રહ્યું છે? કોણે તેમને રોક્યા છે, કોને શું પડી છે?’ આ સાથે જ કંગનાએ કહ્યું કે, ‘રક્ષાબંધનના અવસરે કોઈપણ મહિલા પોતાની પસંદના કપડાં પહેરી શકે છે.’ ‘બિકીની’ વાળી કોમેન્ટથી વિવાદ શરૂ થયો હતો
આ પહેલા કંગના રનૌતે પોતાની ઇન્સ્ટાગ્રામ સ્ટોરી પર નામ લીધા વગર ક્રિતી સેનન પર નિશાન સાધ્યું હતું. કંગનાએ લખ્યું હતું કે, ‘આજકાલ મહિલાઓ પાસે પહેરવા માટે દરેક પ્રકારના કપડાંના વિકલ્પો ઉપલબ્ધ છે, આવી સ્થિતિમાં રક્ષાબંધન પર ભાઈને રાખડી બાંધતી વખતે આવા કપડાં કેમ પસંદ કરવામાં આવ્યા.’ કંગનાએ પોતાની ઇન્સ્ટાગ્રામ સ્ટોરી પર લખ્યું- મહિલા હોવા માટે આ શાનદાર સમય છે. આપણા કબાટ અનેક પ્રકારના કપડાંથી ભરેલા છે અને આજની મહિલા ગ્લોબલ મહિલા છે. કોકટેલ ડ્રેસથી લહેંગા ચોલી, જીન્સથી સાડી અને બિકીનીથી સલવાર-કમીઝ સુધી, આજે આપણી પાસે કપડાંના આટલા વિકલ્પો છે. તો પછી તમે તમારા ભાઈને બિકીની કે અન્ડરગાર્મેન્ટ્સમાં રાખડી શા માટે બાંધશો? તમારી પાસે સ્ટાઇલિંગના આટલા વિકલ્પો ક્યાં ગયા? હા હા, આ જાહેરાત જાણી જોઈને વિચિત્ર બનાવવામાં આવી હોય તેવું લાગે છે. GIVA એ જાહેરાત હટાવી રક્ષાબંધનની આ જાહેરાત પર વિવાદ એટલી હદે વધી ગયો કે કંપનીએ આ જાહેરાતને તમામ પ્લેટફોર્મ પરથી હટાવી લીધી. કંપનીએ સોશિયલ મીડિયા પર એક સત્તાવાર નિવેદન શેર કરીને આ માહિતી આપી. જ્વેલરી બ્રાન્ડ જીવાએ સત્તાવાર સોશિયલ મીડિયા હેન્ડલ પર લખ્યું, અમે ભારતીય સંસ્કૃતિ, પરંપરાઓ અને તહેવારો પ્રત્યે ઉચ્ચ આદર અને ઊંડી સંભાળ ધરાવીએ છીએ. એક બ્રાન્ડ તરીકે, અમે હંમેશા આ આનંદના પ્રસંગોને સમગ્ર પરિવાર સાથે ઉજવવામાં માનીએ છીએ અને આ વખતે અમે આ પ્રેમ અને ઉજવણીને આપણા પાલતુ પ્રાણીઓ (pets) સુધી પહોંચાડવા માંગતા હતા. જો અમારી તાજેતરની જાહેરાતથી અજાણતા સમાજના કેટલાક વર્ગોની લાગણીઓને દુભાઈ હોય, તો તે અમારો બિલકુલ ઈરાદો નહોતો. આદર માટે, અમે તે જાહેરાતને તમામ મીડિયા પરથી પાછી ખેંચી લીધી છે. આ તહેવારોના સમયમાં તમને અપાર પ્રેમ અને સકારાત્મકતાની શુભેચ્છાઓ! જાહેરાતમાં પહેરવેશ અને પાલતુ શ્વાનને કારણે વિવાદ આ આખો વિવાદ એક જ્વેલરી બ્રાન્ડની રક્ષાબંધન જાહેરાત પછી શરૂ થયો હતો. જેમાં ક્રિતી ઇન્ડો-વેસ્ટર્ન બ્રાલેટ સ્ટાઇલ બ્લાઉઝમાં જોવા મળી હતી. વીડિયોમાં તે ભાઈ ઉપરાંત પાલતુ શ્વાનને પણ રાખડી બાંધતી જોવા મળી હતી. સોશિયલ મીડિયા પર ઘણા લોકોએ તેને ભારતીય સંસ્કૃતિનું અપમાન ગણાવીને એક્ટ્રેસના કપડાં પ્રત્યે નારાજગી વ્યક્ત કરી હતી અને ફરિયાદ નોંધાવવાની માંગ કરી હતી.