ભારતના લક્ષ્ય સેન અને ઉન્નતિ હુડ્ડાએ બેડમિન્ટન વર્લ્ડ ચેમ્પિયનશિપમાં જીત સાથે શરૂઆત કરી છે. નવી દિલ્હીના ઇન્દિરા ગાંધી સ્ટેડિયમમાં લક્ષ્યએ રોમાનિયાના કોલિન્સ ફિલિમોનને 16-21, 21-8 અને 21-4થી હરાવ્યો. જ્યારે, વિમેન્સ સિંગલ્સમાં ઉન્નતિ હુડ્ડાએ મ્યાનમારની થેત હમતાર થુજારને 22-20, 21-16થી હરાવી. આગળના રાઉન્ડમાં લક્ષ્યનો મુકાબલો સ્વિટ્ઝર્લેન્ડના ટોબિયાસ કુંજી અને અમેરિકાના ગેરેટ ટેનના વિજેતા સાથે થશે. ઉન્નતિનો મુકાબલો કેનેડાની 19મી વરીય ખેલાડી મિશેલ લી સાથે થશે. ત્રિસા-ગોપીચંદે અમેરિકી જોડીને હરાવી વિમેન્સ ડબલ્સમાં ત્રિસા જોલી અને ગાયત્રી ગોપીચંદની જોડીએ રાઉન્ડ ઓફ 32ની મેચમાં અમેરિકાની લોરેન લેમ અને એલિસન લીને 21-15, 21-12થી હરાવ્યા. જ્યારે, કવિપ્રિયા સેલ્વમ અને સિમરન સિંઘીની જોડીને બલ્ગેરિયાની ગેબ્રિએલા સ્ટોએવા અને સ્ટેફાની સ્ટોએવા સામે 7-21, 14-21થી હારનો સામનો કરવો પડ્યો. રોહન-શિવની અને સૂર્યા-અમૃતાની જોડીઓ હારી મિક્સ્ડ ડબલ્સમાં રોહન કપૂર અને રુત્વિકા શિવાની ગડ્ડેની ભારતીય જોડીને કેનેડાના જોનાથન બિંગ ત્સાન લાઈ અને ક્રિસ્ટલ લાઈએ 20-22, 21-19, 21-17થી 1 કલાક 8 મિનિટમાં હરાવ્યા. અશિથ સૂર્ય અને અમૃતા પ્રમુથેશની જોડીને તુર્કીના એમ્રે સોનમેઝ અને યાસેમેન બેક્તાસે 21-16, 29-30, 22-24 થી હરાવ્યા.