મયંક અગ્રવાલ કાઉન્ટી ચેમ્પિયનશિપ રમવા જઈ રહ્યા છે. તેમણે ડરહામ સાથે કરાર કર્યો છે. તેઓ સિઝનની અંતિમ ચાર કાઉન્ટી ચેમ્પિયનશિપ મેચો માટે ઉપલબ્ધ રહેશે. મયંક છેલ્લા 4 વર્ષથી ટીમ ઈન્ડિયામાંથી બહાર ચાલી રહ્યા છે. તેમણે છેલ્લી ઈન્ટરનેશનલ મેચ 12થી 14 માર્ચ સુધી બેંગલુરુમાં શ્રીલંકા સામે રમી હતી. મયંક ગયા વર્ષે IPL ફાઇનલમાં જીતનારી RCBની પ્લેઇંગ ઇલેવનનો પણ ભાગ હતા. તેઓ ફર્સ્ટ ક્લાસ ક્રિકેટમાં કર્ણાટક માટે રમી રહ્યા છે. મયંકે ગયા વર્ષે યોર્કશાયર તરફથી સદી ફટકારી હતી મયંકે ગયા વર્ષે યોર્કશાયર સાથે પોતાનો પહેલો કાઉન્ટી કરાર કર્યો હતો. તેમણે ત્રણ મેચ રમી હતી. પ્રથમ ત્રણ ઇનિંગ્સમાં બે વાર શૂન્ય પર આઉટ થયા પછી, અગ્રવાલે પોતાની છેલ્લી મેચમાં 175 રન બનાવ્યા હતા. આ મેચ તેમની વર્તમાન ટીમ ડરહામ સામે હતી. કોચે કહ્યું- ટીમને ઇન્ટરનેશનલ બેટરની જરૂર હતી ડરહામના હેડ કોચ રાયન કેમ્પબેલે કહ્યું, ‘અમે અમારી કાઉન્ટી ચેમ્પિયનશિપ અભિયાન દરમિયાન મયંકના જોડાવાથી ખુશ છીએ.’ તેમણે કહ્યું, ‘ડેવિડ બેડિંગહામના ઇન્ટરનેશનલ રેડ બોલવાળા સિઝન માટે સાઉથ આફ્રિકા પાછા ફર્યા પછી અમારા માટે જરૂરી હતું કે અમે સિઝનના બાકીના ભાગ માટે કોઈ ઉચ્ચ સ્તરના આંતરરાષ્ટ્રીય ક્રિકેટરને ટીમમાં સામેલ કરીએ.’ કેમ્પબેલે કહ્યું, ‘મયંક ખૂબ જ પ્રતિભાશાળી બેટર છે અને તેનો ફર્સ્ટ ક્લાસ રેકોર્ડ શાનદાર છે. અમે ઇચ્છીએ છીએ કે તે ડરહામ માટે યોગદાન આપે, કારણ કે અમે કાઉન્ટી ચેમ્પિયનશિપના ડિવિઝન વનમાં પાછા ફરવાનો પ્રયાસ કરી રહ્યા છીએ.’ મયંકે 21 ટેસ્ટ રમી, બેવડી સદી ફટકારી મયંક અગ્રવાલે ભારત માટે રેડ બોલના ફોર્મેટમાં 21 મેચ રમી છે. ટેસ્ટ ક્રિકેટમાં તેના નામે બેવડી સદી છે, જ્યારે તેણે 5 વનડે પણ રમી છે.