પીએમ મોદીએ તેમના ઓસ્ટ્રેલિયા પ્રવાસના ત્રીજા અને છેલ્લા દિવસે મેલબોર્ન ક્રિકેટ ગ્રાઉન્ડ (MCG) ની મુલાકાત લીધી. આ દરમિયાન તેમની સાથે ઓસ્ટ્રેલિયન પીએમ એન્થની અલ્બેનીઝ અને ઓસ્ટ્રેલિયન ક્રિકેટ ટીમના પૂર્વ કેપ્ટન સ્ટીવ વો પણ હાજર રહ્યા. MCG માં પીએમ મોદીએ કહ્યું કે ઓસ્ટ્રેલિયાની બિગ બેશ લીગ (BBL) એટલે કે ટી-20 લીગની ઓપનિંગ મેચ આ વર્ષે 12 ડિસેમ્બરે ચેન્નઈમાં રમાશે. આ પહેલીવાર બનશે જ્યારે કોઈ વિદેશી ક્રિકેટ લીગની મેચ ભારતમાં રમાશે. પીએમના મેલબોર્ન ક્રિકેટ ગ્રાઉન્ડ પ્રવાસની તસવીરો… પીએમ મોદી તેમના છ દિવસીય વિદેશ પ્રવાસના અંતિમ તબક્કામાં આજે ન્યુઝીલેન્ડ પહોંચશે. પીએમના પ્રવાસની શરૂઆત ન્યુઝીલેન્ડ સરકાર સાથે દ્વિપક્ષીય વાટાઘાટોથી થશે. આ દરમિયાન બંને દેશો ફ્રી ટ્રેડ એગ્રીમેન્ટ (FTA) કરારને અંતિમ સ્વરૂપ આપશે. ત્યારબાદ પીએમ એક બિઝનેસ ઇવેન્ટ અને સ્પોર્ટિંગ ઇવેન્ટમાં ભાગ લેશે. ત્યારબાદ ઓકલેન્ડમાં 40 હજાર ભારતીયોને પણ સંબોધિત કરશે. પીએમના સ્વાગત માટે ભારતીય સમુદાયે ‘કિયા ઓરા મોદી’ કાર્યક્રમનું આયોજન કર્યું છે. ન્યુઝીલેન્ડમાં 40 વર્ષ બાદ કોઈ ભારતીય પીએમની આ મુલાકાત થઈ રહી છે. આ પહેલા 1986માં તત્કાલીન પીએમ રાજીવ ગાંધી ન્યુઝીલેન્ડ ગયા હતા. પીએમના ન્યુઝીલેન્ડ પ્રવાસની પળેપળની અપડેટ્સ માટે નીચે બ્લોગ વાંચો…