વિરાટ કોહલીએ પત્ની અનુષ્કા શર્મા સાથે વૃંદાવનમાં સંત પ્રેમાનંદ મહારાજના દર્શન કર્યા. બંને બુધવારે વહેલી સવારે 4 વાગ્યે મહારાજજીના નવા આશ્રમ યમુના વિહાર કુંજ પહોંચ્યા. ચહેરા પર માસ્ક લગાવીને ખુલ્લા પગે આશ્રમની અંદર ગયા. વરસાદને કારણે રસ્તામાં કાદવ હતો. વિરાટ, અનુષ્કાનો હાથ પકડીને કાદવમાં ચાલતા જોવા મળ્યા. પ્રેમાનંદજીના શિષ્યોએ તેમનું સ્વાગત કર્યું. બંને લગભગ 1 કલાક સુધી આશ્રમમાં રહ્યા. બહાર આવ્યા ત્યારે વિરાટના કપાળ પર ચંદનનો ટીકો અને હાથમાં પ્રસાદ હતો. પછી કારથી બંને આશ્રમથી 15 કિમી દૂર મહારાજજીના ગુરુ હિત ગોવિંદ શરણ મહારાજના આશ્રમ પહોંચ્યા. તેમના દર્શન કર્યા અને આશીર્વાદ લીધા. વિરાટ અને અનુષ્કાએ આ પહેલા IPL જીત્યા પછી 2 જૂને સંત પ્રેમાનંદના દર્શન કર્યા હતા. બંને 2 કલાક સુધી આશ્રમમાં રહ્યા હતા. કપાળ પર ચંદન, ત્રિપુંડ અને હાથમાં એક પુસ્તક લઈને બહાર આવ્યા હતા. વિરાટ-અનુષ્કાની 5 તસવીરો… ઇંગ્લેન્ડ સિરીઝમાં હાર બાદ કોહલી વૃંદાવન પહોંચ્યો વિરાટ ઇંગ્લેન્ડ સામેની વન-ડે સિરીઝમાં મળેલી હાર બાદ વૃંદાવન પહોંચ્યા. ઇંગ્લેન્ડે 3 મેચની શ્રેણીમાં ભારતને 2-1 થી હરાવ્યું હતું. સિરીઝમાં વિરાટે 48ની સરેરાશથી કુલ 144 રન બનાવ્યા હતા. લોર્ડ્સમાં રમાયેલી નિર્ણાયક મેચમાં વિરાટે 74 રનની ઇનિંગ રમી હતી. આ પહેલા, એજબેસ્ટનમાં પ્રથમ વન-ડેમાં 5 અને કાર્ડિફમાં બીજી વન-ડેમાં 65 રન બનાવ્યા હતા. ગુરુ પૂર્ણિમા મહોત્સવ પહેલા પ્રેમાનંદજીના દર્શન કર્યા પ્રેમાનંદજીના નવા આશ્રમ યમુના વિહાર કુંજમાં આવતીકાલે એટલે કે 23 જુલાઈથી 29 જુલાઈ સુધી ગુરુ પૂર્ણિમા મહોત્સવ યોજાવા જઈ રહ્યો છે. તેમાં અલગ-અલગ રાજ્યોના શિષ્યો માટે અલગ-અલગ દિવસ નક્કી કર્યા છે. અહીં 28 જુલાઈ સુધી મહારાજજી દર્શન આપશે. 29 જુલાઈએ તેઓ કેલી કુંજ આશ્રમ જશે. જ્યાં તેઓ તેમની પાસેથી દીક્ષા લઈ ચૂકેલા સંતોને દર્શન આપશે. આઠમી વખત પ્રેમાનંદજીને મળવા પહોંચ્યા વિરાટ-અનુષ્કા વિરાટ અને અનુષ્કા અત્યાર સુધીમાં 8 વખત સંત પ્રેમાનંદને મળ્યા છે. બંને પહેલીવાર 4 જાન્યુઆરી 2023ના રોજ સંત પ્રેમાનંદને મળ્યા હતા. 3 વર્ષમાં બંનેની આ આઠમી અને આ વર્ષે ચોથી મુલાકાત છે. જૂન પહેલા 20 એપ્રિલે અક્ષય તૃતીયાના દિવસે મહારાજજીના દર્શન કર્યા હતા. સત્સંગ સાંભળ્યો હતો. 16 ફેબ્રુઆરીએ પુત્ર અકાયના જન્મદિવસ પછી પણ બંને અહીં આવ્યા હતા. 2025માં પણ આ કપલ ત્રણ વખત આશ્રમ પહોંચ્યું હતું. જાન્યુઆરીમાં બાળકો સાથે પહોંચ્યા. ત્યારબાદ મે અને ડિસેમ્બરમાં પ્રેમાનંદજીના દર્શન કર્યા હતા.